رقوبي* .. في ضيافة المخابرات السويدية !!!
(الفصل الأول)
المشهد : رقوبي وهو نايم وجاي يحلم انه دا يتعارك وية أسد !!!
رقوبي : ولك انت لهسة* هنا بنورشوبينغ ؟ ما تكوللي شتريد ؟
الأسد : آني اليوم جوعان وأريد آكلك ؟
رقوبي : ولك انت ما تجوز* هذيج المرة وسام طيح حظك* وهالمرة ..
الأسد : شنو؟ وسام طيح حظي ؟ ولكم انتو السامرائيين ما تبطلون جذب* ؟ أصلا آني خيرت وسام ما بين شغلتين يا آكله يا أغتصبه !!!
رقوبي : ايه وشنو صار بعدين ؟
الأسد : أكلته !!!
رقوبي : بس وسام لهسة عايش !!!
الأسد : ولك انت صدك غبي علمود هيج راح أخيرك مثل ما خيرت وسام ؟
رقوبي : رحمة لوالديك ترى أريد أعيش ومستعد لكل طلباتك !!!
الأسد من كد ما هو ضايج* من رقوبي ضربه راشدي عجل* خلاه يصحى من النوم .
رقوبي صحا من النوم على نغمة النعال اللي متعود يحصله من زوجته كل يوم !!!
أم محمد : ولك كوم من النوم الساعة هسة 2 الظهر وراح يصير العصر دكوم روح جيبلنا خبز.
رقوبي : الريوك* خلص ؟
أم محمد : يا ريوك كول* غدا لو عشا !!!
(الباب يندك)
رقوبي : منو هذا البطران الجاي من الصبح ؟
أم محمد : هذا وسام أخليه يدخل ؟
رقوبي : وسام ؟.. هذا لهسة عايش ؟ لعد حجي* الأسد صحيح ؟
أم محمد : ولك يا أسد ؟
رقوبي : ولج هذا وسام طلع مو رجال ترى الأسد ..... ها ها ها ها ها
أم محمد : اسم الله عليك .. ولك شنو مصخن أنت ؟
وسام (خايف ودا يرتجف ) : رقوبي .. رقوبي ولك أنت نايم والدنيا مقلوبة برة ؟
رقوبي : شنو رجع الأسد ؟
وسام : ولك يا أسد ؟ المخابرات السويدية دازة عليك ويريدوك باجر* عدهم !!!
رقوبي : آآآآآآآآآني ؟ شششششششششيريدون مني ؟ آني حتى شواربي زينتهن ، ما يقولون شيريدون بعد مني ؟
وسام : والله ما أدري دروحلهم .. موعدك وياهم باجر الساعة 10 الصبح .. وآني أروح قبل ما يعرفون اني بلغتك .
رقوبي : لعد لا تطلع من الباب مال الشقة علمود ما يعرفون أنه فيه علاقة بيني وبينك.. اكمز* من البلكونة لو من شباك المطبخ !!!
رقوبي صار من كثر التفكير مو عارف شنو يسوي .. وصار يتمشى في الشقة ما بين الصالة وغرفة النوم لغرفة الجهال وهو دا يستخدم أداة التفكير وهو اصبعه وهو دا يحفر جوة خشمه .. وصار يضرب دالغات* بالرايحة والجاية وبالأخير حب انه يختلي وية نفسه يمكن تجيله فكرة جهنمية .. بس وين يختلي وابنه محمد ثابر البيت ثبيرة ؟؟؟ أحسن شي يروح للتواليت ويفكر براحته وهو كاعد على المرافق!!!
رقوبي : ماكو الا اتصل بعمي أبو زياد وأشوف شنو يقول بلكن هو يروح بدالي واضرب عصفورين بحجر أخلص من مقابلة المخابرات وأخلص من عمي همينة!
أبو زياد : نعــــــــــــــــم !!!
رقوبي : اشلونك عمي ؟
أبو زياد : شتريد ؟
رقوبي : يعني الواحد ما يسأل عن عمه ؟
أبو زياد : ولك تريد تقنعني أنك جاي تسأل علي ؟ مو آني خابزك وعاجنك وأنت بالذات ما تتصل بية الا عندك شغلة وياية .
رقوبي : المخابرات السويدية دازة علي ويريدون مقابلتي .
