توتة في من سيربح المليون

توتة في من سيربح المليون

جورج قرداحي : سيداتي آنساتي سادتي .. نلتقي اليوم مع متسابقينا في برنامج من سيربح المليون .. اليوم الجو حلو كتير والعصافير عم بتزأزأ .. وبحبك يا لبنان ..

توتة : هييييي أنت شنو محسب نفسك داخل لبنان وجاي تغني لبناني؟ يبا أنت الحين في الكويت غني لعبد الكريم عبد القادر والا لنبيل شعيل أو لأي مطرب كويتي .. وهاذي الكويت وصل على النبي .. ولو اني محتارة أنك على أي نبي راح تصلي عليه خخخخخخخخ
جورج قرداحي : شو يا توتة لا تطلعي خلقك علينا ترى أنا الكفيل تاعي سعودي مانو كويتي .. خلينا هلق في المسابقة ولا تضيعيلي وقتي .. عنا هلق المتسابق الأول محمد شايع الهاجري .. بنجرجي قطارات وهو شاب مزيون وكل البنات عم يتنافسوا ليحصلوا على رقم تلفونه !!!
محمد شايع : وعلى فكرة ترى اللي تبي رقم تلفوني الجديد تطلبه من الحين .. تراه رقم مميز مشتريه من سوق الحريم بعشرين دينار !!!
(الجمهور يصفق)
جورج قرداحي : المتنافسة التانية هي أنوار لطيف .. كانت مسؤولة مبيدات كيمياوية واليوم هي ربة بيت ويخزي العين عندها 3 أطفال وهي هلق حامل بالرابع وعم تفكر انه تسوي شركة مساهمة لانتاج أطفال الأنابيب !!!
أنوار( تهلهل) : ويه عاد يا جورج ليش تقول للناس كم طفل عندي .. بس تعرف ترى هذا كله من خالي حسن وصاني قبل ما أتزوج على زيادة الخلفة .. بس يظهر انه أنا مصختها وطبقت خطته زيادة عن اللزوم !!!
( الجمهور يصفق )
جورج قرداحي : المتسابقة التالتة هي أمل راشد العتيبي .. عم بيسموها زعيمة حركة التمرد وهي زعيمة بكل معنى الكلمة يعني لما تروح للمارينا مع بنات خالاتها هي اللي تكون الرئيسة عليهم وهي اللي تقرر شو بدهن يشربوا في الكافتيريا .. بس للأسف حظ مافي لأنها لما يجي نص الشهر تكون مديونة !!!
أمل : والله عاد يا جورج أنا أبي أشتري سيارة همر بالأقساط وراح أكتب عليه بالخط الأحمر (يا قمر بني العتبان ) .. وعلى فكرة ترى هم لون الهمر أحمر يقولون انه أقوى من باجي الألوان .. وراح أعلم بنتي سارة اشلون تسوق الهمر علشان توصل رفيجاتها فيه !!!
( الجمهور يصفق )

جورج قرداحي : المتسابق الرابع عادل يوسف .. مؤلف مسرحي وناقد رياضي وملحن أغاني كلاسيكية وصاحب كتاب ( نظارات في السيارات ) !!!
عادل : يا أستاذ جورج تصدق عاد هذولة المتسابقين كلهم عيال خواتي وأكيد أنا راح أفوز عليهم !!!
( الجمهور يصفق )
جورج قرداحي : وأخيرا وليس آخرا المتسابقة القديرة توتة الشريرة .. خبيرة انترنت اختصاص ماسنجر وصاحبة كتاب (الهاوية في ماسنجر أهل الضاحية) .. وكتاب ( إيميل من هنود الفحيحيل ) وصاحبة الرقم القياسي في ارسال الإيميلات البايخة و..
توتة : هيييي أنت جورج .. اللي يسمعك يقول عاد إيميلاتي مغرقة بريدك .. ترى أخلي خطيبي عبدالله يعرف شغله وياك !!!
جورج : وهادة عبدالله زيك هيك عجمي والا عازمي ؟
توتة : تراه عجمي أصلي ماركة جنرالز موتورز مهب تايوان !!!
( الجمهور يصفق )
جورج : هلق راح نبدأ المسابقة وراح نقول مثل والأسرع في ترتيبه هو اللي يشارك في المسابقة .. رتب المث التالي :
الجدر .. الملاس .. يطلعه .. اللي في

