متعة الأيام (الحلقة السادسة)

متعة الأيام
(الحلقة السادسة)
أم كرار .. عفوا السيدة أم كرار المحترمة .. طبعا سيدة وطبعا محترمة وغصبن ما عليكم خاصة انتو يا وهابية ويا نواصب  هي علوية وزينبية ومن سلالة الحسين عليه السلام .. هذا الكلام مو كلامي .. هذا كلام البرلمان العراقي والحكومة العراقية المتمثلة بالسيد المالكي العفطي .. علمود هيج آني أخلي مسؤوليتي منه وما إلي علاقة بيه لا من بعيد ولا من قريب .. خاف في يوم من الأيام تحاسبوني عليه ؟ ترى ما إلي علاقة لأني مو ناقص أحد منكم يسبني لو يحجي علية كلام مو زين لأنه بيني وبينكم في هواية ناس لما يقرون هاي القصة راح يسبوني ولو أكع بايدينهم راح يقطعوني لميت وصلة .. يمكن آني دا أدوس ببطونهم وما جاي أعرف .. بس أريد أقول لهذا اللي يريد يدوس ببطني بأنه يقرأ المكتوب ويقيسه بالواقع الموجود هسة بالعراق أكيد راح يعذرني ويعتذر مني ويمكن يبوس راسي لأن شكولة بيت أبو كرار دايسة ببطون العالم قبل ما يفكر أحد انه يدوس ببطني .. وللأسف هالأيام صايرة مسألة دوس البطن هواية وجاي تتكرر بالعراق وتزيد يوم بعد يوم .. الحكومة العراقية جاية تدوس ببطون العراقيين والأمريكان همينة جاي يدوسون ببطون العراقيين وفوكيهم ايران وجماعة بدر والمجلس الأدنى وجماعة جيش أم مهدي وفرق الموت وعصابات الخطف والسلب والنهب والبرلمان العراقي وكل حرامي شريف يدعي بحب الوطن .. كلهم جاي يدوسون وبشكل يومي ببطون العراقيين المساكين .. وما أعرف اشلون هالمساكين العراقيين جاي يتحملون كل هالدوس ؟؟؟!!!
هسة عوفونا من مسألة الدوس وخلونا بحبيبة الشعب أم كرار .. أم كرار مثل ما تعرفون قبل احتلال العراق كانت حافية وما عدها حتى نعال تلبسه وحالتها مسكينة تقطع القلب وتصعب على الكافر .. بس بعد الاحتلال ما شاء الله اللهم لاحسد صارت الدولارات تلعب بيها لعب .. آني ما قلت هي حرامية لا سمح الله لأني مثلكم محتار اشلون بيوم وليلة بيت أبو كرار يصير عدهم فلوس ومو أي فلوس لأن العائلة الكريمة بعد الفقر اللي كان ذابحهم صاروا يتكلمون بالملايين .. احتمال مصباح علاء الدين لكوه مع الأغراض اللي باكوها من المتحف العراقي ؟ أو يمكن انه اللي تزوج بنت أم كرار الصغيرة زواج متعة أهداها هالمصباح مكافأة نهاية الخدمة ؟ لو انه  السيد السيستاني (وسع الله مخرجه)  بال في المصباح فحلت البركة بيه وصار ساري المفعول .. حتى انه الجني اللي بالمصباح طلع لبرة من ريحة بولة السيد !!!
كل شي ممكن ومعقول في العراق الجديد فليش تستغربون انه أم كرار يصير عدها شوية ملايين من الدولارات ؟؟؟!!!
يقولون انه أم كرار حبت في يوم من الأيام انها تشتري سيارة لكرار آخر موديل  ولما سألت صاحب المعرض عن سعر السيارة قال : ثلاثين !!!