أبو زياد : ايه وشسويلك ؟
رقوبي : بلكن تروح بدالي وتشوف شيريدون مني ؟
أبو زياد : أنت اشلون أمك *؟ جاي تصير لوتي براسي .. شوف أنت شنو مسوي من مصايب وفضها وياهم .. ودير بالك تجيب سيرتي ترى أبوك أصمطه* افتهمت؟
(انتهت المكالمة)
رقوبي يحجي وية نفسه : ويقولون عمك شيال همك؟؟؟!!! وعمي هذا حتى مع السلامة ما قاللي ، والله لو كنت وحدة حلوة جان ركضلها .. بس يا هل ترى ليش المخابرات دازة علي ؟ أخاف التشات* اللي أسويه وية المغربيات بالانترنت اله علاقة ؟ يمكن وحدة من اللي أحجي وياهم طلع واحد من اخوانها وية القاعدة .. مو بعيدة كلش معقولة .. أهااااااااا خاف لما رحت للديسكو الاسبوع الماضي وية وسام سألتني العجوزة اللي رقصت وياهة .. أنت مسلم ؟ يمكن حسبونا نريد نفجر الديسكو .. هم معقولة !!!
بس على ما أعتقد انه يمكن قبل اسبوعين لما رحت أشتري مسدس رشاش مال جهال لحمودي .. يمكن السويديين حسبوني جاي أسوي عملية انتحارية ؟ يمكن والله كل شي جايز هالأيام لأن ولاد الحرام ما خلوا لولاد الحلال شي !!!
المهم انه لما أقابل المخابرات السويدية لازم أتيهها عليهم وراح أستخدم عقلي هالمرة وأدوخهم وأخليهم ما يلزمون علي لزمة .. و بلكن الله يهديهم ويصرفولي الجنسية .. هم معقولة !!!
معاني المفردات
رقوبي : كائن غريب يسمى بـ عبد الرقيب .
ما تجوز ؟ : ألم تتوب ؟
جذب : كذب .
طيح حظك : جعلك ذو حظ سيء وتغلب عليك .
لهسة : لحد الآن .
ضايج : ضيق الخلق .
راشدي عجل : ضربه كف قوي جدا .
ريوك : افطار الصباح .
كول : قل .
حجي : كلام .
باجر : غدا .
اكمز : اقفز .
دالغات : صفنات .
أنت اشلون أمك ؟ : اسلوب تهجن واستخفاف .
ترى أبوك أصمطه : اسلوب تهديد ووعيد .
التشات : المحادثات عن طريق الانترنت .
(الفصل الأول)
المشهد : رقوبي وهو نايم وجاي يحلم انه دا يتعارك وية أسد !!!
رقوبي : ولك انت لهسة* هنا بنورشوبينغ ؟ ما تكوللي شتريد ؟
الأسد : آني اليوم جوعان وأريد آكلك ؟
رقوبي : ولك انت ما تجوز* هذيج المرة وسام طيح حظك* وهالمرة ..
الأسد : شنو؟ وسام طيح حظي ؟ ولكم انتو السامرائيين ما تبطلون جذب* ؟ أصلا آني خيرت وسام ما بين شغلتين يا آكله يا أغتصبه !!!
رقوبي : ايه وشنو صار بعدين ؟
الأسد : أكلته !!!
رقوبي : بس وسام لهسة عايش !!!
الأسد : ولك انت صدك غبي علمود هيج راح أخيرك مثل ما خيرت وسام ؟
رقوبي : رحمة لوالديك ترى أريد أعيش ومستعد لكل طلباتك !!!
الأسد من كد ما هو ضايج* من رقوبي ضربه راشدي عجل* خلاه يصحى من النوم .
رقوبي صحا من النوم على نغمة النعال اللي متعود يحصله من زوجته كل يوم !!!
أم محمد : ولك كوم من النوم الساعة هسة 2 الظهر وراح يصير العصر دكوم روح جيبلنا خبز.
رقوبي : الريوك* خلص ؟
أم محمد : يا ريوك كول* غدا لو عشا !!!
(الباب يندك)
رقوبي : منو هذا البطران الجاي من الصبح ؟
أم محمد : هذا وسام أخليه يدخل ؟
رقوبي : وسام ؟.. هذا لهسة عايش ؟ لعد حجي* الأسد صحيح ؟
أم محمد : ولك يا أسد ؟
رقوبي : ولج هذا وسام طلع مو رجال ترى الأسد ..... ها ها ها ها ها
أم محمد : اسم الله عليك .. ولك شنو مصخن أنت ؟
وسام (خايف ودا يرتجف ) : رقوبي .. رقوبي ولك أنت نايم والدنيا مقلوبة برة ؟
رقوبي : شنو رجع الأسد ؟
وسام : ولك يا أسد ؟ المخابرات السويدية دازة عليك ويريدوك باجر* عدهم !!!
