متعة الأيام
(الحلقة الثانية)
عاش أبو كرار وية أم كرار أجمل أيام عمره لأنه متزوج من مرية عن ألف رجال لأنها انسانة مدبرة ومستثمرة .. ايه نعم مستثمرة ويمكن فد واحد فضولي من الربع يسأل هي شنو دا تستثمر؟ آآآآآآآآ الجواب على السؤال يحتاج تفتيح مخ وعلمود تفهمون شنو هو نوع الاستثمار لازم تسمعون هاي القصة :
يقولون ان نرجس بنت كلش حلوة وجميلة لدرجة انه الواحد بس يشوفها يوكع بحبها ويفكر انه يتزوجها , وطبعا هي جارة أم كرار بس للأسف قبل ما واحد من عدكم يفكر انه يتزوجها ننصحه بغض النظر عن موضوع الزواج لأن نرجس مو مال زواج .. البنت تشتغل في المجال الفني .. يابا ليش أكذب عليكم وأقول انها فنانة؟ هي بين قوسين فد وحدة ساقطة وعاهرة لأن اللي تصير جارة أم كرار لازم ينكوي بنارها وصاحب المثل يقول :الطيور على أشكالها تقع !!!
المهم انه في يوم من الأيام فكرت نرجس انها تتوب توبة نصوحة لوجه الله ومثل ما تعرفون انه الله غفور رحيم يقبل التوبة من العبد الضال حتى لو كان مسوي بلاوي محد مسوي مثلها .. ونرجس هي وحدة من النسوان اللي الله فتح بصيرتها وخلاها تفكر بالتوبة بس المشكلة اشلون تتوب؟ وعلى ايد منو؟ وهل توجد هناك طريقة مثلى للتوبة ؟ الشغلة هنا تحتاج تفكير وايجاد آلية للحصول على التوبة والحفاظ عليها !!!
فكرت نرجس انها تستشير صاحبتها وجارتها أم كرار , وأم كرار أبدت استعدادها لمساعدة جارتها نرجس وهناك دار حديث مشوق ما بين أم كرار ونرجس :
أم كرار : ها نرجس .. تريدين تتوبين ؟
نرجس : ايه والله يا أم كرار .. آني مليت حياتي هاي .. عبالك احنا حيوانات .. ويمكن الحيوانات أحسن من عدنا على الأقل الحيوانات ما عدها هذاك التفكير القذر اللي موجود بمخيلة البشر !!!
أم كرار : يا معودة آني ميت مرة قلتلك تعالي اشتغلي وياية بس أنت ما أعرف ليش رافضة هاي الفكرة ؟ من انها حلال وتغنيج عن الحيرة اللي أنت بيها !!!
نرجس : تقصدين شغلة زواج المتعة ؟ آني أشو مو مقتنعة بهاي الفكرة لأنه أحس انه ماكو فرق ما بين الشغلة اللي آني أشتغلها وما بين زواج المتعة هذا .. أشو نفس الشي هم شغلة مال حيوانات ساعة زمان ومحد بعدها يعرف اللاخ .. شنو تضحكون علية لو على نفسكم ؟؟؟!!!
أم كرار : لا حبيبتي .. ترى الفرق كلش كبير شغلتج هي زنا وهذا حرام .. وشغلتنا زواج متعة وهي قمة الحلال وعلى فكرة ترى اللي ما يتمتع ما يدخل الجنة ولا يشم ريحتها !!!
(الحلقة الثانية)
عاش أبو كرار وية أم كرار أجمل أيام عمره لأنه متزوج من مرية عن ألف رجال لأنها انسانة مدبرة ومستثمرة .. ايه نعم مستثمرة ويمكن فد واحد فضولي من الربع يسأل هي شنو دا تستثمر؟ آآآآآآآآ الجواب على السؤال يحتاج تفتيح مخ وعلمود تفهمون شنو هو نوع الاستثمار لازم تسمعون هاي القصة :
يقولون ان نرجس بنت كلش حلوة وجميلة لدرجة انه الواحد بس يشوفها يوكع بحبها ويفكر انه يتزوجها , وطبعا هي جارة أم كرار بس للأسف قبل ما واحد من عدكم يفكر انه يتزوجها ننصحه بغض النظر عن موضوع الزواج لأن نرجس مو مال زواج .. البنت تشتغل في المجال الفني .. يابا ليش أكذب عليكم وأقول انها فنانة؟ هي بين قوسين فد وحدة ساقطة وعاهرة لأن اللي تصير جارة أم كرار لازم ينكوي بنارها وصاحب المثل يقول :الطيور على أشكالها تقع !!!
