كفكف دموعك

كفكف دموعك .. ( أبيات شعر رائعة تصف الواقع العراقي)

كَفْكِف دموعَكَ وانسحِبْ يا عنترة

فعيونُ عبلةَ أصبحَتْ مُستعمَرَه

لا ترجُ بسمةَ ثغرِها يوماً،

فقدْ سقطَت من العِقدِ الثمينِ الجوهرة

قبِّلْ سيوفَ الغاصبينَ.. ليصفَحوا

واخفِضْ جَنَاحَ الخِزْيِ.. وارجُ المعذرة

ولْتبتلع أبياتَ فخرِكَ صامتا

ًفالشعرُ في عصرِ القنابلِ.. ثرثرة

والسيفُ في وجهِ البنادقِ عاجزٌ

فقدَ الهُويّةَ والقُوى والسيطرة

فاجمعْ مَفاخِرَكَ القديمةَ كلَّها

واجعلْ لها مِن قاعِ صدرِكَ مقبرة

وابعثْ لعبلةَ في العراقِ تأسُّفا

ًوابعثْ لها في القدسِ قبلَ الغرغرة

اكتبْ لها ما كنتَ تكتبُه لها تحتَ الظلالِ،

وفي الليالي المقمرة:

يا دارَ عبلةَ بالعراقِ تكلّمي

هل أصبحَتْ جنّاتُ بابلَ مقفرة؟

هل نَهْرُ عبلةَ تُستباحُ مِياهُهُ

وكلابُ أمريكا تُدنِّس كوثرَه؟

يا فارسَ البيداءِ.. صِرتَ فريسةً

عبداً ذليلاً أسوداً ما أحقرَه

متطرِّفاً .. متخلِّفاً.. ومخالِفاً

نَسَبوا لكَ الإرهابَ.. صِرتَ مُعسكَرَه

عَبْسٌ تخلّت عنكَ.. هذا دأبُهم

حُمُرٌ -لَعمرُكَ- كلُّها مستنفِرَه

في الجاهليةِ.. كنتَ وحدكَ قادرا

أن تهزِمَ الجيشَ العظيمَ وتأسِرَه

لن تستطيعَ الآنَ وحدكَ قهرَهُ

فالزحفُ موجٌ.. والقنابلُ ممطرة

وحصانُكَ العَرَبيُّ ضاعَ صهيلُهُ

بينَ الدويِّ.. وبينَ صرخةِ مُجبَرَه

هلاّ سألتِ الخيلَ يا ابنةَ مالِكٍ

كيفَ الصمودُ؟ وأينَ أينَ المقدرة!

هذا الحصانُ يرى المَدافعَ حولَهُ

متأهِّباتٍ.. والقذائفَ مُشهَرَه

لو كانَ يدري ما المحاورةُ اشتكى

ولَصاحَ في وجهِ القطيعِ وحذَّرَه

يا ويحَ عبسٍ.. أسلَمُوا أعداءَهم

مفتاحَ خيمتِهم، ومَدُّوا القنطرة

فأتى العدوُّ مُسلَّحاً، بشقاقِهم

ونفاقِهم، وأقام فيهم منبرَه

ذاقوا وَبَالَ ركوعِهم وخُنوعِهم

فالعيشُ مُرٌّ .. والهزائمُ مُنكَرَه

هذِي يدُ الأوطانِ تجزي أهلَها

مَن يقترفْ في حقّها شرّاً.. يَرَه

ضاعت عُبَيلةُ.. والنياقُ.. ودارُها

لم يبقَ شيءٌ بَعدَها كي نخسرَه

فدَعوا ضميرَ العُربِ يرقدُ ساكناً

في قبرِهِ.. وادْعوا لهُ.. بالمغفرة

عَجَزَ الكلامُ عن الكلامِ .. وريشتي

لم تُبقِ دمعاً أو دماً في المحبرة

وعيونُ عبلةَ لا تزالُ دموعُها

تترقَّبُ الجِسْرَ البعيدَ.. لِتَعبُرَه

الشاعر مصطفى الجزار

تعليق الرابطة العراقية: الأبيات المنشورة الهدف منها كشف المؤامرة التي شرعت خيمة العراق للاحتلال وبتعاون عروش الذل والعار ( المستعربة ) ومن معهم من مرتدي عبارات الدين والعروبة, من جعلت من أراضيها قواعد لذبحنا..إنها أبيات لفضح قوى الاجرام التي مارستها جارات السوء والحقد وبمقدمتها الكويت وايران من أجل تدمير الانسان العراقي وتحطيم وطنه, لنبلغهم إنه العار المجلل الذي سيلتحفهم أبد الآبدين..فعبلة الحرّة لم تخلق إلا أبية شامخة وعنترة العراق مارد ما أن ينحني حتى ينهض مشمراً عن سيفه ليقود صولات جزّ رقاب الطامعين والخونة واعادة الحق لأهله والشرف لحرائر عشيرته.. فالمقاومة العراقية الباسلة مارد لا يهاب والذي مرغ أنف القوة العظمى التي لا تقهر والتي تتأهب للهروب عن قريب عن شاء الله...

حديث عبير الجنابي

حديث عبير الجنابي


عبير أسم من الطيب ومن كانت عبيرآ فهي تعطر الأجواء ما بين الأرض والسماء .. لا تنظر عزيزي القارئ الكريم إلى الطفلة الشهيدة " عبير الجنابي " ذات الأربعة عشر ربيعآ بأنها تنتمي للمذهب السني بل أنظر إليها إلى أنها عراقية فقط , ومحتمل جدآ قد تكون هذه العبير أختك أو أبنتك ؟؟؟ وهذا المحتمل وراد جدآ وخصوصآ أن العراق وشعبه يرزح تحت الإحتلال البغيض منذ خمس سنوات ويزيد ...

لا تكن عزيزي القارئ الكريم مثل ( بعض ) مثقفي الإحتلال ومرتزقة ما يسمى برئيس الوزراء نوري ( المالكي ) في جريدة ( الصباح ) أو ما تسمى جزافآ بشبكة الإعلام ( العراقي ) لصاحبها السابق تاجر الإطارات والخردة الذي كان برتبة رائد وبمنصب مهم في دائرة التوجيه السياسي لوزارة الدفاع الوطنية السابقة , والتي تحولت هذه الشبكة الإعلامية ( المستقلة ) جدآ إلى مجرد بوق إعلامي لترويج أبشع صور الطائفية والمذهبية والتفرقة بين أبناء الشعب العراقي بصورة بغيضة والذي يترأسها حاليآ النائب الضابط حسن الموسوي , ولا تكن مثل ذلك ( المثقف ) الذي سرق أمام مرأى ومسمع الجميع بيت الحكمة البغدادي الذي كان يعمل به قبل إحتلال العراق ..

والآن هرب لغرض إدارة مكتب إعلامي في طهران عاصمة الشر الأزلية , وهؤلاء ( المثقفين ) جلهم أو بعضهم كتبوا منشورات رخيصة ومبتذلة في صحفهم سابقآ تفيد بأن منزل " عبير الجنابي " كان يستخدم من قبل ( الإرهابيين ) لتصنيع العبوات الناسفة التي تقتل ( العراقيين ) وهي نفس الحجة التي ساقها الإحتلال في حينها وقد شاركتهم في هذه الفعلة الدنيئة ما تسمى بالفضائية ( العراقية ) في نشراتها الإخبارية الموجهة المسمومة .

وفي الخبر الذي تناقلته وسائل الإعلام بأن ما تسمى ( بمحكمة الجنايات المركزية في بغداد ) قد أصدرت يوم الثلاثاء 28 ت1 2008 حكمآ بالأعدام على المواطن العراقي المقاوم " كريم إبراهيم صالح القرغولي ـ 29 عامآ " بسبب قتله ثلاث جنود محتلين في 14 حزيران 2006 ومن نفس الوحدة التابعة للفرقة القذرة 101 المنقولة جوآ التي اغتصبت الطفلة ذات الأربع عشر ربيعآ عبير العراق وقد كان " كريم القرغولي " سائق أحدى السيارات التي استخدمت لخطف وقتل جنود الإحتلال .

وقصة استشهاد الطفلة " عبير قاسم حمزة رشيد الجنابي " كما تنقلاتها الصحف ووسائل الإعلام العراقية والعربية و الأجنبية تفيد " بأن الجنود الأمريكيين المحتلين الأعداء وهم من المارينز التابعين للفرقة 101 المنقولة جوآ قتلوا فتاة تدعى عبير بدم بارد بعد محاصرتها في أحدى زوايا المنازل بقضاء المحمودية حيث نزعوا ثيابها وتناوب 10 جنود محتلين قذرين على اغتصابها قبل أن يضربوها بآلة حادّة على رأسها " وذكرت التقارير أن الجريمة التي ارتكبها جنود الاحتلال الأمريكي في المحمودية في آذار 2006 كانت بشعة للغاية بكل المقاييس وفاقت وحشيتها كل الحدود الأخلاقية .

