رقوبي يحكم العراق
الحلقة العاشرة والأخيرة
رجع رقوبي لبغداد وفشل اعدام عبد العظيم كان كلش مأثر عليه وعلى حكومته لأنه بمثابة هزيمة لهيبة رقوبي كرئيس للجمهورية بس اللي تأثر أكثر من رقوبي هو رئيس المخابرات أبو زياد لأنه بالاضافة انه هو أحد أفراد الحكومة الا انه بينه وبين عبد العظيم ثأر شخصي فشل على تصفيته ..
طبعا أبو زياد راد انه ينتقم لشخصه فكانت المفاجأة انه أبو زياد جمع قوات موالية إله بقيادة ابنه (النونو) وكانت الأوامر هي بالقاء القبض على رئيس الجمهورية رقوبي المشهور بتك باب لأنه كان المسؤول الأول على فلتان عبد العظيم من حبل المشنقة ..اذن هي محاولة انقلاب وهسة قوات أبو زياد محاصرة القصر الجمهوري بعملية أطلق عليها (الثعلب المفتلت) والهدف منها اطاحة نظام رقوبي الدموي الديمقراطي واستبداله بنظام ديمقراطي لاخ بقيادة أبو زياد !!!
قبل ما ننتقل للقصر الجمهوري وقبل ما نتابع الأحداث سألني عبد القادر أبو صهيب المحلل السياسي والعسكري سؤال محرج أحرج فيه الادارة الأمريكية والسلطة الدينية المتمثلة بالسيستاني ونكدر نقول انه أحرج العالم كله بهالسؤال وهو : ليش الأنظمة دائما في بدايتها تصرح بأنها أنظمة ديمقراطية وبعدين نكتشف انها دموية وعنصرية ؟؟؟!!!
وآني بصفتي كاتب على كد حالي دائما الجزيرة تستضيفني ودائما قناة العبرية عفوا العربية تريد مني تحليلات سياسية وعسكرية وبالنهاية كلها تطلع خريط بخريط أقول لعبد القادر وأرد عليه بشدة وحزم : ياخوية .. لعد همة اشلون يوصلون للسلطة من غير ما يستخدمون كل هاي الكلاوات بحق الشعوب .. يعني فيه نظام بالعالم يوصل للسلطة بدون ما يكذب على الشعب ويدعي انه هو أبو الديمقراطية والحرية ؟؟؟... خليها على الله خوية همة دايما يبيعون شرف براسنا في البداية وبعدين يطلع الخياس كله !!!
نرجع هسة لمشهد محاصرة القصر الجمهوري ووسام الحماية الخاصة لرقوبي جاي مذعور ويريد ينقل الصورة للريس رقوبي :
وسام : سيدي .. سيدي .. الحكنا سيدي ..
رقوبي : ها ولك اشبيك ؟ مو أزعجتني من النوم .. كنت حلمان خوش حلم وأنت خربته علية .. حلمت انه فيه بنت حلوة و..
وسام : سيدي مو وقت مال أسمع حلمك .. أبو زياد لام الشباب اللي بالكهوة كلهم وجايين محاصرين القصر و..
رقوبي : هذا أنت حلمت هيج ؟
وسام : سيدي صدقني مو حلم هاذي حقيقة !!!
رقوبي : اللي أعرفه انه الأمريكان مسانديني ولا يمكن يستغنون عني بهالسهولة .. وأبو زياد وجماعته راح تفشل محاولة انقلابهم وراح يلقون القبض عليهم المارينز الأمريكي وراح أعدمه بإيدي !!!
وسام : لعد اشدا تنتظر ما تتصل بالسي آي ايه الأمريكي ؟؟؟
رقوبي يتصل بالسي آي ايه والبدالة ترد عليه : الرقم الذي طلبته مشغول حاول الاتصال لاحقا !!!