راح نشوف الترتيب الصحيح للمثل .. اللي في الجدر يطلعه الملاس .. والأسرع كانت توتة ..
عادل : أفا .. عاد هي أسرع مني بثانية وحدة بس .. أنا راح أعتزل التلحين وأكتفي بكتابة الكلمات !!!
جورج : أهلا وسهلا فيكي توتة .. تفضلي من هون علشان نبدأ المسابقة .
توتة : ألعن يومي حطمتهم !!!
ريم وهي كاعدة بين الجمهور وبصوت عالي : ترى هاذي أختي الصغيرة وانا اللي مربيتها .. صحيح هي تحب الخدامة أكثر من عندنا ولما كانت صغيرة مصت اصبع رجلها اليمنى بس تظل توتة حبيبتي .. مو هالشكل توتة ؟
توتة : يالا عاد متى أنت ربيتيني ؟ بسج جذب .. اللي يشوفج الحين ما يقول أنج كنتي تملخين شعري لما كنت صغيرة !!!
ريم : والله مالت عليج .. الشرها علي اني أشجعج يا الخايسة !!!
جورج : أهلا وسهلا بست توتة .. شو مين جاي معك هون للبرنامج ؟
توتة : أبدا .. بس أمي وأبوي وخواني وخواتي وخالاتي وبناتهم وبنات بناتهم وأولادهم وخوالي عادل وعلي وحسن ويمكن يجي بعد شوية خالي أحمد وسعيد وعيالهم .. وفي المدرج الثاني جاي وياي صديقاتي اللي كانوا في المدرسة يعني الصف كله جاي .. وجيراننا كلهم وبس !!!
جورج : يخزي العين حبايبك كتير .. بس أنا شايف أخوك خالد قاعد هناك بعيد .
توتة : ايه هذا جاي بس علشان يراقبني .. هو متلثم يحسب اني مو شايفته ومخلي عجرة بجيبه علشان اذا أنا والا وحدة من خواتي سوت شي ما يعجبه يكوم يكسرها على روسنا !!!
جورج : ييي شو ألبه آسي !!!
خلينا هلق نبدأ بالمسابقة .. عندك مجموعة أسئلة وعندك 3 وسائل مساعدة .. حذف اجابتين .. الاستعانة بصديق .. مساعدة الجمهور ..
السؤال الأول : من هو الرئيس المصري الذي بنى السد العالي ؟
1) عبد الحسين عبد الرضا
2) مطلق بن خلف الهذال
3) جمال عبد الناصر
4)عبدالله العجمي

توتة : والله سؤالك هذا وايد صعب .. بس تعرف انك جايب أسامي الربع كلهم .. تدري اشلون أنا راح أحللها تحليل علمي .. عبد الحسين عبد الرضا هذا ايراني صلخ اشجابه على مصر علشان هالشكل أستبعده .. مطلق بن خلف الهذال هذا أبوه خلف الهذال شاعر وربابة وشكله مو مال واحد يصير رئيس .. يخسي .. أشك باثنين يا جمال عبد الناصر يا عبدالله العجمي .. ولو أن عبد الله العجمي هذا ما ادري وين سامعة هالاسم ؟ ايه تذكرته .. هذا خطيبي الله ياخذه اشجابه على المسابقة ؟ ملعون عبدالله تقول انك كويتي وبالأخير طلعت مصري .. ويييييييييع .. طحت من عيني !!!
جورج : وهلق مين بفكرك الجواب الصحيح ؟
توتة : اصبر شوية ترى المسألة صعبة ويحتاجلها تفكير .. أنا راح أغامر وأقول جمال عبد الناصر !!!
جورج : متأكدة ؟ 100 بالمية ؟ طب ليش مش عبد الله العجمي ؟
توتة : لالالالالالا جورج .. لا تخليني مترددة .. وبعدين تعال ترى عبدالله هذا ما يلوكله يكون رئيس يعني يا حارس أسواق والا نائب عريف مو أكثر !!!
جورج : وجوابك صح يا توتة .
( الجمهور يصفق )
جورج : السؤال التاني : من هو أول شخص في الكويت غنى أغنية ( أنا كويتي أنا ) ؟

