متعة الأيام
(الحلقة الثالثة)
يقولون انه العراق بعد الاحتلال انقلب حالة من حال الى حال واللي كان فوق صار تحت واللي كان أسفل سافلين صار فوق السحاب .. اشلون؟ ما أعرف .. بس يمكن لأن الأحداث صار بيها هواية تطورات وبرمجة الأفكار استحدثت آليات جديدة وطرق غريبة عجيبة الهدف منها السيطرة على أفكار الناس سواءا سيطرة تتناسب مع هاي الأفكار لو ما تتناسب .. المهم احداث هذا التغيير مهما كلف الثمن وتصييره على اتجاه واحد حتى لو كان خاطيء !!!
حبيب الشعب أبو كرار واحد من مجموع ملايين من اللي استحدث لنفسه حياة جديدة ضارب بعرض الحائط كل القيم والمباديء اللي كان عايش بأسرها كل السنين اللي فاتت , واجت ساعة الصفر علمود يحدث أبو كرار ثورة جوة نفسه ويزيل كل هموم الماضي وينطلق نحو أهدافه السامية والغير سامية .. المهم انه يحقق كل أمنياته .. تعالوا ويانة نشوف اشلون صار هذا الانقلاب في حياة أبو كرار !!!
مثل ما تعرفون انه أبو كرار كان كناس الحوزة .. مسكين يكنس الحوزة وما يلحق لأن الحوزة كلش وسخة وتحتاج الى تنظيف وتلميع مستمر حتى السادة اللي يشتغلون بيها أحيانا يحتاجون لتنظيف مستمر خاصة تنظيف العقول والسيرة الذاتية .. ومسكين يا حبة عيني أبو كرار من كد ما يكنس يقولون حتى وهو نايم يحلم انه دا يكنس والشي الحلو انه في مرة من المرات حلم انه دا يكنس أم كرار لأنها وسخة بنت وسخة وبيها قذارة تكفي بلد بكامله !!!
الجيش الأمريكي دخل العراق .. والحكومة العراقية سقطت .. الجيش انلغى .. الأمن انفقد .. فوضى في كل مكان .. الأخ ياكل أخوه .. وشعارات اخوان سنة وشيعة وهذا الوطن ما نبيعه طلعت كلها كلاوات وكلام ما يخش العقل .. الخمط زاد بشكل غير طبيعي .. والحرامية والسلابة صار الهم موضع قدم .. وازدياد عدد العصابات بأشكالها وأنواعها حدث ولا حرج !!!
أبو كرار قرر انه يكون رمز للتحديث والتغيير وأول شي سواه أبو كرار انه انضم لجيش المهدي (عجل الله فرجه) وصار ضابط برتبة مقدم .. ترى آني همينة مثلكم محتار .. اشلون ابو كرار بيوم وليلة يصير ضابط برتبة مقدم وهو معروف انه كناس الحوزة انسان أمي لا هو خريج كلية عسكرية ولا ما يحزنون .. الأمر بيه سر بس اللي يعيش بالعراق راح يكتشف انه هذا الشيء طبيعي لأن الحكومة العراقية الجديدة بيوم وليلة صاروا كلهم دكاترة ولو انه ابو كرار قال آني اسمي الدكتور أبو كرار جان هم ما استغربنا لأنه بما انه كناس الحوزة فأكيد ماخذ شهادته من جامعة مكناس اللي عمره ما شافها والله يخلي سوق مريدي اللي دا يوفر شهادات الدكتوراه وينقل الفرد نقلة فريدة من ثور الى دكتور !!!
أبو كرار ما توقف طموحه بأنه يصير ضابط وبس لأنه مخطط انه يكون قيادي في جيش المهدي ورمز من رموز التيار الصدري وعلمود يحصل على هذا الشرف كان لازم يقوم بأمرين كلش مهمين :
الأول انه يظهر بطولاته في الدفاع عن التيار الصدري وطبعا راح يشمل تصفيات كلش كبيرة للنواصب والوهابية اللي يعيشون بالعراق يبدأ من ذبح أئمة المساجد وهدم مساجدهم الى تعذيب شبابهم وقتلهم وشمرهم ورا السدة الى انتهاك أعراضهم وسرقة ممتلكاتهم و تصفية كل شخص اسمه عمر لو عثمان لو أبو بكر أو أي اسم من أسماء الصحابة المحضورة عند جيش المهدي .. لا تسألوني ليش يقتلون بيهم ؟ ترى هم ما أعرف !!!