هذه الحادثة وقعت إثر عملية اقتحام نفذتها قوات الاحتلال الأمريكي التي كانت مؤلّفة من نحو 15 جنديا ضد منزل الموطن العراقي " قاسم حمزة رشيد الجنابي " الذي يعمل حارسا في مخازن البطاطا الحكومية والذي يسكن مع زوجته وأربعة من أطفاله وهم كل من عبير (15 عاما) وهديل (9 أعوام) ومحمد (6 أعوام) وأحمد (10 أعوام)

الجنود الأمريكيين قاموا باعتقال قاسم وزوجته فخرية طه محسن وابنتهما هديل فيما كان أحمد ومحمد في المدرسة حيث كانت الساعة في حينها الثانية بعد ظهرا . جنود الاحتلال احتجزوا قاسم وزوجته وابنته هديل في غرفة واحدة وأعدموهم رميا بالرصاص حيث أصيب قاسم بأربع رصاصات في الرأس وفخرية بخمس رصاصات في البطن وأسفل البطن وهديل أصيبت في الرأس والكتف الجنود الأمريكيين السفلة قاموا بعد ذلك باقتياد عبير إلى الغرفة المجاورة وحاصروها في أحدى زوايا المنزل ونزعوا ثيابها وتناوب 10 جنود على اغتصابها ثم ضربوا رأسها بآلة حادة ، بحسب ما ذكرته التقارير ووسائل الإعلام الأجنبية حتى أغمي عليها ثم وضعوا وسادة على فمها وأنفها وخنقوها ثم أحرقوا جثتها بالنار .

أحد شهود العيان الذي أدلى بشهادته أمام وسائل الإعلام والصحفيين بعد خروج الجنود المحتلين السفلة وفور وصوله لمكان الحادث " لما دخلت إلى المنزل وجدت في الغرفة الأولى قاسم وزوجته وهديل وقد سبحت جثتهم في الدماء ... حتى أن الدم خرج من باب الغرفة من شدة تدفقه " ويضيف الشاهد وهو جارآ للمنزل " أما عبير فقد كانت جثتها تشتعل وقد وضعت بطريقة محزنة إذ رفعوا ثوبها الأبيض إلى رقبتها ومزّقوا حمالة صدرها وكان الدم يسيل من كامل أنحاء جسدها " و يتابع " لقد عرفت أنها اغتصبت حيث كانت ملقاة على وجهها وجزء جسمها الأسفل مرفوع وموثقة الأيدي والأرجل "

وحادثة الاغتصاب هذه على بشاعتها وهمجية المحتل البربري الأمريكي الجديد قد حركت حادثة الإغتصاب هذه الضمائر الشريفة الحية , وتم تخليدها في فلم عرض في مهرجان البندقية , وأحدث عند عرض الفيلم دويآ إعلاميآ من قبل جميع الحاضرين في مهرجان البندقية بمشاهده المروعة التي جعلت بعض المشاهدين يبكون عند عرضه. والفيلم الذي حمل عنوان " منقح " والذي أخرجه الأمريكي برايان دي بالما هو واحد من ثمانية أفلام أمريكية كانت مشاركة سابقآ بالمهرجان تتعلق كلها بالحرب على العراق , وفي المسابقة الرسمية بمهرجان البندقية.

وتتناول قصة الفيلم واحدة من أكثر الجرائم المروعة التي ارتكبها جنود أمريكيون في العراق منذ الغزو في عام 2003 وهو يدين بشدة الحرب على العراق ولا يجنب المشاهدين مشاهد العنف لكي يوصل رسالته لهم . وقال المخرج دي بالما للصحافيين بعد عرض الفيلم عليهم " أن الفيلم هو محاولة لنقل حقيقة ما يحدث في العراق إلى الشعب الأمريكي المخدوع بقيادته السياسية . وأضاف أن هذه الصور الحقيقية هي التي ستوقف الحرب في العراق . لا يأمل المرء سوي في أن تحفز هذه الصور الرأي العام بما يكفي كي يضغط علي أعضاء الكونغرس ليصوتوا ضد الحرب .

ويستخدم المخرج في أنتاج هذه الفيلم الذي يمزج بين الخيال والتصوير الوثائقي شرائط الفيديو التي صورها جنود عن الحرب والمدونات والمذكرات ولقطات بثت علي موقع يوتيوب الشهير ليبرز التغيرات في الأسلوب الذي تغطي به وسائل الإعلام الحرب على العراق . وقال دي بالما في فيتنام عندما شاهدنا الصور وأوجاع الناس المدنيين الذين كنا نؤذيهم ونقتلهم كنا نري الجنود وهم يصابون ويعادون إلى الوطن في أكياس بلاستيكية و لا نرى اليوم مثل هذه الصور في الحرب على العراق .

وأضاف هذا كله موجود على الانترنت يمكنك أن تجده إذا بحثت عنه لكن ليس في وسائل الإعلام الأمريكية الكبرى ووسائل الإعلام الأمريكية باتت الآن فعليا جزءا من قطاع الشركات الكبرى والتي يرتبط أغلبها بصناع القرار الأمريكي في البيت الأبيض .

ويشير عنوان الفيلم إلى حقيقة فشل الصحف في أمريكا والقنوات التلفزيونية الأمريكية الكبرى من وجهة نظر المخرج دي بالما في رواية القصة الحقيقية للحرب بعدم عرضها معظم الصور العنيفة في الحرب التي تجري في العراق على الرأي العام .

أي قضاء ( عادل ) ( ونزيه ) هذا الذي يتحدثون عنه في العراق المحتل اليوم , لو كانت هذه أبنتك أيها القاضي الذي أصدرت مثل هذا القرار العار بالإعدام ماذا سوف تكون ردت فعلك ؟؟؟
وهذا السؤال موجه كذلك إلى كتاب ومثقفي الإحتلال وأبواق ومرتزقة شبكة إعلام رئيس حكومتكم نوري ( المالكي ) لو كانت هذه أختك أو أبنتك التي تم أغتصابها من قبل قوات الإحتلال ماذا سوف يكون ردت فعلك , وهو أمر وارد دون شك ولا جدال فيه فجنود الإحتلال القذرين يسرحون ويمرحون في شوارع بغداد ولا أحد يستطيع أن يقول لهم ثلث الثلاثة كم ... نعم ... نعم .... ماذا ... ماذا ... ماذا قلت ... هل تعلم لماذا عزيزي القارئ الكريم لأنه ليس لديهم الشجاعة الأخلاقية ولا الشجاعة الأدبية لغرض أجابتهم على هذا السؤال .

القضاة جميعهم في ما تسمى (( بمحكمة الجنايات المركزية )) في بغداد تسارع في إعدام مواطن عراقي دافع عن شرفه وعرضه , وتحكم عليه بالإعدام وتترك الإرهابيين والقتلة واللصوص والمرتشين في مجلس ما يسمى بالنواب ( العراقي ) وتترك جميع فرق الموت التي تسرح وتمرح في الشوارع دون حسيب ولا رقيب ولا أمن , بل على العكس يسارع بعض القضاة في المحكمة إلى عدم الذهاب إلى هذه المحكمة العار لعدم النظر بقضايا تخص الإرهاب والقتل الطائفي لأن المتهم محمي من قبل الميليشيات الإرهابية , كما حدث مع وكيل وزارة الصحة الذي تم إطلاق سراحه وهو المشهور عنه باستخدام سيارات الإسعاف لغرض استخدامها باختطاف المواطنين العراقيين من الشوارع وقتلهم بدم براد ورميهم في المزابل والأنهر .

ألم يسمع هذا القاضي النزيه جدآ بأن مختلف المحاكم الأمريكية قد أصدرت قبل اشهر قليلة حكمآ لمدة أربع اشهر فقط بحق احد الجنود الأمريكان الذي اعترف بقتل مدنيين عراقيين ... ألم يسمع هذا القاضي النزيه جدآ بأن تم إسقاط جميع التهم عن الجنود المحتلين الذين نفذا مجزرة حديثة وغيرها من الجرائم .

جريمة اغتصاب الطفلة " عبير الجنابي " قد ظهرت حقيقتها لوسائل الإعلام ولكن هناك عشرات من جرائم الاغتصاب وخطف الأطفال من الطرقات واغتصابهم من قبل جنود الاحتلال , ولكن لم يأتي وقتها لغرض نشرها وكشفها من قبل وسائل الإعلام لأنها ببساطة حدثت بعيدآ عن أعين شهود العيان وأعين كاميرات التلفزة , حتى أن بعض الأطفال العراقيين المختطفين والذين تم اغتصابهم بتناوب من قبل الجنود الأمريكان في فترات سابقة وما زالوا يمارسون مهنتهم خصوصآ منهم الشواذ جنسيآ قد توفوا الأطفال المغتصبين في حينها وتم رمي جثثهم في الأنهر وبعضهم تم دفنه وبعضهم رمي من العربات العسكرية أثناء سيرها بسرعة فائقة على الطرق الخارجية وهذه الإحداث المروعة سوف نأتي على ذكر بعض من تفاصيلها في الوقت المناسب ...