المهم انه في يوم من الأيام فكرت نرجس انها تتوب توبة نصوحة لوجه الله ومثل ما تعرفون انه الله غفور رحيم يقبل التوبة من العبد الضال حتى لو كان مسوي بلاوي محد مسوي مثلها .. ونرجس هي وحدة من النسوان اللي الله فتح بصيرتها وخلاها تفكر بالتوبة بس المشكلة اشلون تتوب؟ وعلى ايد منو؟ وهل توجد هناك طريقة مثلى للتوبة ؟ الشغلة هنا تحتاج تفكير وايجاد آلية للحصول على التوبة والحفاظ عليها !!!
فكرت نرجس انها تستشير صاحبتها وجارتها أم كرار , وأم كرار أبدت استعدادها لمساعدة جارتها نرجس وهناك دار حديث مشوق ما بين أم كرار ونرجس :
أم كرار : ها نرجس .. تريدين تتوبين ؟
نرجس : ايه والله يا أم كرار .. آني مليت حياتي هاي .. عبالك احنا حيوانات .. ويمكن الحيوانات أحسن من عدنا على الأقل الحيوانات ما عدها هذاك التفكير القذر اللي موجود بمخيلة البشر !!!
أم كرار : يا معودة آني ميت مرة قلتلك تعالي اشتغلي وياية بس أنت ما أعرف ليش رافضة هاي الفكرة ؟ من انها حلال وتغنيج عن الحيرة اللي أنت بيها !!!
نرجس : تقصدين شغلة زواج المتعة ؟ آني أشو مو مقتنعة بهاي الفكرة لأنه أحس انه ماكو فرق ما بين الشغلة اللي آني أشتغلها وما بين زواج المتعة هذا .. أشو نفس الشي هم شغلة مال حيوانات ساعة زمان ومحد بعدها يعرف اللاخ .. شنو تضحكون علية لو على نفسكم ؟؟؟!!!
أم كرار : لا حبيبتي .. ترى الفرق كلش كبير شغلتج هي زنا وهذا حرام .. وشغلتنا زواج متعة وهي قمة الحلال وعلى فكرة ترى اللي ما يتمتع ما يدخل الجنة ولا يشم ريحتها !!!
نرجس : هسة عوفينا من شغلة زواج المتعة وخلينا بشغلتي .. اشلون أتوب ؟
أم كرار : شغلتج كلش سهلة .. آني أعرف فد واحد سيد بالنجف واسمه سيد معروفي وهو سيد ابن رسول الله .. هذا ممكن تتوبين على ايده وهو معروف بهاي الشغلة كل من تريد تتوب تروح لسيد معروفي وهو يدليج على طريق التوبة !!!
نرجس : ومضمون هذا سيد معروفي ؟
أم كرار : يا معودة آني تايبة على ايده سبع مرات !!!
نرجس تقبلت فكرة السفر للنجف علمود تقابل سيد معروفي وتتوب على ايده .. وأم كرار اتصلت بسيد معروفي وقالتله : راح تجيك وحدة قمر تريد تتوب !!!
سيد معروفي : وآني حاضر لاستقبالها وراح أعمل كل ما في وسعي وأخليها تتوب توبة ماكو مثلها ، وعمولتج راح توصل إلج مثل ما اتفقنا !!!
أم كرار : سيدنا .. هاي عمولتها تختلف عن أي وحدة لأن آني دازتلك حورية مو بشر !!!
سيد معروفي : احنا نعاين البضاعة وما يكون خاطرج الا طيب .. سلامي لأبو كرار !!!
راحت نرجس للكراج اللي يودي للنجف وهناك شافها سايق الباص وعرفها :
السايق : هلو نرجس اشلونج ؟ أشو اليوم مسافرة للنجف ؟؟؟
نرجس : هلو ولك مضروب .. أنت تشتغل هنا ؟ أنت مو كنت ضابط طيار شجابك على هاي الشغلة ؟
السايق : ايه والله بعد ما انلغى الجيش ما صارلنا مكان نشتغل بيه الا هذا المكان .. زمان كنت ضابط طيار وهسة سايق باص وبفضل حكومتنا الرشيدة صرت أسوق تاتا بعدما كنت أسوق طيارة ميغ 29 !!!