1) راشد العتيبي
2) شايع الهاجري
3) فهيد العجمي
4) عبدالله الشمري

توتة : عبدالله الشمري؟ تقصد زوج خالتي انعام ؟ هذا بدون اشجابه على أغنية أنا كويتي أنا ؟ لو يغني أنا بدون أنا جان وايد أحسن .. على الأقل ما جان احترنا في الجواب .. تعرف اشلون أبي راي الجمهور !!!
جورج : يالا يا جمهور عطونا رايكم بالجواب الصحيح واللي ما بيعرف ما يجاوب.
النتيجة : الجمهور أعطى :
راشد العتيبي 10 %
شايع الهاجري 10 %
فهيد العجمي 10 %
عبدالله الشمري 70 %
توتة : الله وأكبر عليكم .. عبدالله الشمري ياخذ 70% .. هذا أكيد من حرته لأنه ما عنده جنسية يغني أنا كويتي أنا .. والا ترى مو كفو هو يغنيها !!!
جورج : وهلق مين بدك تختاري ؟
توتة : أمري لله .. أختار عبدالله الشمري .. ولو اني مو مقتنعة فيه .. يعني لو مغني أنا سوداني أنا جان أحسن !!!
جورج : وجوابك صحيح ست توتة ..
( الجمهور يصفق )
جورج : هلق السؤال التالت : ما اسم اللوحة الشهيرة التي رسمها الفنان الايطالي اليوناردو دافنشي ؟

1) موناليزا
2) منى شداد
3) منى العجمي
4) منى عبد الغني

توتة : بس لو أعرف يا جورج من وين تجيب أسئلتك هاذي ؟
جورج : أكيد أسئلة حلوة كتير !!!
توتة : ايه مثل وجهك الخايس .. والله حيرة السؤال حيل صعب .. تدري اشلون أبي الاستعانة بصديق !!!
جورج : على مين بدك تتصلي ؟
توتة : على بنت خالتي وحبيبتي .. ايمان العتيبي .. لو تعرف اشكثر أحبها ؟
جورج : وهلق نتصل بست ايمان العتيبي .. ألو؟ ست ايمان ؟
إيمان : هلا والله أخيرا حظنا كام .. أنت منو فيهم ؟ اللي من جمعية الضاحية والا اللي من جمعية القرين ؟ ترى رقمي سري ومحد يعرفه !!!
جورج : معك جورج قرداحي من برنامج من سيربح المليون ..
(إيمان أغمي عليها لمدة خمس دقايق)
إيمان : هلا وغلا بالغالي .. اشلونك ؟ أنت من وين حصلت على رقمي .. خاف أنت اللي كنت في الوانيت يم الجمعية يوم الخميس الفات وعطيتك رقمي ؟ يا حظي عاد جورج قرداحي مرة وحدة ؟ بس تعرف شكلك واااااايد حلو في الوانيت جنك من عيال أم الهيمان .. يمة عليك تخبل !!!
جورج : على كيفك ست إيمان .. مانو أنا اللي كنت في الوانيت .. هداك واحد عكيدي .. والله يخليكي لا تورطينا مع راشد أبوكي .. أنا هلق عندي بنت خالتك توتة عم بتشارك في المسابقة وهي هلق بدها مساعدتك في الجواب على السؤال وقدامك 30 ثانية علشان تجاوبي على السؤال :
إيمان : جورج .. جورج .. الله يخليك قبل ما تعطيني توتة خذ رقم تلفوني هذا وخزنه عندك في الموبايل ..