في وقت سابق نقل لي أن احد مثقفي الإحتلال والمروج لمشروعهم الإستعماري الجديد وهو نفسه الصديق / الصديقة / الشخصي للرئيس العراقي الراحل صدام حسين والتي أحاط عائلتهم بكل الرعاية والدعم المادي كتب ما معناه (( لنعترف أن الجنود الأمريكان أتو إلى العراق لغرض الستر على أعرضنا ))؟؟ والصور الشخصية العديدة التي تجمعها مع الرئيس الراحل والتي أرسلت لي عبر الأيميل هي خير شاهد وخير دليل .
هذا هو عاركم البنفسجي الذي لا يمحى وهذا هو قضائكم النزيه اليوم وهذه هي حقيقة عار قضائكم و حكومتكم المنتخبة
(عن الرابطة العراقية)

لويس أخو لويسا (الحلقة الثامنة والأخيرة)

لويس أخو لويسا
(الحلقة الثامنة والأخيرة )



اتفق خليف مع لويس انه يكوم بارشاده للجماعات المسلحة بقصد القيام لويس بعمل لقاء صحفي مع هاي الجماعات بس حقيقة الأمر تقول شي لاخ بأن لويس يريد ان يندل مواقع المقاومة العراقية علمود يرشد القوات الأمريكية عليهم ويتم القضاء على المقاومة العراقية بشكل جذري .
الموعد كان باجر الصبح ولويس بدوره كام واتصل بأخته لويسا المسؤولة عن هاي المهمة وطبعا لويسا بدورها بلغت القيادة الأمريكية بأن الأمور على ما يرام وان الهدف تحت العناية المركزة !!!
القيادة الأمريكية بدورها بلغت السي آي ايه الأمريكي بأن الفأر دخل المصيدة وانه الغد ستبدأ ساعة الصفر لعملية ( بوز الثعلب ) ... والسي آي ايه الأمريكي أرسل لمركز الأقمار الصناعية بضرورة مراقبة الهدف خليف وتتبع خطواته .. وشي طبيعي انه تكوم الأقمار الصناعية الأمريكية بمراقبة خليف وين ما يروح وهو راكب المطي حتى يقولون ان خليف لما اجة يصلي العشا كانت الأقمار الصناعية تراقب حركاته أثناء الصلاة فكان التقرير الأمريكي على حركات خليف اللي ما عرفوا الأمريكان شدا يسوي خليف وشنو هاي الحركات الغريبة اللي دا يكوم بيها فمثلا لما استعد خليف للصلاة وكبر قال التقرير ان الهدف خليف رفع ايدينه لفوق ربما كان يريد اعطاء اشارة للارهابيين !!!
ولما ركع خليف ذكر التقرير ان الهدف خليف يستعد للهجوم على هدف مجهول .. ولما كام خليف من الركوع ذكر التقرير ان الهدف خليف تراجع عن الهجوم في آخر لحظة .. ولما سجد خليف ذكر التقرير ان الهدف خليف يريد التخفي من شيء ما .. ولما خلص خليف من الصلاة وركب المطي مالته مرة اللخ ذكر التقرير ان الهدف خليف انتهى من المهمة .. والشيء الغريب ان التقرير ما ذكر نوع المهمة اللي كان يكوم بيها خليف وان المهمة "مجهولة الهوية" !!!
عملية (بوز الثعلب) كان يتابعها الرئيس الأمريكي جورج بوش شخصيا مع كونداليزا رايس ..
بوش : كونداليزا .. أريد منك الاشراف شخصيا على هاي المهمة لأنها راح ترشدنا على الارهابيين اللي دوخونا سنين ومو عارفين نوصل لخيط واحد يدلينا عليهم ..
كونداليزا : سيدي الرئيس .. احنا دا نراقب الهدف (خليف) من فترة وآني متأكدة انه هاي المرة راح نقضي على الارهابيين وراح نمحيهم من الوجود بـ(بوز الثعلب) ..
بوش : هل تعتقدين يا كونداليزا انه هالمرة صدك راح نقضي عليهم وراح نرتاح من دوختهم ؟ ترى آني ضجت من هالوضعية الكسيفة وآني بس أريد أخرج من هذا المستنقع .. رحمة لأبوج رايس القمرجي خلصيني من هالورطة .. أريدها من هالشارب !!!
كونداليزا : شارب شنو ؟ مو شايف ملكة جمال كدامك ؟
بوش : أوه .. آسف كوندا .. تذكرت أبوج القمرجي السكير اللي جان يدور الأكل من الزبل وينافس البزازين على عظام السمك ها ها ها ها
كونداليزا تحجي وية نفسها : آني ما أعرف هذا اشلون صار رئيس الولايات المتحدة .. هم غبي وهم سخيف .. طيح الله حظك !!!
في اليوم الثاني .. استعد لويس لمقابلة خليف وقبل ما يطلع من مكان اقامته اتصل لويس بلويسا واتفقوا على الخطة اللي راح تمكنهم من القبض على عناصر المقاومة العراقية .. في البداية يطلع لويس مع خليف وبعدين تكوم لويسا مع عدد ضخم من القوات الأمريكية بمراقبتهم ثم الهجوم على وكر المسلحين ، مشى لويس مسافة طويلة مع خليف الى أن تعب لويس ..
لويس : الله يخليك خليف ما تكوللي وين رايحين هاي احنا لو رايحين للقمر جان هسة وصلنا ، جمالة أرضكم كلش حارة ومو مال واحد يمشي بيها .
خليف : انت مو تريد أدليك على المقاومة العراقية ؟ لعد تحسب ان المقاومة العراقية راح تقابلها بالكهوة مثلا لو بالسوق مو لازم يكونون بمكان بعيد عن الأنظار ؟
لويس : ايه بس آني ظنيت انهم قريبين من هنا .. لعد همة اشلون يمشون كل هاي المسافات ويضربون القوات الأمريكية ويرجعون مرة اللخ لمكانهم من غير ما حتى يتعبون ؟ مو غريبة ؟
خليف : يا معود احنا زلمنا خشنة مو مثل زملكم اللي عبالك زلم هراط .
لويس : شنو يعني هراط ؟
خليف : هراط هذا واحد من شيوخنا مشغل عنده وين ماكو واحد معاق لو سكط ويخليهم يسووله الكهوة لو الجاي والأشياء البسيطة علمود هيج يقولون زلم هراط كلهم ما بيهم خير !!!
لويس : هيج احنا الأمريكان بنظركم ؟ مثل زلم هراط ؟
خليف : وأكثر لأن زلم هراط على الأقل الله خالقهم هيج بس انتو هيجي انتو مسوين بنفسكم لا خلقة ولا أخلاق !!!
لويس : الله يخليك خليف امشي شوية شوية تراني تعبت من المشي .
خليف خلاص احنا قربنا نوصل .. شوف آني راح أمشي كدامك بمسافة خاف يشوفوك وياية وبعدين يحسبوك خاطفني وتنلاص عليك خليني أستأذنهم وبعدين أنطيك اشارة .
لويس : أوكي خليف !
مشى لويس ورا خليف بمسافة وفجأة خليف انطى للويس اشارة بأنه يتقدم ولويس مثل ما هو متفق مع القوات الأمريكية اللي بقيادة أخته لويسا بأن الأمور كلها .. أوكي!!!
لويس بدأ يستعد للانضمام لصفوف القوات الأمريكية علمود يهجمون على أوكار المقاومة العراقية بس فجأة وبدون أي مقدمات اشتغلت النار على القوات الأمريكية وقذائف مدافع الهاون دا تقصف القوات الأمريكية من غير ما يعرف الأمريكان من وين دا يجي هذا القصف العنيف عليهم والأمريكان بدل ما يكونون في موضع هجوم صاروا حتى ما يعرفون اشلون يدافعون عن نفسهم وطشار الأمريكان صار ماله والي وجثث الجنود الأمريكان القتلى كل ما لها تزيد ومشكلة القوات الأمريكية انها دا تواجه عدو مجهول غير مرئي لدرجة ان البعض ظن ان هذا هجوم من القوات (الجنية) مو البشرية وان المقاومة العراقية متحالفة وية الجن والعفاريت والأشباح .. وآخر لحظة من هاي المعركة كانت سقوط قذيفة بالقرب من لويس وبعدها ما عرف لويس شنو صار !!!
بعد شهر كامل .. صحا لويس من غيبوبته وياريته ما صحا لان لويس اكتشف انه بدون ايدين ولا رجلين وانه غير قادر على الكلام .. لويس تم اعادته للولايات المتحدة وخبر مقتل أخته لويسا استقبله لويس بصيحة قوية كان بوده يلطم بس للأسف لويس ما عنده لا ايدين ولا رجلين علمود يلطم بيهن .. وانبهر لويس أكثر لما عرف ان خليف كان أحد أفراد المقاومة العراقية وبدل ما لويس يخدع خليف كان خليف هو اللي ناصب كمين للويس وللقوات الأمريكية طبعا مع الاتفاق مع أبطال المقاومة العراقية ساعتها عرف لويس ان هذولة العراقيين لا يمكن خداعهم بالأكاذيب الأمريكية وأفلام الهليوود !!!
الرئيس الأمريكي بوش مع جميلة الجميلات كونداليزا رايس كانوا في حفلة لتكريم الجنود الأمريكان المعاقين وطبعا لويس كان من ضمن المعاقين اللي لما اجة دوره بتقليده نوط الشجاعة قال الرئيس الأمريكي بوش : ان من دواعي سروري بأن أكرم الجنود الأمريكان الأبطال اللي شاركوا في عملية ( بوز الثعلب ) واللي باسمي أنا شخصيا أعرب عن سعادتي بنجاح هذه العملية والقضاء على الارهابيين اللي حاولوا المساس بسيادة واستقلال الولايات المتحدة !!!
لويس حاول انه يقول ان هذا الشخص كذاب ودجال ومنافق بس للأسف لويس فاقد حاسة النطق فكانت كلماته تطلع عبارة عن صرخات غير مفهومة .. الرئيس الامريكي هو الوحيد مع كونداليزا رايس كانوا يفهمون شنو يقصد لويس بهاي الصرخات فبادرت كونداليزا رايس وقالت : آني أعرف مدى سعادة لويس .. أعرف انه يريد يهلهل أو يقول اهزوجة أمريكية تعلمها في العراق ها ها ها ها !!!
بوش قرب راسه من لويس وقال : ترى خلينا بحسابك في البنك دولارات ما تحلم بيها و بعرس أمك ما تشوف مثلها .. عاد هسة لازم تنجب وتاكل هوا .. افتهمت !!!
لويس كانت دموعه تنزل من عيونه حزن و ندم .. وبوش أعرب للصحافيين ان دموع لويس هي دموع فرحة النصر !!!
الحكومة الأمريكية خصصت بيت كامل للويس ورصيد في البنك يكفيه طول العمر .. والحقيقة ان الحكومة الأمريكية في غاية الكرم وية جنودها لأن هذا الكرم مصدره اما من سرقة بترول العراق او من دعم دول الخليج للقوات الأمريكية .. يعني مو من جيب الحكومة الأمريكية !!!
وبما ان لويس معاق بدون رجلين وايدين وما عنده قدرة على الكلام كان لازم تخصص الحكومة الأمريكية شخص ممكن انه يكون الوصي على لويس ويساعده ويرعاه فكانت صديقته المخلصة مارغريتا ترعاه وتتصرف بكل فلوس لويس وتلعب بيها لعب طبعا بعدما خصصت للويس غرفة جوة الدرج وخصصت لنفسها غرفة فوق وعلمود تغيظ لويس صارت كل يوم تجيب صاحبها للبيت كدام لويس وعيني عينك .. ولويس يا حبة عيني ما يكدر لا يتكلم ولا يكدر يسوي شي وما عنده سلاح غير دموعه والشي اللي يغيظ لويس أكثر ان مارغريتا بروزت صورة خليف وية لويس اللي أخذوها بالعراق وهو يلوح بأصابعه من ورا راس لويس مثل أذان المطي ولويس من القهر صار يردد وية نفسه قصيدة تعلمها من ديوانية شعراء النبط من حبايبه الكويتيين :
يالله يا خالق الانساني
ياللي كرمت بني آدم بالعقل واللساني
وخليت الطمع يلعب بنفس البشر طول الزماني
وخليتني بالحسرة أتمنى الموت ندماني
أقول بحروف من ذهب للجنود الأمريكاني
لا تركض ورا سراب وتظل طول عمرك عطشاني
تراك تهرول عبث مثل الذيب و الكلب الجرباني
ولا تمشي ورا كذبة دفعوا فيها أغلى الأثماني
وتعيش طول عمرك مخدوع مذموم وجعاني
أدعي على اللي باعونا بأرخص الأثماني
وأخص بالذكر بوش النذل الخسيس الجباني
وكل من والاه بكل زمان و مكاني
وسلامتكم
(تمت السالفة)