صاحب المعرض كانت يقصد ثلاثين ألف دولار بس أم كرار حسبت انها ثلاثين دفتر يعني ثلاثميت ألف دولار لأنه الدفتر في المصطلح العراقي يساوي عشرتالاف دولار .. أم كرار ما قصرت جابت جنطة الفلوس وطلعت منها ثلاثين دفتر اللي همة ثلاثميت ألف دولار وانطتها لصاحب المعرض .. وطبعا صاحب المعرض غلس على الفلوس وسكت وخلى البيعة تمشي بما يرضي الله على ثلاثميت ألف دولار .. وبالأخير قال البايع لأم كرار : ها ؟ باريتلي الذمة ؟ وأم كرار ردت عليه : مبري الذمة  !!! .. وعلى فكرة ترى حراميين العراق الجديد يبوكك وبالأخير يسألك عن براءة الذمة علمود تصير بوكته حلال لو ينطي خمس للسيد ويحللها إله بفتوة شرعية !!!
شغلة السيارة تعكس هواية أمور منها :
انه أم كرار "حمارة" وما تفهم في الأسعار وما تفهم بقيمة الأشياء الحقيقية !!!
أم كرار تملك من الفلوس في الفترة الحالية اللي يخليها تستهين بثلاثميت ألف دولار وهذا يدل على انها ما تعبت بيها وانه فلوسها جاية من مصادر غير مشروعة !!!    
بما انها أظهرت الفلوس بشكل علني وكأنها مو خايفة من أي شيء هذا يعني انها مسنودة بظهر كلش قوي وبما انها من زباين الحسينيات والعصابات فمن الممكن انه يكون واحد من السادة المعممين اللي ايدهم طايلة في الحكومة العراقية ساندها وجاي يستفيد منها .. يعني مصالح مشتركة !!!
أم كرار عجبتها شغلة الانتقال من حال إلى حال وبما انها تحكم وعدها نفوذ من قبل السيد مقتدى الصدر ولأنه السيد مقتدى الله يطول عمره يحب النسوان فمن الطبيعي انه أم كرار الها منزلة كبيرة عند السيد وخاصة انه السيد مقتدى الله يطول عمره تزوج أم كرار في يوم من الأيام زواج متعة لمدة يومين .. وعلى فكرة ترى أم كرار ما تزوجت السيد مقتدى الا بعد موافقة زوجها أبو كرار .. والله والنعم منك يا أم كرار ونعم الزوجة اللي ما تسوي شي الا بموافقة زوجها .. يعني امرأة مطيعة ومحافظة على شرف زوجها .. هي هاي الحريم والا بلاش !!!
أم كرار ما كفاها انها تزوجت السيد مقتدى زواج متعة لمدة يومين ونذرت نذر انها تزوج السيد مقتدى بنتها الصغيرة للسيد علمود تحل البركة على العائلة كلها ولو بايدها جان همينة زوجت أبو كرار للسيد !!!
أم كرار مثل ما قلت انها صارت صاحبة مال وجاه ونفوذ وأكبر مطي في الحكومة العراقية ما يكدر يقوللها ثلث الثلاثة اشكد , بس يظل ابن الفقر يحس دائما انه ناقصه فد شي علمود هيج قررت أم كرار انها تدخل البرلمان العراقي من أوسع أبوابه كممثلة للتيار الصدري .. صحيح البرلمان العراقي فيه من الزينبيات اللي يمثلون التيار الصدري مثل الست غفران الساعدي وغيرها من الزينبيات المرتميات باحضان رئيس البرلمان بس هذا ما يمنع انه يزيد عددهم لأن السيد مقتدى الله يطول عمره يريد انه يسيطر على العراق كله من خلال الزينبيات اللي دا يشتغلون خوش شغل .. بس لا يروح بالكم بعيد أني أقصد الشغل وهو العمل بالمجال السياسي ومو الكوادة !!!
هسة أم كرار دا تستعد للانتخابات وكالعادة السيد السيستاني "وسع الله مخرجه" أصدر فسوة عفوا فتوة بأن اللي ما ينتخب أعضاء البرلمان هاي المرة راح كبل يدخل جهنم بدون حساب ولا عقاب وان المرجعية راح تصادر بيته وتحوله لمكان لضيافة زوار المراقد خاصة اللي جايين من ايران  , واحنا بصفتنا كعراقيين نشكر السيد السيستاني على هاي المبادرة الطيبة " صحيح هو ماطلع عالتلفزيون وقالها ولا أحد سمع صوته وما نعرف انه السيد أخرس لو مختل عقليا وجايبينه ديكور بس يكفي انه بصمته الشريفة وقعت على القرار الجاي من ايران " !!!