رقوبي يحاول يتصل بالسي آي ايه مرة اللخ والبدالة ترد عليه : يا رقوبي .. مو كلنالك انه الرقم اللي طلبته مشغول حاول الاتصال لاحقا .. شنو ما تفتهم ؟؟؟
رقوبي : هسة وقته هذولة ما يردون علية؟ ما كو الا أتصل على السيستاني .. هذا سره باتع وبكم مليون دولار أشتري ذمته علمود يصدر فتوة بتحريم التعامل مع أبو زياد وبهيجي حالة يفشل انقلاب أبو زياد وتفشل وياه عملية (الثعلب المفتلت) !!!
... رقوبي يتصل على السيستاني ...
السيستاني باللكنة الفارسية : ألو هبيبي .. سيستاني معاكم .. اصدار فتاوي .. استلام خمس .. لطم .. تطبير .. شراء زناجيل و قامات .. زواج متعة .. زواج من غير متعة .. متعة من غير زواج .. كل شي موجود وكل شي حسب الطلب ..
رقوبي : رحمة لوالديك سيدنا .. شنو كل ما أتصل بيك تسمعني هالكليشة ؟ شنو ما تشبع ؟؟؟
السيستاني : هبيبي رقوبي .. اشلونك ؟ والله حسبتك زبون جديد ولازم أسمعه هاي الكليشة لأنها توفر علية فلوس مال دعاية واعلان !!!
رقوبي : سيدنا .. الحكني .. رئيس المخابرات أبو زياد يريد يسوي محاولة انقلاب علية ويريد ياخذ الحكم مني !!!
السيستاني : ايه وآني شكو ؟ شنو ممكن أقدملك ؟؟؟
رقوبي : مولانا .. رحمة لوالديك .. رحمة لأبوك عزرا اليهودي وأمك العلوية زليخة خانو .. ورحمة لعشيرتك من أكبر كلب بيهم لأصغر حرامي بيهم .. أريدك تساعدني .. على الأقل تصدر فتوة من فتواتك الرنانة تحرم التعامل مع أبو زياد وراح أدفعلك اللي تريده !!!
السيستاني : هبيبي رقوبي .. اسمعني زين وخلي كلامي هازه حلقة في اذنك .. آني أمشي على الريموت كنترول وصاحب الريموت كنترول همة الأمريكان .. وآني الفتوة مالتي ما تقدم ولا تأخر اذا ما كانت عليها موافقة السي آي ايه الأمريكي !!!
رقوبي : ايه .. خوش كلام آني همينة خادم مثلك للأمريكان لعد ليش ما تساعدني؟
السيستاني : هبيبي رقوبي .. الأمريكان اليوم الصبح اتصلوا بية وقالوا اصدر فتوة بتحريم التعامل مع رقوبي وقول بيها ان اللي ما يطلع يساند أبو زياد في انقلابه ضد رقوبي ترى أمه ما راح تدخل الجنة .. وبعدين ابو زياد اجة عندي اليوم الظهر ودفع لي ثمن الفتوة .. واسمحلي أقوللك انه الأمريكان باعوك مثل ما باعوا غيرك !!!
رقوبي : لعد خلينا آني وياك نقلب على الأمريكان ؟؟؟!!!
السيستاني : شنو هازه كلام مال أنت ؟ كلام غير منطقي وكأني ما سمعته .. آني أظل صامت أحسن لي .. باي باي هبيبي !!!
رقوبي : طيح الله حظك .. عبالي سيد بيه خير ؟؟؟
وسام : سيدي رقوبي فيه أخبار مو زينة تقول انه أبو زياد خطف أولادك حمودي وصهيب ومخليهم رهينة عنده .. يا تسلم نفسك يا يذبحهم !!!
رقوبي : عزاااااااااا !!! هذا كل من يريد ينتقم مني يخطف أولادي ؟ شنو محد عنده أولاد غيري آني ؟؟؟
وسام : شسويلك أولادك ثولان كل من ينطيهم نستلة يروحون وياه .. عبالك مو شايفين خير !!!