نشمي

لويس أخو لويسا (الحلقة السابعة)

لويس أخو لويسا
(الحلقة السابعة)


قرار نقل لويس للفلوجة اجة مفاجيء وبدون أي مقدمات ، ولويس حاول انه يعترض على القرار بس القيادة كان قرارها صارم ومحد من الجنود الأمريكان يسترجي انه يعترض على أي قرار كان .
لويس انرعب من قرار النقل لأن الفلوجة بالنسبة للجنود الأمريكان مقبرة الأحياء والأموات سوية والشغلة مو شقا .. يعني موت بأي لحظة ونوعية الناس هناك تختلف تماما عن أي مكان آخر !!!
لويس ما نام الليل وصار يفكر ويفكر وكل شوية يتخيل انه فد واحد مثلم جاي يجر السكينة من جوة ملابسه ويريد ينحر بيها لويس حتى انه بالمنام حلم انه بالفلوجة وبالليل وفد واحد ملثم جاي يطارده وين ما يروح وجاي يطلعله من كل مكان حتى تمكن منه وبلحظة جر السكينة على رقبة لويس صحا من النوم وايد أخته لويسا كانت على رقبته محاولة منها انها تصحيه من النوم ، هناك انفزع لويس وصاح بأعلى صوته : لا .. لا .. أنا أريد أعيش ما أريد أموت !!!
لويسا : شنو ؟ حلمان ؟
لويس بعد ما اطمئن انها أخته : والله يا لويسا كان كابوس صارلي هاي ثالث مرة أحلم بيه ومو جاي يخليني أنام مثل الناس .
لويسا : على هالحال راح تحتاج حفاظات لأن مبين فراشك مبلل !!!
لويس : الله وكيلج هذا ثالث بنطلون تبلل اليوم واذا استمرت هالحالة راح تتبلل كل ملابسي وراح أخزيكم !!!
لويسا : أكيد هاي الكوابيس من أثر قرار نقلك للفلوجة .
لويس : لعد هو في شي زاعجني غير هذا القرار اللي طلعلي صفح ؟
لويسا : على فكرة أحب أخبرك ان هذا القرار كان قراري وانه أنا اللي رشحتك لهاي المهمة .. مفاجأة مو ؟
لويس : ألا يا ظالمة النفس .. ليش هيج ؟
لويسا : لو تعرف شنو الفائدة اللي راح تجنيها من هاي المهمة جان شكرتني عليها ، ولو تعرف اشلون راح تخدم أمريكا بهاي المهمة جان بست القندرة اللي أمشي عليها .
لويس بصوت واطي : ألا يا بت القندرة !!!
لويسا : انت راح تروح الفلوجة بصفتك صحفي أمريكي مناهض للحرب وتحاول انك تتداخل بين الأهالي وتحرض الناس على القوات الأمريكية وعلى الحكومة الامريكية ..
لويس : أحرض الناس على الحكومة الامريكية ؟
لويسا : وتلعن أبو أسلافها .. هاي كمرحلة أولى علمود تكسب شعبية الناس وتحاول أنك تقترب من الفصائل العراقية المسلحة وتساعدهم بالمال والسلاح اذا لزم الأمر !!!
لويس : والمرحلة الثانية ؟
لويسا : انك ومن خلال تعاملك وياهم تحاول انك تقترب منهم أكثر خاصة بنظراتك الحنونة لما يكومون للصلاة وتحاول انك تسألهم عن دينهم وانك معجب بتعاليمه ..
لويس : معقولة ؟ أصير مسلم ؟ هذا مستحيل .. وعلمود شنو كل هذا ؟
لويسا : افهم يا غبي .. هذولة العرب عاطفيين واحيانا يصيرون سجذ خاصة لما واحد أمريكي يصير مسلم يسووه مثل الإله وراح يثقون بيه ثقة عمياء .
لويس : هسة افتهمت .. آخ منك يا لئيمة طلعتي ذيبة وخنزيرة في نفس الوقت .
لويسا : مو مهم شنو أكون .. المهم اني أحقق اللي أريده .. ولا تخاف ترى راح أكون وياك في الفلوجة وقرار نقلي اجة وية قرار نقلك وراح أكون المشرفة على كل الخطوات اللي تكوم بيها ، وعلى فكرة ترى الشغلة فيها خوش مكافئة من السي آي ايه تغنيك طول العمر .
لويس : أنا في خدمة أختي لويسا وفي خدمة السي آي ايه الأمريكي .. ها ها ها ها !!!
انتقل لويس للفلوجة ودخلها على أساس انه صحفي وصار يتجول فيها ويصور كل اللقطات المؤلمة اللي يخلفها الجيش الأمريكي وراه خاصة القتلى العراقيين ضحايا القوات الأمريكية .. لويس بعد التصوير يحاول انه يتظاهر بالغضب وانه مو راضي على تصرفات الأمريكان وصار يسب ويلعن بيهم كدام العراقيين علمود يكسب تعاطفهم .. وصار لويس يبجي على حال العراقيين لدرجة انه يسويها أحيانا "لطمية " .. بس على ما اعتقد انه لويس ارتكب خطأ كبير لما صار "يلطم" بالفلوجة لأن أهل الفلوجة ما يصرفلهم "لطم" وبجي على الهريسة !!!
وبفد يوم من الأيام وبين ما لويس كان يتمشى بشوارع الفلوجة طبعا على أساس انه صحفي ودا يتفقد الناس وكالعادة يصور كل شي يصادفه كدامه إلى أن صادف شاب صغيرون في بداية العشرينات من عمره راكب مطي وجاي يغني أغنية "عالميجنة" .. لويس انعجب بهذا المنظر لأنه بأمريكا ماكو هيجي مناظر فصار لويس يصور هالشاب الراكب مطي من كل الزوايا فاستغرب الشاب من لويس وقال : ولك شجاي تسوي ؟ شنو عاجبك شكل المطي لو شكلي وآني راكب المطي ؟
لويس : الاثنين انت والمطي .. أنا اسمي لويس انت شنو اسمك ؟
الشاب : اسمي خليف .. تحب تركب عالمطي وأطك لك صورة ؟
لويس : بكل سرور .. انت ما عليك الا انك تضغط على هذا الزر وتطلع الصورة بالشاشة .
خليف : لعد اصعد عالمطي .. وها أهه وهاي صورتك .
لويس : أشوف .. ولك شنو هاي انت مصور بس المطي !!!
خليف : أشوف .. ايه والله هذا وجه المطي .. عبالي انت .. بس تعرف والله أكو شبه كلش كبير بينك وبين المطي .. خاف انتو اخوان ؟
لويس بابتسامة خفيفة : اشلون يصير المطي أخوية وأنا مولود بأمريكا وهذا المطي مولود هنا بالعراق ؟ هذا إذا افترضنا انه أخوية !!!
خليف : مو مشكلة شوف يا أبو هذا المطي زايركم بأمريكا قبل عشرين سنة لو أمك جاية للعراق قبل عشرين سنة ومتعرفة على أبو هذا المطي !!!
لويس فرط من الضحك على خفة دم خليف وقرر انه يطك صورة وياه ، طبعا لويس خلى فد واحد من الشارع يطك صورة تجمع ما بين لويس وخليف .. والمطي .. طبعا خليف صعد على ظهر المطي وخلى لويس واكف وبحركة سريعة خلى خليف ايده ورا راس لويس ورفع أصابعه الثنتين على أساس انه لويس مطي .. لويس شاف الصورة ومات من الضحك على حركات خليف لأنه صادرة من انسان في قمة البساطة وراودت لويس فكرة شيطانية باستغلال صداقة خليف علمود يكون مرشد اله بطريقة غير مباشرة ويدليه على الجماعات المسلحة .
لويس : اسمع يا خليف آني كلش فرحان وسعيد بصداقتك وراح أعزمك على أكلة على حسابي ..
خليف : تخسى والله .. آني العازمك انت ضيف علينا ومن حقك علينا ضيافتك .
لويس يقول لنفسه : يالا غدانا اليوم طلع مجاني .. مغفلين هذولة العرب هههههههه
خليف : راح أعزمك على "دليمية" !!!
لويس : منو هاي الدليمية ؟ وشنو اسمها ؟
خليف : تخسى يا ول .. الدليمية هاي أكلة مو وحدة بنت ولا يروح بالك بعيد ترى الشغلة يصير بيها بعدين الدم للركب ولا راح ينفعك لا أصلك الأمريكي ولا راح ينفعك رئيسك بوش .. افتهمت ؟؟؟!!!
لويس بخوف : افتهمت !!!
مر اسبوع على صداقة لويس لخليف وحاول لويس انه يفاتح خليف بموضوع الجماعات المسلحة .
لويس : تعرف يا صديقي خليف انه آني صحفي أبحث دائما عن الحقيقة والجماعات المسلحة اللي تدافع عن العراق مفروض انا نقابلهم ونساعدهم وننشر وجهة نظرهم للعالم فالمطلوب منك انك تساعدني علمود نوصل لهاي الجماعات المسلحة .. ممكن تساعدني بهالموضوع ؟
خليف : ممكن ليش مو ممكن .. متى تريد تروحلهم ؟
لويس : يعني انت تدل مكانهم ؟
خليف : اشلون ما أدل مكانهم ؟ هذولة ربعي وناسي .
لويس : أشكرك جدا عزيزي خليف وعهد مني انه أحققلك كل اللي تريده .
خليف : خلاص لعد باجر نروحلهم .
لويس : اذن اليوم آني عازمك على "أمريكية" .. عفوا على أكلة أمريكية ولا يروح بالك لبعيد !!!