جورج : مانها مشكلة .. راح آخد رقم تلفونك وأعطيه للسواق الهندي تبعنا !!!
توتة : هيييييي أنت .. اشفيج ملكوفة هالشكل على الرجال .. جاوبي على السؤال وخلصيننا ..
إيمان : أي سؤال الله يهداج ؟ ولو سمحتي مابي أكلم حريم أبي أكلم بس رياييل ..
توتة : الحين أنت جاوبي وخلصيني وبعدين طكاك اللي يطكج .. أي جواب منهم الصحيح ؟
إيمان : يمكن الأربعة كلهم صحيحين ..
توتة : الأربعة شنو ؟ هو جواب واحد هو اللي صحيح ..
إيمان : عيل هو واحد من الأربعة ..
توتة : لا تجننيني .. أكيد هو واحد من الأربعة بس أي واحد فيهم ؟
إيمان : اللي هو الجواب الصحيح .
توتة : لا تبطين جبدي ترى والله راح تجيبيلي جلطة .. جاوبي وخلصيني ..
إيمان : زين عطيني 5 دقايق علشان أفكر ..
توتة : خمس دقايق شنو المهلة كلها نص دقيقة .. جاوبي الله يخليج ترى راح يصير فيني شلل أطفال والسبة أنت .. إيمان ؟ إيمان ؟ إيمااااااااااااااان ؟ الله ياخذج ..
جورج : الوقت خلص وإيمان ما جاوبت على السؤال .
توتة : من كرادتي .. هالبومة هاذي حسبتها تعرف .. ذابحها المغازل !!!
جورج : وهلق شو الجواب ؟
توتة : خليني أشوف الاختيارات : منى شداد اشجابها على اليوناردو دافنشي ؟ لو يرسم البقرة مالتنا جان أحسن .. على الأقل أضعف من منى شداد .. ولو قلنا منى العجمي .. لا احنا العجمان ما عندنا بنات ينرسمون ترى بعدين أهلها يذبحوها .. منى بنت أنوار هاي عوبة مثل أمها وما راح يكدر الرسام يرسمها لانها راح تجننه .. اذا الجواب الصحيح موناليزا ..
جورج : وجوابك صحيح يا ست توتة
( الجمهور يصفق )
جورج : السؤال الأخير واذا ربحتيه راح تربحي المليون ..
توتة : الله يستر !!!
جورج : ماهو السوق الذي يتحكم في البورصة في الكويت ويعتبر الشريان الحيوي للكويت ؟

1) سوق الحريم
2) سوق واجف
3) سوق المقاصيص
4) سوق على مهلك

توتة : الله يخليك شوفلنا سؤال مثل الناس .. هذا السؤال حيل صعب .. يقولون في اليابان هذاك اليوم ساءلينهم نفس السؤال ومو عارفينه .. ممكن تحذفلي اجابتين ؟
جورج : تكرم عينك ست توتو .. احزفولها اجابتين ..
1) سوق الحريم


4)سوق على مهلك

توتة : سوق على مهلك هاذي أغنية لعوض دوخي اشجابها على الأسواق .. سوق الحريم ؟ معقولة ؟ فيها وجهة نظر لأن شباب الكويت هالأيام همهم بس الحريم وكل فلوسهم رايحة على الحريم .. هذا يعني ان الاقتصاد الكويتي كله يعتمد على شغلة الحريم .. والله لكيتها .. الجواب هو سوق الحريم !!!
جورج : متأكدة ؟ وليش ما بنقول سوق الحمير ؟
توتة : لأن هالأيام الحريم هم حمير .. نفس الشي !!!
جورج : متأكدة ؟ مية بالمية ؟
توتة : ومليون بالمية !!!
جورج : ومبروك عليكي المليون ربية !!!
توتة : لحظة .. لحظة .. مليون شنو قلت ؟
جورج قرداحي : مليون ربية هندية !!!
توتة :لعن بو خيرك احنا وين كاعدين ؟ في بومباي ؟ يبة أنت في الكويت يعني لازم مليون دينار كويتي .. دينار ينطح دينار .. تعرف اني مواعدة أهلي كلهم اذا فزت بالمليون دينار انه كل واحد أعطيه ألف دينار .. وبس خالي سعيد يبي خمستالاف دينار .. ما تكوللي هالمليون ربية هندية بأي حلك أخليهم ؟ شنو تعلمتوا البوك ؟
جورج : طولي بالك ست توتة ؟؟؟!!!

توتة : لا أطول ولا أعرض .. تعرف ليش أخوي خالد شايل عجرة بجيبه ؟ ترى هذا علشان اذا ما قبضنا المليون راح يشلخها على راسك الخايس .. وخلي إيمان تنفعك يا جورج .. خالد .. سالم .. يوسف .. كل العجمان .. على جورج هجوووووووووووووم !!!
مع تحيات
نشمي