هسة رقوبي عرف انه الأمريكان تخلوا عنه وان السيستاني اشتراه أبو زياد وهمينة تخلى عنه وكل الحبايب وكل اللي حوالينه باعوه بأبخس الأثمان حتى وسام اللي المفروض هو حماية رقوبي الشخصية طلع مسوي مسرحية مخرجها أبو زياد وهمينة باع رقوبي بثمن كلش رخيص وصار وسام الحماية الشخصية لأبو زياد الرئيس الجديد للعراق .. بس على ما اعتقد انه أبو زياد تخلص من وسام وذبه بالسجن لأنه ماكو ثقة واللي يبيع مرة راح يبيع ألف مرة .. والجماعة كلها صارت ما تثق ببعضها ومسلسل الصراع على السلطة مستمر وشفط النفط العراقي من قبل أمريكا همينة مستمر .. والمستفيد الأول والأخير همة الأمريكان!!!
هسة رقوبي بالسجن وينتظر حكم الاعدام ورقوبي كد ما هو منقهر على نفسه
ضرب دالغة وصفن وراح بعييييييد وهناك قال قصيدة :
ياللي قضيت عمرك بكذبة نيساني
ما نفعك لا حبيب ولا خل ولا أمريكاني
فعل فعلناه وطبخناه ودفنناه
وبالتالي ينفضح ويصير على كل لساني
كم من عدو صعد على الأكتافي
وكم من أخ لبسناه الأكفاني
وتاليتها وطننا
بعناه بأرخص الأثماني
تخاذلنا .. استسلمنا .. ركعنا
لا دافعنا .. لا جاهدنا .. لا نصرنا
ودموع حسرات جرت منها ودياني
ايد المحتل بسناها
حنيناها .. وخاتم الحرية لبسناها
لا قطعناها ولا بسوء لمسناها
والتالي نريد ديمقراطية
مسلفنة بحرية
وبجوز ولوز محشية
ماعرفنا ان اللي ما يعرف الصقر
يشويه
واللي يمشي ورا سراب
ما راح للعطش يرويه
وفضلة المحتل
لا للجوع تسمنه وتغنيه
.................
مثل ما كلنالكم انه رقوبي هسة دا ينتظر حكم الاعدام .. والمسكين تمنى انه لو يرجع مثل الأول على كد الحال جان أحسن .. ويمكن تمنى أنه لو يكون فقير معدم ما عنده فلوس قرصة الخبز جان أحسن من أنه يكون بهالوضعية الجايفة .. رقوبي دا ينتظر الموت يعني راح ينطك بالدهن والله اليعلم اذا سمحوا انهم يدفنون جثته لو ينطوها للطيور الجارحة تاكل بيها .. رقوبي بوضعية لا يحسد عليها .. واللي قبل كان يتمنى انه يكون مكان رقوبي هسة يقول الحمدلله انه آني ما صرت مثل رقوبي !!!
أبو زياد كد ما هو منغاظ من رقوبي حب انه هو بايده يضرب رقوبي طلقة على راسه ويقتله مثل ما قتلوا عبد الكريم قاسم .. انفتحت الزنزانة ودخل أبو زياد والحاشية مالته على رقوبي .. ويا حبة عيني رقوبي مقيد بالسلاسل وحالته تصعب على الكافر ..
رقوبي : عمي أبو زياد !!!
أبو زياد : من عمت عينك لا تكول عمي !!!
رقوبي : الله يا دنيا .. هيجي تاليتها؟ .. مو آني اللي خليتك رئيس المخابرات تكوم هيجي تسوي بية ؟!!!
أبو زياد : لازم تعرف انك مو صاحب فضل علية .. الأمريكان همة اللي يعينون الشخص وهمة اللي يشيلونه من منصبه ووصولي لرئاسة الجمهورية كان بأمر من الأمريكان .. باعوك بثمن رخيص واختاروني !!!