نشمي

لويس أخو لويسا (الحلقة السادسة)

لويس أخو لويسا
(الحلقة السادسة)

بعد ما استمع لويس لنصايح أخته لويسا المهمة اللي من خلالها ممكن انه لويس يحقق طموحاته وأحلامه بجمع أكبر قدر ممكن من الثروة .. طبعا النصايح هاي كانت عبارة عن ارشادات وتعليمات ممكن من خلالها يتم التوافق ما بين العمل العسكري المطلوب من جندي أمريكي وما بين اشباع الرغبات الشخصية للجندي وأهمها جمع المال من خلال سرقة الأهالي أثناء المداهمات والاشتراك بمؤامرات خسيسة حتى لو كلف الامر للقتل والسلب والنهب لأنه في العراق كل شي مسموح للجندي الأمريكي وكل شي ممنوع على المواطن العراقي !!!
لويس بعد ما طبق هاي التعليمات صار انسان متوحش والقتل عنده فد شي كلش طبيعي والسلب والنهب صار عنده مثل شرب الماي واموال العراقيين هي غنيمة للويس وأخته لويسا لأنها مدعومة من البابا بوش والقديسة كونداليزا رايس مع صك غفران من المرجعية الأمريكية !!!
لويس سطع نجمه في الجيش الأمريكي كمقاتل شجاع لأنه دا يستكوي على الضعفاء من العراقيين ويقتلهم بدماء باردة وبعد عملية القتل يستعرض لويس مع أخته لويسا الضحايا وطبعا يكومون يطكون صور تذكارية مع جثث العراقيين بكل فخر بأنهم همة اللي قتلوا هذولة الناس وانهم همة أصحاب الطلقات اللي استقرت بجثث الضحايا وطبعا الفارس المقدام لويس دائما يفتخر بالطلقات اللي تستقر بالرأس وانه صوبها من على بعد مسافة كلش بعيدة حتى لو كان القتيل طفل لو شيخ كبير !!!
عمليات السلب والنهب دائما تكون من خلال مداهمات ولويس صارت له خبرة بوين يحتفظ العراقيين بفلوسهم ومجوهراتهم ومدخراتهم وصار يشم ريحتها من على بعد أحسن من أي كلب بوليسي وطبعا لويس صارت هوايته المفضلة هي (المداهمة) وجمع التذكارات من بيوت العراقيين.
أمور لويس صارت كلش تمام ورصيده في البنوك الأمريكية بتحسن مستمر ويوم بعد يوم الحساب يزيد والفائدة دا تشتغل والبنك دا يستفاد من تحويلات لويس ، ويوم بعد يوم لويسا تجيب لأخوها البطل المشاريع الطيبة ، مو مهم نوعيتها المهم انها تجيب فلوس وتربح حتى لو كانت مو مشروعة وآخر مشروع كان تسهيل لعملية تهريب مخدرات لأحد قادة جيش المهدي ومهمة لويس انه يمهد الطريق ويخلي المخدرات الجاية من ايران تدخل للعراق بدون أن تصادرها القوات الأمريكية .. أيباه هو هذا الشغل والا بلاش تعاون مشترك ما بين الجيش الأمريكي والحكومة الايرانية وجيش المهدي يصب في مصلحة المواطن العراقي لأن الجماعة دا يوفروله أجود أنواع المخدرات وبأسعار رخيصة ومغرية .. لعد ليش يقولون ان الأمريكان والايرانيين وجيش المهدي دا يعادون المواطن العراقي؟ مو هذولة همة اللي يخلون الشباب العراقي ينشنش ويطير ، هو هذا جزاء المعروف ؟؟؟ لعد صدك العراقيين ما يعرفون صديقهم من عدوهم ودا يجحدون على النعمة اللي همة بيها !!!
لويس علمود يكدر يجاري زباينه ويكسبهم صار لازم يطبق التعليمات بحذافيرها من أخته لويسا يعني مع كل ناس يتعامل وياهم لازم يتطبع بطبايعهم وياكل أكلهم ويرقص على نفس النغمة اللي يرقصون عليها والحبايب بجيش المهدي بما انهم عرقجية وحشاشة ومجرمين لازم لويس همينة يظهرلهم نفس الصفات علمود يربي زبون ، طبعا هذا بقانون التجارة يسموه (كسب العملاء) السبب اللي خلى لويس يكتب على المدرعة مالته عبارة ( يا همر بني هاشم ) الأمر اللي يخلي قادة جيش المهدي يحترمون لويس احترام خاص لأنه صار منهم وبيهم !!!
لويسا أخت لويس من الخبث اللي بيها صار الشيطان يغار منها لان الأفكار الجهنمية اللي تمليها على لويس يمكن ابليس ما يعرف يبدع بنفس ابداعها وفكرة عمل حفلة لقادة جيش المهدي ما سبقها بيها أحد من الأمريكان حتى الرئيس الأمريكي ما طرت على باله هيجي فكرة والشغلة ما تكلف راس مالها كم بطل ويسكي أمريكي ورقصة ستربتيز من لويسا وهذاك أبوك الله يرحمه ، صحيح لويس كان في البداية معارض فكرة عمل الحفلة على شرف جيش المهدي لأنه ممكن هذا يتعارض مع المسرحية اللي دا تمثلها الحكومة الأمريكية مع جيش المهدي بس لويسا طمنت لويس بأن هاي الحفلة راح تصير على علم من القيادة الأمريكية المركزية والشغلة راح تكون بالليل ومحد راح يدري بيها لأن العراقيين نايمين في بيوتهم ومحد يسترجي يطلع بالليل من بيته !!!
الحفلة بدت الساعة 12 بالليل ولويس يباشر ضيوفه من قادة جيش المهدي ، ولحم الخنازير شيشوه بسياخ وسووه كباب وتكة وقادة جيش المهدي اشترطوا انه اللحم لازم يكون ذبح اسلامي علمود يكدرون يسووه مزة للويسكي الأمريكي .
واحد من قادة جيش المهدي اسمه أبو درع كان مخلي صورة الامام الخميني على باج ومعلقه على صدره علمود يقولون ان الصدريين خلوا الامام الخميني على صدورهم ولويس من كد ما شرب بهذيج الليلة كان يتخيل ان الامام الخميني هو اللي دا يرقص ستربتيز .. يعني تخيلوا ان الامام الخميني دا يرقص هاي الرقصة ويبدأ ينزع ملابسه شوية شوية ابتداءا من عمامته وجبته وباقي ملابسه بس على ما أظن ان النهاية راح تكون كلش بشعة لما يوصل لآخر قطعة من ملابسه !!!
لويس وحسب تعليمات لويسا قال لأبو درع : ممكن أسألك سؤال لو سمحت ؟
أبو درع : تفضل آغاتي احنا الليلة هاي لازم نتصف بالشفافية وننسى خلافاتنا ونكون صريحين وية بعض لأبعد الحدود .
لويس : منو هذا اللي صورته على الباج ؟
أبو درع : معقولة ما تعرف منو هذا ؟ هذا الامام الخميني قدس الله سره صاحب الزمان وكاشف الغطاء ودايس النعال وفاتح العلب والأسرار ؟
لويس : شنو ساحر هذا ؟
أبو درع : لا ولك هذا امامنا وقائد ثورتنا .
لويس (بخبث) : بس أنا شايفه ومتكلم وياه بس ما اعرف وين !
أبو درع بكل اهتمام : وين شفته ؟ واشلون ؟
لويس : ايه هسة اتذكرت .. أنا شفته بالمنام اجاني بالمنام وسلم علي وقال : السلام على اتبع الهدى .. وانطاني مفتاح الجنة وقال : انت تدخل الجنة كبل بس حافظ على هذا المفتاح ولا يضيع منك .. بعدين انطاني حباية وقال : خلي جماعة جيش المهدي ينطوك كل الحشيشة الايرانية بالسعر اللي انت تريده !!!
جماعة جيش المهدي بلسان واحد : اللهم صلي على محمد وعلى آآآآآآل محمد !!!
أبو درع يقول لجماعته : يا جماعة ترى هذا لويس صار منا وبينا لأن طيف الامام الخميني اجاه بالمنام ، اشكد روحك يا لويس طاهرة وعفيفة وعلمود هيج تستاهل انك انت تشتري من عدنا الحشيشة كلها بالسعر اللي انت تريده واعتبر شغلنا من هنا ورايح ما يكون الا عن طريقك يا سليل الشرفاء والأتقياء !!!
لويس : وعلمود تعرفون اشكد أنا أحبكم وأحترمكم راح أهديكم شوية زناجيل صناعة أمريكية علمود تلطمون بيها وعدد لا بأس بيه من الحربات الأمريكية علمود تصير قامات تشك روسكم بعاشوراء وتنزل أكبر كمية دم من عدكم !!!
جيش المهدي : اللهم صلي على محمد وعلى آآآآآآآل محمد .. مقتدى .. مقتدى .. مقتدى !!!
انتهت الحفلة وفي اليوم الثاني أصدر جيش المهدي بيان بأنه فجر مدرعة أمريكية وأسقط طيارة وأسر قائدها .. وهيهات منا الذلة !!!
نشمي

