آخر شحنــــة نفـــــط
( الفصل العاشر و الأخير )
اجة دور الشيخ صباح بالقاء كلمة في الامم المتحدة ووفود جميع دول العالم حاضرة لهذا المؤتمر العالمي اللي يجسد روح التضامن عند دول العالم الغنية والفقيرة , المتطورة والنايمة على نفسها الا اللهم ان بعض الدول مجهزين الفيتو على الطالعة والنازلة خاصة القرارات اللي تهم بلداننا .
الكل في حالة هدوء بانتظار خطبة الشيخ صباح , والتلفزيون الجيبوتي ينقل هذا الحدث الكبير على الهواء مباشرة بدون صوت .
الشيخ صباح : كوة اشلونكم ...والمكريفونات تترجم ..
بالانكليزي : hello,how are you
بالفرنسي : comment tele vous
بالاسباني : ulla comostos
بالسويدي :hej ,hur mår du
بالروسي : أحرف لاتينية مقلوبة !!!
بالصيني : شوية شبابيك !!!
بدأ الشيخ صباح يخرط في الكلام مرة يجيبها على الشرعية الدولية ومرة يجيبها على دور الأمم المتحدة الرائد في تدعيم الروابط ومرة يجيبها على الغزو العراقي للكويت ويلحقها بمحاربة الارهاب .. ورئيس ارتريا يحاول يكش الذبان من حواليه وبجنبه ينافسه الرئيس الغاني في صيد أكبر كمية من الذباب بالكلاص , أما رئيس وفد جمهورية الكونغو ( دومبا ديبولو ) فكان حاط راسه على الطاولة ونايم على نفسه , زائدا ان موبايل رئيس الوفد السريلانكي كل شوية يدك مع أجمل النغمات التاميلية لأنه مشتري واحد مستعمل مبيوك ويحاول يغير النغمات ومو كادر .
بس هذا ما يمنع انه هناك جو أخوي يسود المؤتمر , فرئيس الوفد الأردني كان بجانب رئيس الوفد المصري يلعبون طاولي ويشربون شيشة وكان الحديث بينهم شيق ومثمر ..
رئيس الوفد المصري : بألك ايه يا سي حودة مش ده أمير الكويت اللي جده جابر آم يعيط ويبكي في نفس المكان ؟
رئيس الوفد الأردني : شو بدي أكلك يا سي حسني ماهاظ هو نفس المؤتمر كمان ( الكل يضحك ) هاه هاه هاه هاه هااااااااي !!!
رئيس الوفد المصري بصوت عالي : أيوة سمعنا يا سي صبوحة .. عاوزين نسمع كمان وكمان .. بس والنبي بلاش عياط هاه هاه هاه هاه هاااااااي !!!
رئيس الوفد الأردني : ولك عكروت أوعا تكول انك بدك مصاري .. بعدين بيعطوك بالصرماية على نافوخك هاه هاه هاه هاه هاااااااي !!!( الشيخ صباح ينظر لهم بحسرة )
رئيس الوفد المصري : سكت ليه ؟ .. ايه مافيش بنزين بح خلاص .
رئيس الوفد الاردني : يظهر انه هو كمان بيشتغل عالبنزين هاه هاه هاه هاه هاااااي !!!
رئيس الوفد المصري : ويا ترى الموتور بتاعك بيشتغل على كم حصان .. يا بغل هاه هاه هاه هاه هااااااي !!!
رئيس الوفد الأردني : وأنا بكول لشو الأمريكان بيحبوا يركبوه .. أتاريه حمال الأسية هاه هاه هاه هاه هااااااي !!!
طبعا كل هذا الكلام كانت مكرفونات الترجمة ترجمه , علمود تعرفون اشلون احنا العرب نحب الفضايح ونموت فيها , حتى الضحكة كانوا يترجموها , يعني الضحكة باللغة الصينية كانت " آنيآآآآآآآآآ !!!
طبعا الرئيس الأمريكي بوش ماعجبه هذا الفصل اللي تسبب فيه الشيخ صباح , وأمر البودي كاردية انهم ياخذون الشيخ صباح ويحطوه بكونية ( خيشة ) وبأول طيارة عالكويت .والشي الحلو انهم ما خلوا الشيخ صباح يكعد على كرسي بالطيارة .. لا .. خلوه بالمخزن مال الجنط والحيوانات علمود يفهموه انه هو صار غير مرغوب فيه في الولايات المتحدة .