رقوبي : لعد أبشرك بأن الأمريكان مثل ما اشتروني وباعوني راح همينة يجي اليوم اللي يبيعوك بيه ويخلون مكانك واحد لاخ لأني اكتشفت انه الأمريكان ما عدهم صاحب ولا صديق والمصلحة هي اللي تحكم !!!
أبو زياد : انجب ولك لسانك صاير طويل وتعرف تحجي .. آني هسة راح أنفذ حكم الاعدام بيك وبإيدي !!!
رقوبي : زين ممكن أشرب جكارة قبل الاعدام !!!
.. أبو زياد طلع جكارة من عنده وشمرها على رقوبي ..
رقوبي : بس الله يخليك لا تطلق علية الرصاصة وآني أشرب الجكارة !!!
أبو زياد : لا تخاف ما راح أقتلك الا اذا تخلص من شرب الجكارة !!!
رقوبي : أخاف تغدر بية ؟ لعد احلف أنك ما تقتلني الا اذا شربت الجكارة !!!
أبو زياد : وراس النونو ما أقتلك الا لما تخلص من شرب الجكارة !!!
رقوبي : لعد ما راح أشربها .. وأنت حلفت أنك ما تقتلني الا اذا شربت الجكارة!!!
أبو زياد : دروح أبو الهلس .. أصلا الحلفان ما يجوز الا بالله وحلفاني براس النونو خدعة لأني أعرفك فد واحد أثول ما تعرف كوعك من بوعك !!!
أبو زياد طلع المسدس وجاي ينيشن على راس رقوبي ورقوبي يصيح : لا لا لا لا لا لا لا لا !!!
انطلقت الرصاصة ... والمفاجأة انه رقوبي صحا من النوم ولكى نفسه ببيته القديم وجاي يحلم وكان يصيح باعلى صوته : لا لا لا لا لا لا !!!
أم حمودي اجت على رقوبي وقالت : اشبيك تصارخ ؟ دكوم من النوم ترى البيت ما بيه قرصة خبز .. روح جيبلنا مسواك بدل ما أنت نايم .. حتى المدرسة جاي يشتكون من الغياب مالتك !!!
رقوبي : آني شنو جابني هنا ؟ وين القصر الجمهوري ؟ وين الحاشية ؟ وين الخدم والحشم ؟ وأبو زياد صدك استلم الحكم لو هذا مجرد حلم ؟
أم حمودي : اسم الله عليك شنو مصخن ؟؟؟!!!
رقوبي : مو آني جنت رئيس الجمهورية ؟
أم حمودي ماتت من الضحك : رئيس جمهورية مرة وحدة ؟ شنو خلص العراق من الزمايل علمود يخلوك أنت رئيس جمهورية ؟ دكوم من الفراش مبين بايل على نفسك .. والله خزي !!!
رقوبي شاف أولاده حمودي وصهيب وراح يبوسهم ويحضنهم وأم حمودي بعدها مستغربة .. طبعا رقوبي اكتشف انه كل اللي صارله مجرد حلم .. وان البانيا اللي تعشى بيها رقوبي كانت بايتة ومنتهي الاكسباير مالتها !!!
رقوبي حمد ربه ميت ألف مرة أنه ما صار رئيس جمهورية وان حكم العراق شغلة مو هينة وصار رقوبي يجي للجامع ويصلي بيه وما يفوته فرض وحمد ربه على نعمة الاسلام !!!
أنتو همينة ديروا بالكم تاكلون بانيا بايتة ترى يصير بيكم مثل ما صار برقوبي حتى لو تسووها بالتواليت علامة استفهام !!!
مع تحيات
نشمي
الحلقة العاشرة والأخيرة
رجع رقوبي لبغداد وفشل اعدام عبد العظيم كان كلش مأثر عليه وعلى حكومته لأنه بمثابة هزيمة لهيبة رقوبي كرئيس للجمهورية بس اللي تأثر أكثر من رقوبي هو رئيس المخابرات أبو زياد لأنه بالاضافة انه هو أحد أفراد الحكومة الا انه بينه وبين عبد العظيم ثأر شخصي فشل على تصفيته ..