رقوبي : آآآآآآآآآني ؟ شششششششششيريدون مني ؟ آني حتى شواربي زينتهن ، ما يقولون شيريدون بعد مني ؟
وسام : والله ما أدري دروحلهم .. موعدك وياهم باجر الساعة 10 الصبح .. وآني أروح قبل ما يعرفون اني بلغتك .
رقوبي : لعد لا تطلع من الباب مال الشقة علمود ما يعرفون أنه فيه علاقة بيني وبينك.. اكمز* من البلكونة لو من شباك المطبخ !!!
رقوبي صار من كثر التفكير مو عارف شنو يسوي .. وصار يتمشى في الشقة ما بين الصالة وغرفة النوم لغرفة الجهال وهو دا يستخدم أداة التفكير وهو اصبعه وهو دا يحفر جوة خشمه .. وصار يضرب دالغات* بالرايحة والجاية وبالأخير حب انه يختلي وية نفسه يمكن تجيله فكرة جهنمية .. بس وين يختلي وابنه محمد ثابر البيت ثبيرة ؟؟؟ أحسن شي يروح للتواليت ويفكر براحته وهو كاعد على المرافق!!!
رقوبي : ماكو الا اتصل بعمي أبو زياد وأشوف شنو يقول بلكن هو يروح بدالي واضرب عصفورين بحجر أخلص من مقابلة المخابرات وأخلص من عمي همينة!
أبو زياد : نعــــــــــــــــم !!!
رقوبي : اشلونك عمي ؟
أبو زياد : شتريد ؟
رقوبي : يعني الواحد ما يسأل عن عمه ؟
أبو زياد : ولك تريد تقنعني أنك جاي تسأل علي ؟ مو آني خابزك وعاجنك وأنت بالذات ما تتصل بية الا عندك شغلة وياية .
رقوبي : المخابرات السويدية دازة علي ويريدون مقابلتي .
أبو زياد : ايه وشسويلك ؟
رقوبي : بلكن تروح بدالي وتشوف شيريدون مني ؟
أبو زياد : أنت اشلون أمك *؟ جاي تصير لوتي براسي .. شوف أنت شنو مسوي من مصايب وفضها وياهم .. ودير بالك تجيب سيرتي ترى أبوك أصمطه* افتهمت؟
(انتهت المكالمة)
رقوبي يحجي وية نفسه : ويقولون عمك شيال همك؟؟؟!!! وعمي هذا حتى مع السلامة ما قاللي ، والله لو كنت وحدة حلوة جان ركضلها .. بس يا هل ترى ليش المخابرات دازة علي ؟ أخاف التشات* اللي أسويه وية المغربيات بالانترنت اله علاقة ؟ يمكن وحدة من اللي أحجي وياهم طلع واحد من اخوانها وية القاعدة .. مو بعيدة كلش معقولة .. أهااااااااا خاف لما رحت للديسكو الاسبوع الماضي وية وسام سألتني العجوزة اللي رقصت وياهة .. أنت مسلم ؟ يمكن حسبونا نريد نفجر الديسكو .. هم معقولة !!!
بس على ما أعتقد انه يمكن قبل اسبوعين لما رحت أشتري مسدس رشاش مال جهال لحمودي .. يمكن السويديين حسبوني جاي أسوي عملية انتحارية ؟ يمكن والله كل شي جايز هالأيام لأن ولاد الحرام ما خلوا لولاد الحلال شي !!!
المهم انه لما أقابل المخابرات السويدية لازم أتيهها عليهم وراح أستخدم عقلي هالمرة وأدوخهم وأخليهم ما يلزمون علي لزمة .. و بلكن الله يهديهم ويصرفولي الجنسية .. هم معقولة !!!
معاني المفردات
رقوبي : كائن غريب يسمى بـ عبد الرقيب .
ما تجوز ؟ : ألم تتوب ؟
جذب : كذب .
طيح حظك : جعلك ذو حظ سيء وتغلب عليك .
لهسة : لحد الآن .
ضايج : ضيق الخلق .
راشدي عجل : ضربه كف قوي جدا .
ريوك : افطار الصباح .
كول : قل .
حجي : كلام .
باجر : غدا .
اكمز : اقفز .
دالغات : صفنات .
أنت اشلون أمك ؟ : اسلوب تهجن واستخفاف .
ترى أبوك أصمطه : اسلوب تهديد ووعيد .
التشات : المحادثات عن طريق الانترنت .
0 التعليقات:
إرسال تعليق