جلس الشيخ صباح بالمخزن وكان بجانبه قرد خالينه بقفص وصار كل واحد ينظر للثاني وكأنهم يشوفون بعض بالمرايا !
وبعدين بدأ الشيخ صباح يبكي بحرقة وبحسرة على كل اللي فات من عمره , بكى على الصديق والأخ اللي اعتبره طول عمره عدو , وعلى العدو اللي خلاه طول عمره صديق وفي , وهسة لما ضاق الطعنات عرف منو هو الصديق الصدك ومنو هو العدو الصدك .. بس بعد شنو ؟
بعد ما فقد كل شي وراح ببخت العدو ولفط الأكو والماكو , وهسة يرفض ينطيه حتى فتات الخبز .أصبح الحل الوحيد للشيخ صباح هو أنه يرجع للتمر والماي الحلو , بس يا هل ترى من وين راح يجيب تمر وماي حلو خاصة ان الكويت ما تملك هالمقومات ؟هاي معروفة .. التمر من البصرة والماي الحلو من شط العرب يعني شربك وزادك راح يكون من العراق يا شيخ صباح !!!
تذكر العراق اللي زمان كانت عيشتكم عليه قبل ما يطلع النفط عندكم , وتذكر العراق اللي حارب ايران على مودكم وانطه دم وفداكم بشباب بسن الورد ودافع عنكم وعن شرفكم .. تذكر العراق اللي دائما كان سد منيع لأطماع الأجنبي بس للأسف حقدكم عليه خلاكم تتآمرون عليه وية الأمريكان والانكليز واليهود وذبحتوه من الوريد للوريد بخستكم ... وهسةحلفاؤكم أولاد القردة والخنازيريتنكرولكم ... وضميرك هنا تارك لك قرد علمود تشوف صورتك القبيحة من خلاله ... شنو ؟ تطلب السماح والمغفرة ؟ لازم تعرف يا صباح انه احنا العراقيين ناس طيبين وقلوبنا تسامح وتغفر بعد مغفرة الله سبحانه وتعالى , بس شنو راح نقول لليتيم اللي قتلتوا أبوه وشردتوه , وشنو راح نقول للأرملة اللي فقدت زوجها بسببكم وشنو راح نقول للأطفال اللي بلا رحمة شطرتهم القنابل الذكية وشنو راح نقول للي دفنتوهم أحياء بواسطة ربعكم الأمريكان من غير سبب بس لأنهم عراقيين , وشنو راح نقول لدجلة والفرات اللي لهسة يعانون من ظلم واستبداد المحتل , وشنو راح نقول وشنو راح نقول .. لو أكعد من هنا لباجر أعدلك اللي سويتوه بالعراق ما راح أخلص , بس خليك هيج ابكي .. ابكي بكي الحريم مثل ما بكي أبو عبدالله لما ضيع حكم الاندلس , وروح اندب حظك مع ربعك المخنثين من الجنس الثالث وشوفوا اشلون ضيعتوا شبابكم وشوفوا اشلون ضيعتوا ثروة النفط هاي النعمة اللي ما صنتوها وخليتوها لعبة بايدين أعداء الامة وكنتوا سبب بانهم يتحكمون بحياتنا وبمواردنا حتى أفكارنا ما سلمت من هذا التآمر اللعين .بس أبشرك وأبشر الجميع ان في العراق لازال فيه رجال وزلم خشنة تدافع عن شرفه وكرامته ورجال المقاومة العراقية لهم منا تحية حب واجلال وأملنا بعد الله سبحانه بهم , وسيعود العراق محررا أبيا كريما يدافع عن قضايا الامة .. والله أكبر وليخسأ الخاسئون .اخواني أخواتي .. الحمدلله اننا خلصنا من رحلة المستقبل رحلة " آخر شحنة نفط " والذي أوجه شكري الخاص لكم جميعا لاتاحة الفرصة لي للتعبير والكتابة , وشكري لجميع الأعضاء وللقراء الكرام .
أخوكم نشمي