طبعا أبو زياد راد انه ينتقم لشخصه فكانت المفاجأة انه أبو زياد جمع قوات موالية إله بقيادة ابنه (النونو) وكانت الأوامر هي بالقاء القبض على رئيس الجمهورية رقوبي المشهور بتك باب لأنه كان المسؤول الأول على فلتان عبد العظيم من حبل المشنقة ..اذن هي محاولة انقلاب وهسة قوات أبو زياد محاصرة القصر الجمهوري بعملية أطلق عليها (الثعلب المفتلت) والهدف منها اطاحة نظام رقوبي الدموي الديمقراطي واستبداله بنظام ديمقراطي لاخ بقيادة أبو زياد !!!
قبل ما ننتقل للقصر الجمهوري وقبل ما نتابع الأحداث سألني عبد القادر أبو صهيب المحلل السياسي والعسكري سؤال محرج أحرج فيه الادارة الأمريكية والسلطة الدينية المتمثلة بالسيستاني ونكدر نقول انه أحرج العالم كله بهالسؤال وهو : ليش الأنظمة دائما في بدايتها تصرح بأنها أنظمة ديمقراطية وبعدين نكتشف انها دموية وعنصرية ؟؟؟!!!
وآني بصفتي كاتب على كد حالي دائما الجزيرة تستضيفني ودائما قناة العبرية عفوا العربية تريد مني تحليلات سياسية وعسكرية وبالنهاية كلها تطلع خريط بخريط أقول لعبد القادر وأرد عليه بشدة وحزم : ياخوية .. لعد همة اشلون يوصلون للسلطة من غير ما يستخدمون كل هاي الكلاوات بحق الشعوب .. يعني فيه نظام بالعالم يوصل للسلطة بدون ما يكذب على الشعب ويدعي انه هو أبو الديمقراطية والحرية ؟؟؟... خليها على الله خوية همة دايما يبيعون شرف براسنا في البداية وبعدين يطلع الخياس كله !!!
نرجع هسة لمشهد محاصرة القصر الجمهوري ووسام الحماية الخاصة لرقوبي جاي مذعور ويريد ينقل الصورة للريس رقوبي :
وسام : سيدي .. سيدي .. الحكنا سيدي ..
رقوبي : ها ولك اشبيك ؟ مو أزعجتني من النوم .. كنت حلمان خوش حلم وأنت خربته علية .. حلمت انه فيه بنت حلوة و..
وسام : سيدي مو وقت مال أسمع حلمك .. أبو زياد لام الشباب اللي بالكهوة كلهم وجايين محاصرين القصر و..
رقوبي : هذا أنت حلمت هيج ؟
وسام : سيدي صدقني مو حلم هاذي حقيقة !!!
رقوبي : اللي أعرفه انه الأمريكان مسانديني ولا يمكن يستغنون عني بهالسهولة .. وأبو زياد وجماعته راح تفشل محاولة انقلابهم وراح يلقون القبض عليهم المارينز الأمريكي وراح أعدمه بإيدي !!!
وسام : لعد اشدا تنتظر ما تتصل بالسي آي ايه الأمريكي ؟؟؟
رقوبي يتصل بالسي آي ايه والبدالة ترد عليه : الرقم الذي طلبته مشغول حاول الاتصال لاحقا !!!
رقوبي يحاول يتصل بالسي آي ايه مرة اللخ والبدالة ترد عليه : يا رقوبي .. مو كلنالك انه الرقم اللي طلبته مشغول حاول الاتصال لاحقا .. شنو ما تفتهم ؟؟؟
رقوبي : هسة وقته هذولة ما يردون علية؟ ما كو الا أتصل على السيستاني .. هذا سره باتع وبكم مليون دولار أشتري ذمته علمود يصدر فتوة بتحريم التعامل مع أبو زياد وبهيجي حالة يفشل انقلاب أبو زياد وتفشل وياه عملية (الثعلب المفتلت) !!!