لويس أخو لويسا (الحلقة الخامسة)

لويس أخو لويسا
(الحلقة الخامسة)

اشتدت أعصاب لويس خاصة بعد ما انقطعت المخدرات عنه وصار ينتظر الضابط المسؤول يمتى يرجع من اجازته علمود يزوده بالكبسولات .
اليوم هو السبت موعد الحفلة والكل دا يهيأ نفسه للحفلة بس لويس الوحيد اللي مزاجه متعكر لأن الكيف مو متوفر ومحد ينطي سلف كبسولات لأنها نادرة ومرغوبة بشدة عند الجنود الأمريكان بس فد واحد من الجنود بشر لويس ان الضابط المسؤول راح يرجع اليوم من اجازته بموعد الحفلة وراح ينطي للويس اللي يريده وراح ينعدل مزاجه وية الحفلة لأن مو بس لويس اللي دا ينتظر الضابط المسؤول على المخدرات .. هذولة كل الجنود الأساوش منتظرين الضابط والكل يريد يعدل مزاجه وية الحفلة .
احنا هسة ببداية الحفلة والجيش الأمريكي دا يستلم حصته التموينية من المشروبات الكحولية ومكرمة من الرئيس الأمريكي بوش فيه توزيع بيرة نسبة الكحول بيها كلش عالية علمود الجيش الأمريكي ينسى انه في العراق ، وموزع البيرة يملي كلاصات البيرة للجنود ويقول : اشرب وزيد والعن فريد !!!
وطبعا خاف تسألون منو هذا فريد ؟ نقوللكم انه فريد هذا أخو فريدة ماركة البيرة العراقية والأمريكان دا يلعنوه لأن البيرة العراقية فريدة دا تنافس البيرة الأمريكية الأمر اللي يخلي الأمريكان يعتبرون انه فريد انضم لقائمة الارهابيين !!!
بدت الحفلة والمذيع يعلن عن المفاجأة اللي دا ينتظرها الجمهور من ضباط ومجندين وهي رقصة ستربتيز للمجندة اللي حازت على وسام الولايات المتحدة للشرف الأمريكي .. وهناك فجأة انطفت الأنوار وتوجه ضوة مركز على هاي المجندة وهي تبدأ بنزع ملابسها اللي كانت ساترة عليها ، طبعا لويس كان يكرع بالبيرة ويباوع الرقصة حاله حال كل الجنود اللي دا يشجعون الرقاصة على رقصتها المحترمة وفجأة لاحت الأضوية وجه المجندة وهناك انبهر لويس لما شاف المجندة وهي من غير ملابس ، وهناك صاح لويس بأعلى صوته : أختي الحبيبة .. لويسا !!!
صدك والله الدنيا صغيرة لويس قابل أخته لويسا في آخر الدنيا ، والجنود الأمريكان صاروا يباركون للويس لما عرفوا انها أخته .. صحيح هي مصلخة بس هاي الشغلة عند الأمريكان هي غاية الشرف لأن لويسا دا تعبر عن اللي جواها ودا تناضل علمود ترفع معنوايات الجنود الأمريكان الهابطة في العراق ، صحيح هي رقصة ستربتيز بس ما دامها تصب في مصلحة الجيش الأمريكي فهي تستحق عليها وسام شرف من الرئيس الأمريكي نفسه اللي هو والحكومة الأمريكية دا يرقصون ستربتيز كدام العالم كله وما دا يخجلون !!!
التقى لويس بأخته لويسا بعد الحفلة ولويسا من كد ما جمعت دولارات من الحفلة مو عارفة وين توديها وشنو تسوي بيها ، ولويس لما شاف الدولارات عند أخته لويسا صار سكران من غير مشروب وبدأ لويس يؤمن بالمثل اللي يقول : الفلوس تغير النفوس وتجيب أكبر عروس !!!
لويس : صدقيني يا أختي العزيزة لويسا اني مشتاقلج ومفتقدج لدرجة اني حاس اني ضايع بدونج .
(لويس كان يكلم أخته لويسا وعينه على فلوسها)
لويسا بعد ما لاحظت اهتمام لويس بالدولارات : مفهوم .. مفهوم .. آني أقدر اشتياقك الي يا عزيزي لويس .. وأقدر أيضا اهتمامك بالدولارات !!!
لويس : ما أخفي عليج يا لويسا انه آني حاس انه احنا انضربنا بوري بجيتنا للعراق وانه العراقيين راح يستقبلونا بالورود طلع كلام فاضي وما اله معنى وانه العراق هو مغارة علي بابا اللي بيها الكنوز طلع سراب بسراب ، آني مو شايف كدامي غير ناس حاقدين علينا وصحراء فاضية ما بيها شي يستحق التضحية علموده !!!
لويسا أخذت شفطة من المشروب : انت غلطان يا لويس لأن في العراق مثل ما فيه ناس حاقدة علينا وتريد قتلنا همينة فيه ناس مستعدين انهم يتعاونون ويانا ويكافحون علمود يحصلون على رضانا ومستعدين انهم يقدمولنا كل التسهيلات علمود همة همينة يحققون طموحاتهم وأحلامهم ويرعون مصالحهم ، ومن خلال هذولة الناس ممكن انا نحصل على الورود اللي نريدها منهم وببلاش ، أما من ناحية الكنوز يا عزيزي لويس فالعراق كله كنوز بس انت لازم تكون مفتح وتعرف اشلون تحصل على مفتاح الكنز مال علي بابا .
لويس : واشلون أحصل على مفتاح الكنز ؟
لويسا : مثل ما آني حاصلة عليه هسة !
لويس : يعني أرقص ستربتيز مثلك ؟
لويسا : لا تعتقد ان رقص الستربتيز مقتصر على النساء فقط ، تكون غلطان باعتقادك هذا .. شايف هذا الجيش الأمريكي الكبير الضخم ؟ ترى كل منتسبيه يرقصون ستربتيز بس كل واحد يرقص على اللحن الخاص بيه !
لويس: ممكن تفهميني أكثر ؟
لويسا : الأمر كلش بسيط بس يحتاج انك تدرس هذولة الناس وتعرف اشلون همة يفكرون علمود تكدر تقتحم نقاط ضعفهم ، الناس هنا ينقسمون لنصين .. النص الأول نفسه ضعيفة دنية ما يستعصي عليك وهذا يصير مثل الريموت كنترول تكدر توجهه مثل ما تريد خاصة اذا أغريته بالفلوس وتقنعه انك جاي علمود تحققله طموحاته .
لويس : والقسم اللاخ ؟
لويسا : القسم الثاني متمسك بمبادئه صلب من الداخل والخارج وعملية اقتحامه لازم تكون بشكل مدروس أعطيك مثال الناس اللي دا يقاوموننا ويقتلوننا بحجة انهم دا يقاومون احتلال من وجهة نظرهم ، هذولة لازم تعرف الشي اللي يركعه ويخليه يرضخ لكل مطالبك !!!
لويس : واشلون ممكن أخلي انسان صلب وقوي وعنيد انه يتحول الى شخص وديع ممكن التفاهم وياه وممكن انه ينفذ كل طلباتي ؟
لويسا جرت نفس قوي من الجكارة ونفخت بوجه لويس : هدده بشرفه وانك ممكن تقتل أو تغتصب شرفه شوف اشلون راح يتحول لانسان وديع ولطيف .
لويس : أخاف أهدده بشرفه يكوم يصير أعند وأشرس لأن مسألة الشرف حساسة عند هذولة الناس .
لويسا : علمود هيج لازم تدرسه دراسة وافية وتعرف الصغيرة والجبيرة وتكدر تسوي عملية التفاف عليه وهذا يتطلب منك مجهود استخباراتي وشغلك لازم يكون بقمة القذارة مثل السي آي ايه الأمريكي !!!
لويس : زين شنو دخل اللي دا تحجين عنه هسة بشغل الفلوس والكنوز ؟
لويسا : ألا يا مطي .. كل هذا وما افتهمت ؟ انك ذابحتك المخدرات ومو مخليتك تفكر مثل الناس .
لويس : هو اللي يكون بجيش كله يتعاطى مخدرات يكدر يفكر مثل الناس ؟ انت بس دليني على المسؤول عن المخدرات بهالجيش والباقي خليه علي .
لويسا : زين يا عزيزي لويس انت مصر تعرف منو الضابط المسؤول عن توزيع المخدرات ؟
لويس : طبعا مصر على معرفته .
لويسا : آني هو الضابط المسؤول على أمن القاعدة وآني المسؤولة على توزيع المخدرات .. مفاجأة مو ؟
لويس : أختي العزيزة لويسا .. انت صاحبة مواهب متعددة الأمر اللي يخليني أرفع لك القبعة احتراما واجلالا لدورك البطولي .. ضابطة أمن وموزعة مخدرات وراقصة ستربتيز .. شنو هالشرف الرفيع اللي تحظين بيه يا أختي العزيزة ؟ حماك الرب من القتلة والارهابيين والحاقدين ونصرك على العراقيين الأشرار !!!
نشمي

