آخــــر شحنــــــة نفـــــط
( الفصل الثامن )
خرج الشيخ صباح من الحجز بكفالة شخص أمريكي جابه السفير الكويتي بالولايات المتحدة علمود يطلع أميره من حجز المطار وهذا الشخص الأمريكي كان محشش ومدمن لأنه محد يرضى يضمن واحد كويتي الا اذا كان محشش وفاقد !!!
فتحوا القيود من ايدين الشيخ صباح وقالوا للسفير الكويتي :استلم أميرك .. لابارك الله فيك ولا في أميرك !
السفير الكويتي : صصصصصصباح الخير عمي .
الشيخ صباح : هلا بسفيرنا
.السفير الكويتي : ننننننننورت أمريكا بقدومك .
الشيخ صباح : واشفيك تشكل في الكلام ؟
السفير الكويتي : ععععععمي هاذي بس البداية , بببببببس بعدين أعجبك لما أنطلق .
الشيخ صباح : الله يستر .. يلا خلينا نروح للسفارة الكويتية ونرتاح هناك شوية .
السفير الكويتي : ان ان ان ان ان ان شاالله عمي , ييييييييلا اصعد وراي عالبايسيكل , ع ع ع ع ع علشان نوصل السفارة قبل ما يصير الليل .
الشيخ صباح : شنو ماعدكم سيارة ؟
السفير الكويتي : عععععععمي احححححنا من يوم ما خلص البترول واحنا نعيش حياة تقشف !
الشيخ صباح : أ أ أ أ أ أمري لله أصعد ... الله ياخذك عديتني !
راح الشيخ صباح مع السفير الكويتي بالبايسيكل وكانت الدنيا تمطر .. وزخت زخة قوية على الشيخ والسفير حتى انهم تبللوا وصار شكلهم نفس جريدي أبو النخل .وصل الشيخ صباح مع السفير الكويتي لمبنى السفارة وكان المبنى عبارة عن غرفة بسرداب تقوم بأعمال السفارة الكويتية لأنه ماكو فلوس .. والغرفة هاذي هي بالأصل غرفة ساعات الكهربا مال العمارة , وصاحب العمارة مخلي السفير الكويتي يسكن فيها مقابل أن يقوم السفير بغسل السيارات وحراستها بالاضافة الى خدمات سكان العمارة .
أما العلم الكويتي .. علم السفارة فكانوا مركبينه على عامود الكهربا علمود الناس تعرف انه فيه سفارة في هالمكان لها وزنها وثقلها الدوبلماسي !!!
الشيخ صباح : ما لقيت غير هالمكان يا سفيرنا المبجل تسكن فيه ؟
السفير الكويتي : اح اح اح اح اح احمد ربك على النعمة اللي أنت فيها , والا جان اح اح اح اح احنا في الشارع , واحسب حسابك انك راح تشتغل معاي خلال فت فت فت فت فترة وجودك بأمريكا .
في غرفة السفارة كان فيه جهاز مناداة من سكان العمارة , يعني اذا يريد واحد من سكان العمارة فد شي ما عليه الا أن يضغط الزر علمود يجيهم السفير الكويتي مثل الكلب ويلبي طلباتهم أو ينظف لهم الشقة .والصدفة العجيبة اللي راح تعجبكم ويمكن ترقصون لها جوبي أنه السفير العراقي و السفير الفلسطيني ساكنين في العمارة نفسها وقيسوا شراح يصير !!!
جهاز المناداة دك مرتين ... مرة من شقة السفير العراقي ومرة من شقة السفير الفلسطيني , واحتار السفير الكويتي لأي شقة يروح يخدم لشقة السفير العراقي لو لشقة السفير الفلسطيني ؟؟؟!!!
السفير الكويتي : ششششششوف عمي أنت لازم تروح لشقة و أنا لشقة !الشيخ صباح : شنو أنا أخدم عند السفير العراكي أو السفير الفلسطيني ؟
السفير الكويتي : طططططططول عمرك تخدم الأمريكان اخ اخ اخ اخ اخدم العرب هالمرة .
الشيخ صباح : ايه بس مو هالاثنين .
السفير الكويتي : ع ع ع ع ع عجل الثلاثاء ها ها ها ها !
الشيخ صباح : حتى ضحكتك بايخة مثلك ..
السفير الكويتي : تر تر تر تر تروح للسفير الفلسطيني ؟ وأنا للعراكي ؟
صباح : لا يا خوي .. يقولون السفير الفلسطيني هذا حفيد ياسر عرفات .. نفس الوجه .. ونفس اللحية ونفس اللبس ونفس البراطم وأخاف يكون نفس البوس ونتورط .. خلينا عالعراكي .. بس ها مو تقول لهم منو أنا ؟
.. اشلون أدخل عليهم ؟
السفير الكويتي : تف تف تف تف تفتح الباب وتدخل .
صباح : زين الله ياخذك تر تر تر تر ترستنا تفال !
راح الشيخ صباح لشقة السفير العراقي وهو متلثم ويحاول يتنكر , وهناك فتح الباب ودخل , وشاف السفير العراقي يقرأ في كتاب ومنزل راسه .
صباح : صباح الخير ( يقولها من غير نفس ) رفع السفير العراقي راسه وقال : هلو آغاتي .
صباح : يمة منو .... عزت ؟ أنت لحد الحين عايش ؟
السفير العراقي : تقصد عزت الدوري ؟ ... ها ها ها .. ولك هذا جدي وأنا هم اسمي عزت .... عزت الدوري .
صباح : آه يا ربي أنا شنو سويت بحياتي علشان تعاقبني كل هالعقاب ؟السفير العراقي : شنو تقول ؟
صباح : لا .. ولا شي .. سلامتك .
السفير العراقي : أقول .. احنا ما تقابلنا قبل هالمرة ؟صباح : لا لا لا ما تقابلنا .
السفير العراقي : شوف عيني .. البيت صار له ثلاث أيام مو منظفينه والغبار مثل ما أنت شايف .. وأول شي تبدأ تنظفه هو صورة القائد العظيم صدام حسين ... مفهوم ؟
صباح : مفهوم .الشيخ صباح مد ايده على صورة صدام حسين وهو يحاول ينظفها من الغبار وايده ترتجف من رهبة الصورة لأنها صورة صدام حسين وهو شايل سيف .
ومن كثر ما الشيخ صباح كان خايف اهتزت الصورة وتخيل الشيخ صباح أن صدام حسين طلع من الصورة مع سيفه وراح يذبحه , فصرخ الشيخ صباح صرخة قوية وطاح على الأرض .
السفير العراقي يقترب من صباح ويقول : ولك اشبيك ... من لعنت الله على أبو هالشوارب !
الشيخ صباح : نفسي أعرف ليش العراقيين دايما يسبون شواربنا ؟
السفير العراقي : ولك .. أنا متأكد أني شايفك قبل هالمرة .. أنت خدمت في مكان غير هالمكان ؟
صباح : والله من ناحية الخدمة فأنا خادم وايد أمريكان وانكليز .
السفير العراقي : ولك صبوووحي ! هذا أنت ؟؟؟ يعني صدك يلعن أبو هالشوارب !!!
الشيخ صباح : ع ع ع عاووووه ع ع ع ع عرفني .... ههههههههذا اللي ناقصني !!!
نشمي
0 التعليقات:
إرسال تعليق