... رقوبي يتصل على السيستاني ...
السيستاني باللكنة الفارسية : ألو هبيبي .. سيستاني معاكم .. اصدار فتاوي .. استلام خمس .. لطم .. تطبير .. شراء زناجيل و قامات .. زواج متعة .. زواج من غير متعة .. متعة من غير زواج .. كل شي موجود وكل شي حسب الطلب ..
رقوبي : رحمة لوالديك سيدنا .. شنو كل ما أتصل بيك تسمعني هالكليشة ؟ شنو ما تشبع ؟؟؟
السيستاني : هبيبي رقوبي .. اشلونك ؟ والله حسبتك زبون جديد ولازم أسمعه هاي الكليشة لأنها توفر علية فلوس مال دعاية واعلان !!!
رقوبي : سيدنا .. الحكني .. رئيس المخابرات أبو زياد يريد يسوي محاولة انقلاب علية ويريد ياخذ الحكم مني !!!
السيستاني : ايه وآني شكو ؟ شنو ممكن أقدملك ؟؟؟
رقوبي : مولانا .. رحمة لوالديك .. رحمة لأبوك عزرا اليهودي وأمك العلوية زليخة خانو .. ورحمة لعشيرتك من أكبر كلب بيهم لأصغر حرامي بيهم .. أريدك تساعدني .. على الأقل تصدر فتوة من فتواتك الرنانة تحرم التعامل مع أبو زياد وراح أدفعلك اللي تريده !!!
السيستاني : هبيبي رقوبي .. اسمعني زين وخلي كلامي هازه حلقة في اذنك .. آني أمشي على الريموت كنترول وصاحب الريموت كنترول همة الأمريكان .. وآني الفتوة مالتي ما تقدم ولا تأخر اذا ما كانت عليها موافقة السي آي ايه الأمريكي !!!
رقوبي : ايه .. خوش كلام آني همينة خادم مثلك للأمريكان لعد ليش ما تساعدني؟
السيستاني : هبيبي رقوبي .. الأمريكان اليوم الصبح اتصلوا بية وقالوا اصدر فتوة بتحريم التعامل مع رقوبي وقول بيها ان اللي ما يطلع يساند أبو زياد في انقلابه ضد رقوبي ترى أمه ما راح تدخل الجنة .. وبعدين ابو زياد اجة عندي اليوم الظهر ودفع لي ثمن الفتوة .. واسمحلي أقوللك انه الأمريكان باعوك مثل ما باعوا غيرك !!!
رقوبي : لعد خلينا آني وياك نقلب على الأمريكان ؟؟؟!!!
السيستاني : شنو هازه كلام مال أنت ؟ كلام غير منطقي وكأني ما سمعته .. آني أظل صامت أحسن لي .. باي باي هبيبي !!!
رقوبي : طيح الله حظك .. عبالي سيد بيه خير ؟؟؟
وسام : سيدي رقوبي فيه أخبار مو زينة تقول انه أبو زياد خطف أولادك حمودي وصهيب ومخليهم رهينة عنده .. يا تسلم نفسك يا يذبحهم !!!
رقوبي : عزاااااااااا !!! هذا كل من يريد ينتقم مني يخطف أولادي ؟ شنو محد عنده أولاد غيري آني ؟؟؟
وسام : شسويلك أولادك ثولان كل من ينطيهم نستلة يروحون وياه .. عبالك مو شايفين خير !!!