لويس أخو لويسا (الحلقة الرابعة)

لويس أخو لويسا
(الحلقة الرابعة)



موعد رحيل لويس من الكويت حان ، ولويس جاي يودع حبايبه الكويتيين خاصة العميد فوفو اللي انطى للويس صورته وهو في الزي العسكري ، طبعا العميد فوفو كان بارم شواربه في الصورة ومعبس ومنطي جنب كتفه للصورة علمود تظهر الرتبة العسكرية ، واللي يشوف العميد فوفو في الصورة ما يقول انه هو اللي كان يرقص بزخ في الحفلة وما راح يعرف انه هو نفس الشخص لأنه في الصورة طالع هيبة وخارج الصورة طالع مهزلة ويستاهل عفطة من واحد عفطي حاله حال أي عسكري كويتي ولاءه للدولار الأمريكي

العميد فوفو انطى الصورة للويس ودموع الفراق صارت مثل النهر تنزل من عيونه الجقلة وهناك ما اتحمل العميد فوفو وحضن لويس وصار يبجي بحرقة على فراق حبيبه لويس ، ولويس خلى ايده على خشمه من ريحة العميد فوفو ، على ما أعتقد انه العميد فوفو كان ماخذ وية الأكل راس بصل كمقوي جنسي لأن اليوم خميس والسهرة صباحي بس على ما أعتقد انه يوم الخميس هو يوم نحس على الكويتيين لأن ولاد الملحة دخلوللهم بيوم 2 آب 1990 وكان يوم خميس اللي كل المقويات الجنسية مافادت الشيخ جابر بهذيج الليلة علمود هيج الكويتتين رجعوا لأصلهم وصارت الحفلات مالتهم يوم السبت مثل ما كانت أيام جدهم صباح الأول اليهودي الأصل وتيمنا بحبايهم الأمريكان مثل ما تيمنوا بتغيير اسم شارع بغداد اللي كان في الكويت الى شارع الرئيس الأمريكي بوش !!!
لويس أخذ الصورة من العميد فوفو وخلاها بجيبه وصار لويس كل ما يخلي ايده بجيبه تطلع له صورة العميد فوفو بشواربه اللي يوكف عليها الوطواط وطبعا لويس من كثر ما ضاج من الصورة صار كل ما يطلعها من جيبه يتفل عليها بحجة انه دا يلمعها وعلمود يضحك أصحابه الأمريكان على طيحان حظ الكويتيين
وصل لويس للحدود الكويتية العراقية ، والكويتيين دا يأشرون للويس وأصحابه مع تحية وداع حارة مثل جو الكويت ، وطبعا بمجرد دخول لويس الحدود العراقية لاحظ الفرق الكبير بين الكويت والعراق ، في الكويت صور شيوخ آل صباح بالقتر والدشاديش البيضة وفي العراق صور السادة المعممين بالعمايم السودة ومن أبرز الصور كانت صورة السيد السيستاني وعبالك دا يعصر نفسه و يسويهابالتواليت ، والصورة الثانية للسيد مقتدى الصدر وهو معصب و مخلي أصبعه كدام وجهه عبالك كان يريد يخليه جوة خشمه بس جان مستحي من انتقاد ايران اله وعلمود الضغط ما يرتفع عنده ، الصورة الثالثة كانت للسيد عبد العزيز الحكيم وهو مبتسم ابتسامة مالت واحد خبيث عبالك كان يريد يقول لمقتدى : راح أكعدك على الخازوق يعني راح أكعدك !!!
لويس شاف هاي الصور و تذكر انه يريد يروح للخلاء وطبعا خلاء العراق مو مثل الخلاء مال الكويت ، خلاء مال العراق كان ينقصه ورق تواليت وهذا الأمر اكتشفه لويس للأسف متأخر وصار يدور بجيوبه وما لكى كلينكس ، ما لكى الا صورة العميد فوفو ، وبشوارب العميد فوفو كدر لويس يمسح بيها وطبعا لويس نظر نظرة أخيرة للصورة بعد ما مسح بيها وقال : نعم الصديق انت أيها الكويتي .. وشمرها بالتواليت علمود تحل البركة !!!
البركة حلت على شوارب العميد فوفو حاله حال كل الكويتيين اللي دا يتلوكون للأمريكان واللي بنفس الوقت الأمريكان دا يقابلوهم بنفس اللغة و جاي يمسحون بشواربهم بأقذر شي عدهم !!!
لويس بعد ما دخل العراق حس انه بعالم آخر غير اللي كان راسمه بخياله .. للأسف الصورة مختلفة تماما ، في الكويت السيارات أمريكية وجديدة ، في العراق سياراتهم برازيلي ربع عمر ، في الكويت هنود هواية ، في العراق صاروا ايرانيين هواية ، في الكويت الزلم نص ستاو ما تفرقه عن البزون ، في العراق زلم خشنة ونظرات تجدح جدح من عيونهم وهذا شي ما يطمن لويس وخلاه يحس احساس غريب بأن الأمر مريب للغاية لأن الأوامر والارشادات من القيادة كلش قوية وصارمة وما بيها شقا بخصوص الوضع في العراق !!!
في بداية الطريق استقبل العراقيين الأمريكان بتفجير سيارة مفخخة عربون محبة من العراقيين للقوات الأمريكية ورسالة ود فيها كل أنواع الورود اللي حلم بيها الأمريكان ، طبعا هذا الانفجار خلى لويس ينرعب وينزعج من البداية اللي ما تطمن ، جر لويس حباية من شريط الكبسولات اللي بجيبه وأخذ حباية علمود تهدي أعصابه وتحافظ على هدوءه .
فد شوية وبين ما الرتل الأمريكي ماشي اتجاه القاعدة الأمريكية مر بجانب الرتل واحد مثلم راكب ماطور سكل وكان رايح للشغل ، الامريكان خافوا منه وحسبوه مسلح وراحوا وكفوه وصاروا يفتشونه ويبحوشون بجيوبه وبالتالي ما لكوا شي وتركوه بعد ما بهدلوه !!!
لويس من شدة الاعصاب جر حباية لخة وبلعها ، وصار كل ما يتعرض لويس لهبطة يكوم يجر له حباية الى أن خلص الشريط كله !!!
وصل لويس للقاعدة الأمريكية بالناصرية وطبعا يوم بعد يوم صارت الكآبة تصعد عند لويس لأنه ماكو وسائل ترفيه مثل ما هي موجودة بأمريكا بس بفد يوم من الأيام أعلنت القيادة الامريكية انه راح تصير حفلة بالقاعدة وراح يكون فيه خوش برنامج ومن ضمن هاي البرامج رقصة (ستربتيز) علمود يتماشى مع الشرب (القزرقرط) مال الجنود الأمريكان ، طبعا الحفلة خاصة بالجنود الأمريكان وما يسمحون لأي جندي عراقي المشاركة لأن الحرس الوطني العراقي يعتبروه الأمريكان بدرجة أدنى من درجة كلابهم يعني الكلب مسموح دخوله الحفلة لأنه وفي ومخلص للأمريكان بينما الحرس الوطني يعتبروه مصلحجي ومو مضمون وممكن بأي لحظة يبيعهم مثل ما باعوا وطنهم وقبلوا على أنفسهم انهم يصيرون عبيد !!!
الحفلة موعدها يوم السبت بالليل ولويس لازم يعمر الطاسة بشوية كبسولات تفتح الراس بس المشكلة انه الكبسولات خلصت من عند لويس وأبو المخدرات مو معروف وينه بس ولاد الحلال دلوا لويس على البياع اللي يمول الجيش الأمريكي بالمخدرات بجميع أنواعها وكانت المفاجاة انه الضابط المسؤول على أمن القاعدة هو تاجر المخدرات ويظهر انه مدعوم من القيادة الأمريكية يمكن لأنهم يريدون يخدرون جنودهم أفضل من ان يسلكون مسلك آخر مثلا ينتحرون لو ينقلبون على قيادتهم أو من ضوجتهم يفضحون الانتهاكات اللي دا تصير في الجيش الأمريكي !!!
يظهر انه آني طولت عليكم هالحلقة خلوني أكمل معاكم في الحلقة الجاية شنو راح يصير في الحفلة وشنو هي المفاجأة اللي تنتظر لويس ؟؟؟!!!