المهم انه أم كرار بعد الصراع المرير في الانتخابات فازت بنسبة 99,99999999999 % عفوا هذا ترى مو رقم تلفون هاذي نسبة فوز أم كرار في الانتخابات لأن الكل رشح أم كرارعدا  نفر واحد كان عنده بواسير وراح يتعالج بسوريا .. أما باقي الدكاترة والمهندسين وأصحاب الشهادات العليا محد رشحهم لأنهم راح يجيبون للعراق دوخة الراس .. علمود هيج كانت قسمة حق والا أم كرار المفروض تفوز 200% لأن فيه حبايب هواية لأم كرار يريدون ينتخبوها من خارج منطقتها خاصة اللي كانوا متزوجينها متعة .. وبيني وبينكم ترى الحرمة تستاهل لأنها ما باعت نفسها بالحرام .. عدا هالكم ألف غلطة اللي غلطتها بحياتها وغفرلها السيد بمسحة من إيده الكريمة !!!
هسة أم كرار منو كدها سيارة توديها للبرلمان وسيارة لخة تجيبها من البرلمان .. والشي الحلو انه أم كرار رغم انها عضوة في البرلمان الا انها ما تكدر تنسى شغلتها القديمة وهي .. الكوادة .. فكانت تجيب صور بنات وياها ومن ضمنهم صور بناتها وحاطتهم بجنطتها .. وعلى فكرة ترى جنطة أم كرار مو أي جنطة تراها من أشهر الماركات اشترتها من عبد العظيم في الماركناد (البسطيات) لما زارت السويد بوفد رياضي .. واللوتي عبد العظيم مخلي صورته على كل الجنط كماركة عالمية مسجلة ومعتمدة من الصين .. ماركة عبد العظيم ..أما  رئيس البرلمان محمود المشهداني كان يتلوك لأم كرار علمود تختارله أحلى بنت .. والسيد بهاء الأعرجي ممثل التيار الصدري دايما يشترط على أم كرار انه تجيب له بنت بنوت لأن السيد يستحرم ينام وية ... استغفر الله ما أكدر أقولها .. خاف السيد يشور بية !!!
وفي يوم من الأيام انعقدت  جلسة من جلسات البرلمان العراقي وقبل الجلسة كان لازم للأعضاء انهم يحضرون نفسهم لجلسة البرلمان فكانت العلوية الزينبية الشريفة العفيفة غفران الساعدي فاتحة جمبر لبيع " جكاير .. حب .. علك " وكانت قبل ما تنعقد الجلسة تلف على أعضاء البرلمان نفر نفر وتقول بأعلى صوتها " جكاير .. حب .. علك .. جكاير .. حب .. علك "
محمود المشهداني : رحمة لوالديج ست غفران .. فد باكيت كريفن !!!
ست غفران : آني ما أبيع خضرة .. هذا اختصاص عضوة البرلمان العلوية أم عقيل !!!
محمود المشهداني : يا معودة .. بطلوا تخلف .. كريفن هذا باكيت جكاير اللي عليه بزونة سودة !!!
ست غفران : آآآآه عرفته هذا نفس الجكاير اللي يشربه السيد الشهرستاني!!!
محمود المشهداني : ملعونة ولج منين تعرفين انه السيد الشهرستاني يشرب كريفن ؟ أكيد فاحصته للسيد هع هع هع هع !!!
ست غفران : الله وكيلك وأعرف شنو ياكل ويشرب بعد !!!
محمود المشهداني : آآآآآآآ هاااااااا  ما دام هيج لعد عشاي اليوم عدكم !!!
ست غفران : بس لا تنسى تجيب فلوس وياك !!!
محمود المشهداني : ملعونة مو احنا زملاء هنا بالبرلمان ..
ست غفران : وشنو يعني أنت زميلي بالبرلمان ؟ هذا يعني أنك تاكل حقي؟؟؟
محمود المشهداني : ألا يا عربنجية .. محد يكدر عليجن !!!
اما السيد بهاء الأعرجي فكان يرد على المكالمات وكان محتار انه على أي موبايل يرد لأن السيد عنده أربع موبايلات بجيبه وكل موبايل اله مهمة شكل :
الموبايل الأول : خط مباشر مع السيد مقتدى الصدر ..