نرجس : دير بالك لا يسمعوك ترى هالأيام جاي يدورون على الضباط اللي اشتركوا بالحرب ضد ايران وجاي يكتلون بيهم !!!
السايق : يا معودة خليها على الله آني لوما متنكر بهاي الشغلة جان من زمان لاكفيني وطاكيني بالدهن .. بس أنت شنو رايحة تسوين بالنجف ؟ شنو زيارة للعتبات المقدسة لو زيارة للأهل ؟
نرجس : لا والله .. لاهذا ولا ذاك .. آني رايحة أتوب وقالولي انه فيه سيد ممكن أتوب على ايده موجود بالنجف .
السايق : بس ديري بالج ترى قبل ما نوصل النجف فيه سيطرة نسائية .. حريم لابسين عبي من جماعة المجلس الأعلى للثورة الاسلامية واذا يشوفوج على هذا الجمال راح يعرضون عليج زواج متعة مقابل فلوس !!!
نرجس : شنو همة كوادات؟
السايق : هاي من وجهة نظرج بس من وجهة نظرهم حلال اعرفي اشلون تخلصين منهم اذا ما عندج استعداد لزواج المتعة لأنهم راح يجبروج عليه !!!
نرجس : راح أقوللهم اني من طرف سيد معروفي !!!
السايق : عز الطلب أصلا هذا هو كوادهم الكبير .. عفوا سيدهم الكبير !!!
نرجس ماتت من الضحك على كلام السايق .. والسايق محتار انه يضحك على خفة دم نرجس لو يبجي على البوري اللي راح تاكله نرجس !!!
وصلت نرجس للنجف وهناك قابلتها سيطرة نسائية تابعة للمجلس الأعلى للثورة الاسلامية ودخلت وحدة علوية لابسة عباية سودة وشايلة وياها كلاشنكوف ايراني الصنع.. وهناك قالت : كل النسوان يطلعن هوياتهن !!!
وبدت العلوية تتفحص الهويات وتباوع على وجوه النسوان ولما اجة دور نرجس قالت العلوية : تعالي وياية برة الباص !!!
خارج الباص وعلى صفح دار حديث بين العلوية وبين نرجس :
العلوية : أنت جاية من بغداد ؟
نرجس : ايه ليش ممنوع نجي من بغداد للنجف ؟ لو صارت الجية للنجف تحتاج فيزا ؟
العلوية : لا .. بس عندي إلج شغلة كلش حلوة تكسبين من وراها ذهب !!!
نرجس : أعرف شنو راح تعرضين علية بس آني مو موافقة !!!
العلوية : حبيبتي مو على كيفج .. ترى اذا ما توافقين راح أدز عليج البطة !!!
نرجس : شنو هاي البطة ؟
العلوية : هاي سيارة تابعة لجماعة المجلس الأعلى للثورة الاسلامية .. ترى يجون وياخذوج غصبن ما عليج .. تعالي وياية بالحسنة أحسن إلج !!!
نرجس : بس آني رايحة للسيد معروفي دام ظله وعندي موعد وياه .. وخاف يعرف انكم مضوجيني يكوم يزعل .. وأنت تعرفين اذا السيد يزعل اشلون راح يكون زعله !!!
العلوية : لا يا معودة على بختج .. ترى كنت أتشاقى وياج .. شنو أنتو أهل بغداد ما تحبون الشقا ؟ اتفضلي عيني اصعدي روحي مكانج .. آني كان قصدي تلبسين ذهب بس يظهر أنت ما تحبين الذهب !!!
راحت نرجس لمشوارها عند السيد معروفي وبعد اسبوع رجعت نرجس للكراج راجعة لبغداد وشاءت الصدف انه يكون نفس السايق اللي جابها من بغداد للنجف:
السايق : ها نرجس اشلونج ؟ انشالله توفقتي بمشوارج هذا ؟ يعني خلاص حصلتي على التوبة ؟
نرجس أخذتلها صفنة وشوية نزلت دمعة من عينها وقالت : يا توبة يا بطيخ .. آني لو أعرف هيج راح يصير بية جان ما فكرت أصلا بالتوبة !!!
السايق : والله خليتي يصير عندي فضول علمود أعرف شنو صار وياج .. شنو صار وياج بالضبط ؟
نرجس : طبعا أول ما رحت لسيد معروفي صار يخنزر بية وصار يتفحصني بعيونه خاصة انه شكله مو مال واحد سيد ابن رسول الله .. الله وكيلك شكله مال واحد ساقط سرسري عرقجي تكة ماكو .. ومثل ما تعرف آني خبيرة بهالشكولة وأعرفهم من أول نظرة وأعرف شنو يريدون من الحرمة !!!