هسة رقوبي عرف انه الأمريكان تخلوا عنه وان السيستاني اشتراه أبو زياد وهمينة تخلى عنه وكل الحبايب وكل اللي حوالينه باعوه بأبخس الأثمان حتى وسام اللي المفروض هو حماية رقوبي الشخصية طلع مسوي مسرحية مخرجها أبو زياد وهمينة باع رقوبي بثمن كلش رخيص وصار وسام الحماية الشخصية لأبو زياد الرئيس الجديد للعراق .. بس على ما اعتقد انه أبو زياد تخلص من وسام وذبه بالسجن لأنه ماكو ثقة واللي يبيع مرة راح يبيع ألف مرة .. والجماعة كلها صارت ما تثق ببعضها ومسلسل الصراع على السلطة مستمر وشفط النفط العراقي من قبل أمريكا همينة مستمر .. والمستفيد الأول والأخير همة الأمريكان!!!
هسة رقوبي بالسجن وينتظر حكم الاعدام ورقوبي كد ما هو منقهر على نفسه
ضرب دالغة وصفن وراح بعييييييد وهناك قال قصيدة :
ياللي قضيت عمرك بكذبة نيساني
ما نفعك لا حبيب ولا خل ولا أمريكاني
فعل فعلناه وطبخناه ودفنناه
وبالتالي ينفضح ويصير على كل لساني
كم من عدو صعد على الأكتافي
وكم من أخ لبسناه الأكفاني
وتاليتها وطننا
بعناه بأرخص الأثماني
تخاذلنا .. استسلمنا .. ركعنا
لا دافعنا .. لا جاهدنا .. لا نصرنا
ودموع حسرات جرت منها ودياني
ايد المحتل بسناها
حنيناها .. وخاتم الحرية لبسناها
لا قطعناها ولا بسوء لمسناها
والتالي نريد ديمقراطية
مسلفنة بحرية
وبجوز ولوز محشية
ماعرفنا ان اللي ما يعرف الصقر
يشويه
واللي يمشي ورا سراب
ما راح للعطش يرويه
وفضلة المحتل
لا للجوع تسمنه وتغنيه
.................
مثل ما كلنالكم انه رقوبي هسة دا ينتظر حكم الاعدام .. والمسكين تمنى انه لو يرجع مثل الأول على كد الحال جان أحسن .. ويمكن تمنى أنه لو يكون فقير معدم ما عنده فلوس قرصة الخبز جان أحسن من أنه يكون بهالوضعية الجايفة .. رقوبي دا ينتظر الموت يعني راح ينطك بالدهن والله اليعلم اذا سمحوا انهم يدفنون جثته لو ينطوها للطيور الجارحة تاكل بيها .. رقوبي بوضعية لا يحسد عليها .. واللي قبل كان يتمنى انه يكون مكان رقوبي هسة يقول الحمدلله انه آني ما صرت مثل رقوبي !!!
أبو زياد كد ما هو منغاظ من رقوبي حب انه هو بايده يضرب رقوبي طلقة على راسه ويقتله مثل ما قتلوا عبد الكريم قاسم .. انفتحت الزنزانة ودخل أبو زياد والحاشية مالته على رقوبي .. ويا حبة عيني رقوبي مقيد بالسلاسل وحالته تصعب على الكافر ..
رقوبي : عمي أبو زياد !!!
أبو زياد : من عمت عينك لا تكول عمي !!!
رقوبي : الله يا دنيا .. هيجي تاليتها؟ .. مو آني اللي خليتك رئيس المخابرات تكوم هيجي تسوي بية ؟!!!
أبو زياد : لازم تعرف انك مو صاحب فضل علية .. الأمريكان همة اللي يعينون الشخص وهمة اللي يشيلونه من منصبه ووصولي لرئاسة الجمهورية كان بأمر من الأمريكان .. باعوك بثمن رخيص واختاروني !!!
رقوبي : لعد أبشرك بأن الأمريكان مثل ما اشتروني وباعوني راح همينة يجي اليوم اللي يبيعوك بيه ويخلون مكانك واحد لاخ لأني اكتشفت انه الأمريكان ما عدهم صاحب ولا صديق والمصلحة هي اللي تحكم !!!
