فاتورة التلفون

فاتورة التلفون

منذ أن دخل المحتل الأمريكي للعراق والخدمات بدأت تسوء شيئا فشيئا ورغم أهمية هذه الخدمات ومنها الكهرباء والمياه وخدمة التلفون والبنزين وغيرها من المواد الأساسية لمعيشة الفرد العراقي الا أن المواطن العراقي بدأ يواجه هذه الأزمات بشجاعة تامة وبروح ربما لا تتوفر في مواطنين دول أخرى .

نسيبي أبو داليا يعيش في احدى مناطق بغداد ولديه خط تلفون أرضي وبما أن الموبايلات غزت الشارع العراقي الا أن أبو داليا لازال يحتفظ بخطه الارضي الذي لا يعمل منذ دخول المحتل للأراضي العراقية حتى أن تلفونه الأرضي هو أبو قرص من الموديلات القديمة الا ان أبو داليا يفتخر بوجوده لأنه من ريحة (أيام الخير) رغم عدم فائدته لأنه لا يعمل ولا خط فيه ، فقط يستخدمه أبو داليا كديكور مكمل لواجهة المدخل !!!
وفي يوم من الأيام وفي صباح مغبر من أيام بغداد المغبرة بغبار الاحتلال دق باب أبو داليا شخص يحمل مجموعة من الظروف والمكاتيب الرسمية وهناك فتح الباب أبو داليا فكان الحوار كالتالي :
أبو داليا : نعم أي خدمة !
موظف التلفونات : يابة انتو عليكم فاتورة تلفون !
أبو داليا : بس تلفوني آني مو خط اشتراك .. هذا أبو الكارت أعبيه متى ما يفضى.
موظف التلفونات : لا آني ما أقصد خطك الموبايل .. أقصد خطكم الأرضي .
أبو داليا : شبيه خطنا الأرضي ؟
موظف التلفونات : عليه فاتورة ولازم تدفعوها .
أبو داليا : حبيبي أنت عايش بهالدنيا ؟ ترى خط تلفون أرضي ما عدنا من يوم ما دخل الاحتلال للعراق .. يعني ست سنوات ماعدنا خط ما تكوللي علمود شنو ندفع؟
موظف التلفونات : والله آني ما أعرف آني مجرد موظف وهاي فاتورة لازم تدفعوها .
ابو داليا اعتقد انه المبلغ بسيط وممكن يندفع علمود بس ينكفي شرهم .. بس اللي خلى أبو داليا يستغرب انه المبلغ كان ثلاث ملايين ونص المليون دينار عراقي !!!
أبو داليا : ثلاث ملايين ونص مال شنو ؟
موظف التلفونات : مال مكالمات !
أبو داليا : يا مكالمات ؟ احنا صارلنا ست سنوات ما عدنا خط تلفون !
موظف التلفونات : اذا ما تدفع راح نلغي التلفون مالتكم !
أبو داليا ضاج من موظف التلفونات : اذا أنت مصر على أنه أدفع لك الفاتورة .. خلي السيستاني يدفعها من الخمس مال المالكي !!!
أبو داليا سد الباب بوجه موظف التلفونات
هذه حادثة تسجل من غرائب وعجائب العراق الجديد فاتورة تلفون لا أعرف كيف قيموها وكيف جاءت لهم الجرأة على ارسالها لمواطن عراقي لا يتمتع بميزات هذه الخدمة ؟ في الحقيقة لا نعرف كيف نعلق على هذا الموضوع والله يستر من اللي جاي !!!

نشمي