السايق : ايه وشنو صار بعدين؟
نرجس جرت جكارة واخذت نفس عميق : السيد من كد ما انعجب بية عرض علية انه أتزوجه زواج متعة .. فقلت وية نفسي شكو بيها مادام الشغلة حلال وبيها توبة خليني أتزوج السيد زواج متعة على الأقل تكون طريقي للتوبة مهما كلف الأمر .. بس المشكلة انه في اليوم الثاني وبعدما السيد خلص من شغلته وياية خلاني أشرب مشروب طعمه غريب شوية بيه مخدر , وبما اني اشرب كحول فالمخدر ما خدرني مية بالمية بس صرت ما أتحكم بنفسي .. مجرد اني أشوف خيالات غريبة عجيبة يعني كل شوية يجي واحد معمم ويمارس وياية يمكن بس بأول يوم اجوا حوالي عشر معممين .. في اليوم الثاني حاولت افهم من سيد معروفي عن اللي صار وياية بس السيد غلس علية فطلبت منه اني أرجع لبغداد فهددني انه يجيبلي البطة .. وبصراحة خفت من شغلة البطة لأن جماعة البطة ما يرحمون .. فصرت أنفذ اله كل رغباته مثل ما يريد وبدون مخدر خلى كل جماعته المعممين يتزوجوني زواج متعة وبالطابور صاروا يوكفون سرى علية .. واليوم استغليت انشغال السيد باجتماع في المجلس البلدي وهربت من جحيمه !!!
السايق : وهسة أنت ندمانة على التوبة ؟
نرجس : الشغلة موشغلة ندمانة لو مو ندمانة .. يمكن الايام تنسيني هالتجربة اللي عشتها مثل ما نسيت هواية تجارب مرت علية .. المشكلة في هاي الناس اللي دا تستغل اسم الدين أسوأ استغلال لتحقيق الرغبات والشهوات الذاتية .. آني لما سمعت عن زواج المتعة حسبت انه زواج عادي يدخل للنفس البشرية الاطمئنان والسكينة بس اللي شفته وعايشته بعيد كل البعد عن السكينة والاستقرار اللي نسمع بيهم بالعكس يخليك قلق طول عمرك ما تعرف انه هاي الشغلة صح لو غلط .. ولو تريد رأيي الشخصي بزواج المتعة كوني انسانة ساقطة بنظر الناس والي تجاربي الخاصة راح أقولها بكل ثقة هاي الشغلة مجرد كواااااادة لا أكثر ولا أقل !!!
السايق : يعني هسة أنت تبتي لو ما تبتي ؟
نرجس : يا توبة يا بطيخ .. آني مجرد اني فكرت بالتوبة وصار بية كل هذا لعد لو أتوب من صدك شنو راح يصير بية ؟ الله وكيلك اشكد آني ممارسة وية البشر هاي الشغلات القذرة .. ما حسيت اني انسانة رخيصة الا بتجربتي وية سيد معروفي بزواج المتعة هذا .. حسيت اني صدك انسانة رخيصة وما عندي كرامة واني جاية أبيع نفسي لناس كل همهم ودينهم الجنس واشلون يحصلون عليه من النسوان .. والمشكلة مو بية آني .. المشكلة ببنات هالعالم اللي دا يروحون ضحية لهذا الزواج المشبوه .. آني بعد هاي التجربة قررت اني ما أفكر بالدين وأصير شيوعية أشرف لي على الأقل محد راح يستغلني باسم الدين !!!
السايق : زين صاحبتج أم كرار أكيد راح تزعل علمودج للي صار !!!
نرجس : المشكلة انه أم كرار هي أساس البلا .. هي اللي باعتني لسيد معروفي وطلعت قابضة الثمن واستغلت رغبتي للتوبة وصرت خوش استثمار لهاي الكوادة , وأول شي راح أسويه انه أتفل بوجه هالكلبة بنت الكلب أم كرار اللي دا تستغل أعراض وشرف الناس وتبيع بيهم باسم زواج المتعة !!!
نلتقي واياكم لاحقا بالحلقة الثالثة من "متعة الأيام" .. آني هسة راح أبلع حبايتين اسبرين لأن أم كرار جابتلي دوخة راس .. مع السلامة !!!
0 التعليقات:
إرسال تعليق