الأمر الثاني علمود يصير أبو كرار قيادي في جيش المهدي كان لازم يقدم مستند يثبت انه أبو كرار هو سيد ابن سيد ابن 16 سيد من سلالة الحسين عليه السلام .. وفعلا قدم أبو كرار شجرة العائلة مختومة من سوق مريدي تثبت بأنه أبو كرار ينتمي الى أعرق العوائل العربية !!!
فيه رجال كلش شايب عمره فوق الثمانين سنة كان كاعد في القهوة لما سمع بهذا الخبر مات من الضحك وقال : كلب ابن الكلب هذا أبو كرار آني أتذكر أبوه المطيرجي وكان يسولفلي اشلون اجة من ايران قجق للعراق وصار عراقي حتى التبعية مالته فارسية والنظام السابق ما كان حاس بيه جان سفروه من زمان لايران .. وهسة جاي يقول انه سيد من سلالة الحسين عليه السلام .. اشلون فارسي؟ واشلون من سلالة الحسين؟
يقولون انه هذا الرجال الشايب اللي قال هالحجي لكوا الجثة مالته ورا السدة ثاني يوم .. يظهر انه أبو كرار كام باللازم .. عاشت ايدك يا أبو كرار!!!
أبو كرار استوفى الشروط علمود يصير قيادي بجيش المهدي .. على فكرة ترى فيه ناس هواية ما تعرف ليش جيش المهدي سموه بهذا الاسم اللي هو اسمه الحقيقي على ما أعتقد جيش أم مهدي .. أم مهدي هاي هي اللي تزوجت أبو مقتدى زواج متعة وهناك حملت بولد وجابت مقتدى .. والسيد مقتدى تيمنا بالعرفان والاحسان لأمه العلوية أم مهدي سمى الجيش باسمها بس لان ايران عارضت هاي التسمية كان لابد للسيد مقتدى انه ينفذ أوامر ايران بتغيير الاسم فسماه بجيش المهدي(عجل الله فرجه) !!!
يقولون الشايف شايف والمو شايف عمره ما راح يشوف , وخوفك من اللي مو شايف وشاف ولا تخاف من اللي كان شايف .. لا هاي مو حزورة لأن شهر رمضان خلص وماكو فوازير بعد رمضان يمكن لأن الامام السيستاني وسع الله مخرجه حرمها بعد رمضان وأجازها طوال الشهر علمود تنشط ذاكرة المسلمين عند الصيام مثل ما أجاز شرب ثلاث جكارات أثناء الصوم !!!
نرجع لقصتنا وية أبو كرار اللي خشمه صار كلش عالي ومحد يكدر يحجي وياه .. حتى الكلام صار يطلع من أطراف خشمه .. عاد اشلون خشم عليه أبو كرار عبالك معلك طفل على وجهه .. الرجال صار محد يكدر يكلمه لأن اللي يصير قيادي بجيش المهدي هو اللي ينطبق عليه القول " مو شايف وشاف " .. يعني وين كان ووين صار .. من كناس لقيادي .. ترى كلش صعبة وحده اللي يحجي كلمة مو زينة على أبو كرار .. ترى ينشمر ورا السدة !!!
