رقوبي في ضيافة المخابرات السويدية (الفصل الثالث)

رقوبي في ضيافة المخابرات السويدية

(الفصل الثالث)

انطلق رقوبي لموعد المقابلة وهو بأكمل زينته .. كصة شعر بريكية .. صدر مهلوس من الشعر .. قلادة ذهب .. سوار .. قميص مفتوح من مكان الصدر علمود تكون القلادة بارزة .. شوارب .. أقصد كان فيه شوارب وأكلهن الواوي وزلف عبالك كعب قندرة .. لا تكولولي ولا أكولكم الرجال جالخ نفسه خوش جلخة .. ومخلي الهيدفون على أغاني غربية مو فاهم شدا يغنون بيها حتى لو كانت تهجم على العرب والمسلمين مو مشكلة ، المهم انه ياخذ الجنسية وبعدين لكل حادث حديث !!!
وصل رقوبي لمنطقة نورتول القريبة من مبنى الشرطة اللي يفترض انه يسوي المقابلة هناك وقبل ما يدخل مبنى الشرطة لمح بقالة تبيع مجلات خلاعية .. والله خوش فكرة علمود همينة تكون دليل براءة من الارهاب انه يشتري مجلة خلاعية ويستعرض بيها كدام محقق المخابرات بلكن يرضى عليه !!!
رقوبي لصاحب البقالة : رحمة لوالديك فد مجلة خلاعية تشك شك ؟؟؟!!!
البقال : واشلون تريدها ؟ أقصد مال حريم لو رجاجيل ؟
رقوبي : شنو حتى المجلات الخلاعية ذكر ونثية عدكم ؟
البقال : طبعا الاتجاهات تختلف فيه مجلات خلاعية للمخنثين وفيه مجلات للسحاقيات وفيه مجلات مشتركة .. يظهر أنك غشيم بهذا المجال؟
رقوبي : لا آني مو غشيم .. ترى آني خوش فحل و أعجبك !!!
البقال : ممكن أسألك سؤال شخصي شوية ؟
رقوبي : اسأل عيني اسأل !
البقال : أنت مسلم ؟؟؟!!!
رقوبي : عاووووووه شنو هاللغوة الجايفة ؟؟؟ هسة اشدخل الاسلام بالمجلة ؟؟؟
البقال : لا .. لاتسيء الظن .. ترى همينة آني مسلم مثلك بس الفرق انه آني ايراني .. وأنت عربي .. واحنا الايرانيين نحب الدنيا أكثر منكم لأنكم أصحاب رسالة سماوية ، أما احنا أول ما نوصل للسويد نبيع أبونا وأمنا ونغير جلدنا .. الله وكيلك حتى أسامينا نغيرها مثلا آني اسمي هسة أنديرش .. بختيار سابقا .. وما أعتقد أنك تكدر تغير أسمك لأن حسب ما أعرف عنكم العرب تحبون أساميكم وتحبون دينكم أكثر من أي ملة أخرى وطريقة شراءك للمجلة أثار فضولي وخلاني أفسر انه فيه دافع غير المجلة يخليك تشتريها .. كلامي صحيح ؟؟؟!!!
رقوبي يلتفت يمنى ويسرى مثل اللي ما يريد أحد يسمعه : بيني وبينك آني هسة عندي موعد وية المخابرات ويريدون يحققون وياية علمود الجنسية ولازم أثبتلهم آني مو متطرف وبعيد عن الدين وعن السياسة !!!
البقال : أهااااااااااا .. آني همينة زمان حققوا وياية المخابرات و..
رقوبي : ليش أنت تعرف عمي أبو زياد ؟ ترى هذا هو اللي شابهني و..
البقال : أبو زياد منو ؟ الشغلة موشغلة شخص تعرفه لو لا .. الشغلة هي مدى قناعتهم بيك شخصيا .. بالنسبة إلي آني قدمت لجوء وخليني صريح معاك أن أصدقائي نصحوني أني أقدم لجوء جنسي لأنهم ما ينطون أقايم هاي الأيام بسهولة لازم دافع يقتنعون بيه .
رقوبي : يعني شنو لجوء جنسي ؟
البقال : يعني المفروض أني شاذ جنسيا ومثل ما تعرف أنه بايران مو مسموح الحرية الجنسية فيه نوع من الكبت والضغط والشغلة لناس وناس ومحتكرة بين المعممين !!!
رقوبي : وانطوك لجوء على هذا الأساس ؟ هاي خوش شغلة راح أعلمها لربعنا!
البقال : الأمر ما كان بالسهولة اللي تتصورها ، الشغلة حولوها للمخابرات السويدية علمود يحققون في الأمر .
رقوبي : أكيد جابولك طبيب وفحصك ؟؟؟!!!
البقال : لا ما جابوا طبيب ولا ما يحزنون .. قالولي تكدر تطبق هذا كدامنا مع تصوير فيديو ؟؟؟
رقوبي : شنو أنت همينة جابولك أسد ؟؟؟
البقال : أسد شنو .. جابولي واحد أفريقي من هذولة اللي ما يرحمون وخلوه يطبق علية مع تصوير فيديو علمود يدزوه كدليل لادارة الهجرة .. وفعلا بعدها باسبوع طلعت اقامتي وحصلت على اللجوء في السويد !!!
رقوبي : عالخير عالخير .. هاي بشاير خير يعني الشغلة فيها مجال انه الواحد يتفاهم وية المخابرات السويدية ويتحاور معاهم بلغة مشتركة !!!
البقال : طبعا .. بس ها ؟ ترى ديربالك راح تخسر نفسك ، لأني من هذاك اليوم وآني ما أكدر أشوف نفسي بالمراية لأن صورة الافريقي ما تفارق خيالي ومسببتلي ألم جواية .. وصرت كاره نفسي من هذاك اليوم لأني شعرت من ساعتها اني انسان رخيص بكل المعاني !!!
رقوبي : حبيبي المهم أنك حققت غايتك وهذا هو المهم .. دنطيني هاي المجلة وفظها تراني تأخرت على الجماعة هسة دا ينتظروني على نار .
البقال : بس هاي المجلة مال بلاي بوي ويمكن ما ..
رقوبي : مال بلاي بوي لو مال بلاي ستيشن مو مشكلة المهم انها تساعد و تجيبلنا الجنسية !!!
البقال بعد ما رقوبي أخذ المجلة وطلع من المحل : مسكين مو عارف طريقه .. بس مع كل هذا هسة آني يالا ارتاح ضميري لأني كنت أحسب انه احنا الايرانيين الوحيدين اللي بايعين ديننا .. طلعوا اخواننا العرب همينة بايعينها والروس هسة اتساوت .. بس يا هل ترى اشلون راح يدبرها وياهم ؟ هذولة السويديين مو سهلين بهيجي أمور وآني نسيت أكول له انه شغلة الافريقي تعمدوا السويديين ينشروها بين جماعتي وانه هواية احتقروني على هاي الشغلة وآني أعرف انه العرب أضرب من عدنا همينة عدهم هاي الشغلة بيها ذبح ومو سهلة .. يا هل ترى اذا أهله عرفوا بهاي الشغلة معقولة راح يسامحوه لو راح يتبرون منه مثل ما أهلي تبروا مني ؟؟؟ ترى كل شي جايز بالهالوكت !!!