الموبايل الثاني : خط مباشر من عمامه بايران ..
الموبايل الثالث : خط مباشر من الأمريكان ..
أما الموبايل الرابع : فكان بخط مباشر من زوجته العلوية .. والمشكلة انه اذا دكوا الأربعة بنفس الوقت على  منو راح يرد الأول .. سؤال ما يحتاج لإجابة شافية .. أكيد راح يرد على زوجته العلوية علمود ما ياكل نعل على راسه بالبيت !!!
أما أم كرار فكانت تجهز بصور البنات وترتبهم علمود تعرضهم بعد الجلسة على اعضاء البرلمان !!!
طبعا استثني فد واحد من أعضاء البرلمان لأنه بعيد عن هاي الشغلات .. هذا الشخص هو واحد من شيوخ الصحوة وعلى ما أعتقد هو شيخ عشيرة آل بو جريدي .. المسكين كان نايم طول الوقت ولما يصير تصويت على قرار يصحى على غفلة ويقول موافق وبعدها يرجع للنوم !!! 
 وطبعا بهذاك اليوم كان جلسة مهمة للبرلمان العراقي لمناقشة أهم المشاكل اللي يواجهها الشعب ومحاولة لتوفير كل ما يحتاجه هالشعب المسكين !!!
محمود المشهداني : الله يخليكم .. كل واحد مكانه .. ولك أنت أبو بلوزة حمرة اكعد مكانك .. وأنت أبو عمامة خايسة اكعد مكانك .. ولج أنت علوية أم الباجيلا .. كعدي مكانك .. ولج دي كعدي مكانك.. أنت اللخة دي عوفي الرجال وكعدي مكانك.. لعن تالله عليجن !!! 
بعد ما هدأ الوضع
محمود المشهداني : بما أنه احنا اليوم مجتمعين والحمدلله اليوم هدوء وماكو سيارات مفخخة ..
( على غفلة سمعوا صوت انفجار سيارة مفخخة )
محمود المشهداني : هدوء يا جماعة .. ترى هذا انفجار كلش بسيط يعني مال 200 لو 300 قتيل وجريح .. ولا تخافون ترى بعيد عنا  هع هع هع هع !!!
نائب رئيس البرلمان : طبعا نظرا للمصلحة العامة وخدمة للشعب العراقي نريد اليوم نصوت على قرار ..
شيخ الصحوة صحا من نومه ورفع إيده وقال : أنا موافق !!!
محمود المشهداني : ولك ابن النعال .. أبو الهلس .. هسة أنت عرفت على شنو راح نصوت ؟؟؟
نائب الرئيس : اليوم راح نصوت على قرار انه هل يستحق أعضاء البرلمان جوازات سفر دوبلماسية ؟؟؟
أم كرار تقول لغفران الساعدي : علوية؟ يعني شنو دوبلماسية ؟؟؟
غفران الساعدي : على ما أعتقد انها أكلة جديدة من مطبخ العراق الجديد .. افتهمتي يا متخلفة !!!
محمود المشهداني : ها ؟ موافقين على القرار ؟؟؟
(على غفلة دك موبايل السيد بهاء الأعرجي وكانت لطمية البرتقالة )
صوت الموبايل بصوت عالي : البرتقالة .. عذبتي حاله ..
أعضاء البرلمان بصوت واحد : البرتقالة .. عذبتي حاله ..
وهناك بدا الرقص والردح في صالة البرلمان العراقي .. وشيخ الصحوة صار يرقص جوبي .. وزلم البرلمان طلعوا بطالة العرق وصاروا يشربون نخب الموافقة على منح أعضاء البرلمان العراقي جوازات سفر دوبلماسية .. أما العلويات الزينبيات صاروا محتارات شنو يسوون .. هل يرقصون رقصة الهجع لو يرقصون رقصة السكاكين لو يكتفون بدك الاصبع مع هز الرقبة كونهن محتشمات !!!
والحمدلله انه عدنا في العراق الجديد أعضاء برلمان يخافون على مصلحة العراق وهمة موجودين أساسا لخدمة المواطن العراقي تحت شعار.. اضحك اضحك يا عراق .. الدنيا تحبك يا عراق !!!
نشمي