وفيه يوم من الأيام اجت الأوامر من قيادة جيش المهدي لأبو كرار مع قواته بالاتجاه نحو مسجد عمر بن الخطاب لقتل ما فيه وهدم المسجد على راس المصلين .. ما دام دا تلحون علية بسؤالكم انه ليش دا يقتلون بيهم راح أجاوبكم على هذا السؤال .. أنتو تعرفون هذولة السنة سواءا كانو وهابية لو نواصب كلهم يشتركون بعداءهم لآل البيت .. وبما ان السيد أمر بقتلهم فلازم ينقتلون ويتذبحون لأنهم يستاهلون سواءا كانوا شباب لو أطفال لو شيوخ حتى لو حريم لازم يتقتلون ونخلص منهم لأنهم قبل ألف وأربعميت سنة همة اللي قتلوا الحسين عليه السلام وهذولة السنة الموجودين في العراق وفي كل مكان همة بقايا الأمويين فلازم نبيدهم ونخلص من عدهم .. وصدقوني أبو كرار وبقايا جيش المهدي سواءا السرسرية لو العرقجية لو المكبسلين حتى الساقطين كلهم مأجورين وراح يدخلون الجنة لقتلهم السنة حتى لو كانوا أبرياء المهم ما يبقى سني واحد على وجه الأرض .. ومثل ما تعرفون انه المرجعية الرشيدة أمرت بإبادتهم واللي يقتل سني راح يدخل الجنة واللي ما يقتل سني ما راح يشم ريحتها :
توجه أبو كرار وية ربعه من جيش المهدي لمسجد عمر بن الخطاب وعيونهم تجدح جدح وصار شكلهم من بعيد كلش يخوف واللي يشوفهم يقول خلاص فلسطين راح تتحرر بصولات الزلم هاي .. أو أنه الشخص يستغرب اشلون الامريكان كدروا يدخلون العراق وفيه كل هاي القوات ؟
وصلت هاي القوات ووكفت كدام المسجد وهناك صاح ابو كرار باعلى صوته : يا وهابية يا نواصب يا كفرة .. هيجي هيجي منكم .. سلموا نفسكم أحسن الكم .. وعلى غفلة وبدون أي مقدمات اجى الرصاص من كل النواحي على قوات جيش المهدي وصار ينتف بيهم واحد ورا واحد .. يظهر انه كان كمين من المقاومة العراقية وبدل ما جيش المهدي يستعرض عضلاته على الموجودين في المسجد اجاهم الرصاص من حيث لم يحتسبوا .. قتلى جيش المهدي بازدياد وجيش المهدي مو عارفين المن يحاربون لان عدوهم غير مرئي وجرحى جيش المهدي صاروا كلهم يستغيثون بفاطمة الزهراء ويقولون : يا زهراء أغيثينا .. يا زهراء أعينينا !!! وزلم جيش المهدي اللي قبل شوية فارشين صدورهم صاروا يستغيثون بالنسوان .. بس يا هل ترى هل أغاثتهم الزهراء ؟ لو تركتهم يواجهون مصيرهم بنفسهم .. سلام الله عليك يا زهراء !!!
أبو كرار الوحيد اللي نفذ من هاي الورطة ويمكن هو الوحيد اللي أغاثته الزهراء يمكن لأن أبو كرار كان حاسب حسابه وجايب دشداشة وياه ومخليها بعلاكة ولما اشتد الوطيس نزع أبو كرار ملابسه العسكرية ولبس الدشداشة مالته .. وبدل ما تصير صولات الزلم .. صارت نحشات الزلم .. والشي الغريب انه حصل خطأ لما أبو كرار خلى دشداشته بالعلاكة لأنه اكتشف انها دشداشة أم كرار وما كان عنده خيار الا انه يلبس ثوب أم كرار ويهرب عن طريق المجاري مالت المنطقة !!!
خرج ابو كرار من المجاري بعد ما قطع مسافة طويلة سبح بيها بالمجاري المنعشة وهناك لما طلع من الناحية الثانية من المجاري كان جندي أمريكي يباوع أبو كرار وهو بدشداشة حريمي وطالع من المجاري وأبو كرار كان ميت من الخوف ويبجي بحرقة ولما شاف الجندي الأمريكي انرعب أكثر وبدون أي مقدمات جر أبو كرار ايد الجندي الأمريكي وصار يبوس بيها حتى نزل على قندرته وباسها ولحسها
هذا هو حال جيش أم مهدي .. وهيهات منا الذلة !!!
نلتقي وإياكم بالحلقة الرابعة من متعة الأيام ان شاء الله
0 التعليقات:
إرسال تعليق