أبو زياد : انجب ولك لسانك صاير طويل وتعرف تحجي .. آني هسة راح أنفذ حكم الاعدام بيك وبإيدي !!!
رقوبي : زين ممكن أشرب جكارة قبل الاعدام !!!
.. أبو زياد طلع جكارة من عنده وشمرها على رقوبي ..
رقوبي : بس الله يخليك لا تطلق علية الرصاصة وآني أشرب الجكارة !!!
أبو زياد : لا تخاف ما راح أقتلك الا اذا تخلص من شرب الجكارة !!!
رقوبي : أخاف تغدر بية ؟ لعد احلف أنك ما تقتلني الا اذا شربت الجكارة !!!
أبو زياد : وراس النونو ما أقتلك الا لما تخلص من شرب الجكارة !!!
رقوبي : لعد ما راح أشربها .. وأنت حلفت أنك ما تقتلني الا اذا شربت الجكارة!!!
أبو زياد : دروح أبو الهلس .. أصلا الحلفان ما يجوز الا بالله وحلفاني براس النونو خدعة لأني أعرفك فد واحد أثول ما تعرف كوعك من بوعك !!!
أبو زياد طلع المسدس وجاي ينيشن على راس رقوبي ورقوبي يصيح : لا لا لا لا لا لا لا لا !!!
انطلقت الرصاصة ... والمفاجأة انه رقوبي صحا من النوم ولكى نفسه ببيته القديم وجاي يحلم وكان يصيح باعلى صوته : لا لا لا لا لا لا !!!
أم حمودي اجت على رقوبي وقالت : اشبيك تصارخ ؟ دكوم من النوم ترى البيت ما بيه قرصة خبز .. روح جيبلنا مسواك بدل ما أنت نايم .. حتى المدرسة جاي يشتكون من الغياب مالتك !!!
رقوبي : آني شنو جابني هنا ؟ وين القصر الجمهوري ؟ وين الحاشية ؟ وين الخدم والحشم ؟ وأبو زياد صدك استلم الحكم لو هذا مجرد حلم ؟
أم حمودي : اسم الله عليك شنو مصخن ؟؟؟!!!
رقوبي : مو آني جنت رئيس الجمهورية ؟
أم حمودي ماتت من الضحك : رئيس جمهورية مرة وحدة ؟ شنو خلص العراق من الزمايل علمود يخلوك أنت رئيس جمهورية ؟ دكوم من الفراش مبين بايل على نفسك .. والله خزي !!!
رقوبي شاف أولاده حمودي وصهيب وراح يبوسهم ويحضنهم وأم حمودي بعدها مستغربة .. طبعا رقوبي اكتشف انه كل اللي صارله مجرد حلم .. وان البانيا اللي تعشى بيها رقوبي كانت بايتة ومنتهي الاكسباير مالتها !!!
رقوبي حمد ربه ميت ألف مرة أنه ما صار رئيس جمهورية وان حكم العراق شغلة مو هينة وصار رقوبي يجي للجامع ويصلي بيه وما يفوته فرض وحمد ربه على نعمة الاسلام !!!
أنتو همينة ديروا بالكم تاكلون بانيا بايتة ترى يصير بيكم مثل ما صار برقوبي حتى لو تسووها بالتواليت علامة استفهام !!!
مع تحيات
نشمي
2 التعليقات:
يمكن رجع يصلي لكن بجامع الصومالي مو بجامع العرب حتى ما يشوف نشمي
الحمدلله ان مسلسل رقوبي يحكم العراق لقى نجاحا كبيرا في الأوساط المحلية وأتمنى أن يستمر العطاء لنتمكن من اسعادكم ورسم البسمة على وجوهكم الطيبة .. وعلى فكرة ترى رقوبي كلش فرحان بهاي المسلسلات واللي يشوف رقوبي لازم يبوس ايده لأنه مهما يكون كان رئيس جمهورية واحترامه واجب :)
إرسال تعليق