نشمي

لويس أخو لويسا(الحلقة الثالثة)

لويس أخو لويسا
(الحلقة الثالثة)



قضى لويس أيام كلش حلوة في الكويت مع حبايبه الضباط الكويتيين من الجنس الثالث ، والحكومة الكويتية دعت الأمريكان لحفلة كلش كبيرة بهالمناسبة السعيدة العزيزة على قلوب النشامى من أبناء الكويت بمناسبة قدوم أولاد عموميتهم الأمريكان اليهود !!!
طبعا مافي داعي نقوللكم انه اشلون تصير حفلات الضباط الكويتيين خاصة وان المسألة فيها أمريكان أكيد الاحتفال راح يكون كلش خاص والضباط الكويتيين علمود يحلون الحفلة كانوا لابسين الزي الخاص ، وعلى فكرة الزي الخاص هذا غير الزي الرسمي لأن الزي الرسمي كلنا نعرفه وهو اللبس العسكري الاعتيادي بس لبس الضباط الكويتيين (الخاص) يختلف من حيث المضمون واذا تريدون تعرفون طبيعة هذا اللبس لازم تسألون واحد من الجنود العراقيين اللي دخلوا الكويت سنة 1990 وشنو شاف من بلاوي وفضايح عن شيوخ وضباط الكويت الشاذين جنسيا ، أكيد الجندي العراقي في البداية راح يبتسم وكأنك دا تسأله عن فد شي مضحك بس بلحظات راح تتغير ملامح وجهه وتظهر عليه الجدية وراح يقول : يا حيف على الزلم اللي تنقلب بلحظات وتصير مثل النسوان !!!
احنا هسة مو بحال الضباط الكويتيين احنا بحال لويس والحفلة اللي عزموه الكويتيين عليها لأن الحفلة صارت على شرف وزارة الدفاع الكويتية والعميد فوفو كان لابس اللبس (الخاص) بالحفلة ووزارة الدفاع الكويتية قامت مشكورة بتوفير المشروب الروحي الخاص بالحفلة بدعم حكومي مخصوم من بترول الكويت اللي دا يبوكوه من آبار العراق الحدودية ، وطبعا مع المشروب أو مثل ما يسميه بعض اخواننا العراقيين ( القزرقرط) مال الحفلة كان هناك حضور بارز للجمعيات الخيرية الكويتية اللي دا تناضل وتكافح من أجل دعم القطط البريطانية والأمريكية وحمايتها من الانقراض تحت شعار ( من أجل مستقبل قططنا جميعا ) .. طبعا الكويتيين عندهم حق انهم يفكرون بشغلة البزازين لأن البزازين اللي بالكويت كلها نسوان والبزازين اللي بأمريكا كلها فحلة فممكن انه يصير تعاون مشترك ويتزاوج البزون الأمريكي ببزونة كويتية علمود يخلفون بزون اسرائيلي ويستمر النسل وما ينقطع وما يصير انقراض .. ويعيش البزون الاسرائيلي بخير وسلامة ويموت البزون العربي وينتف أبو أبوه !!!
العميد فوفو بالزي (الخاص) شرب وشرب الى أن صار طينة وأحيانا هاي النوعية من الناس لما تشرب تبان على حقيقتها أكثر من الحالة الاعتيادية لانه جاي يحجي بدون رقابة وبدون محاسبة وهناك حب العميد فوفو انه يعبر عن مشاعره للويس فقال :
تعرف يا خوي يا لويس انه احنا في الكويت نبوس التراب اللي تمشون انتو الأمريكان عليه وما أعرف ليش انه احنا نحب دائما ننتمي الكم ونتقرب منكم أكثر وأكثر حتى انه احنا أحيانا نشعر انه احنا جزء ما يتجزأ منكم .. عن اذنك أروح أملي كاسي وأرقص شوية !!!
لويس يقول لصاحبه جونسون : احنا الأمريكان صحيح متسلطين ومجرمين ونريد العالم كله يخضعلنا ونريد نسيطر على العالم وننهب ثرواته بس في المقابل احنا ما نحترم اللي يقدملنا الطاعة العمياء وما نحترم اللي ما عنده كرامة وذرة احساس وما نحترم اللي ينسلخ من جلده ويحاول يقلدنا تقليد أعمى يمكن نجامله ونتعامل وياه ونريدهم كلهم يصيرون على هالنهج بس احترام اله للأسف ماكو ، شوف الفيتناميين لما دافعوا عن وطنهم وهزمونا وطردونا من بلدهم شوف اشلون احنا نحترمهم ونقدر كفاحهم ضدنا مع انه همة أعدائنا بس يظلون الهم قيمة مو مثل هذولة الكويتيين اللي همهم الوحيد اشلون يصيرون مثلنا ويا ريت يقلدونا بالأشياء الزينة والمفيدة ، همة يقلدوننا بالقشور يعني اشلون ياكلون ويشربون ويسكرون مثلنا .. اشرب يا عزيزي جونسون اشرب بصحة فلوس الأمريكان المدفونة بأرض هذولة الحثالة العرب ها ها ها ها !!!
استمرت الحفلة ولويس وصاحبه جونسون ماتوا من الضحك على رقص العميد فوفو ، والعميد فوفو مات من الرقص ، وشباب وشابات الكويت ماتوا من الشذوذ الجنسي وأطفال الكويت ماتوا من الترف بينما أطفال العراق ماتوا من الجوع والقنابل العنقودية الأمريكية المدفوعة من فلوس الكويت ، وآباء أطفال العراق ماتوا من المفخخات اللي دا تمولها الحكومة الكويتية !!!
للأسف الأيام الحلوة اللي قضاها لويس في الكويت كلش قليلة لأنه لازم يستعد للسفر للعراق ولويس وأصحابه قالوا : مادام الكويت استقبلونا بالأحضان فأكيد في العراق راح يستقبلونا بالورود والرياحين ، ودعاية ان العراق مقبرة الغزاة ما الها أساس من الصحة وهي مجرد ( أضغاث أحلام ) !!!
نشمي

لويس أخو لويسا(الحلقة الثانية)

لويس أخو لويسا
( الحلقة الثانية )



استعد لويس للسفر للعراق ومن أهم الاستعدادات هي مشاهدة أفلام رامبو وأفلام الكاوبوي والأفلام الحربية الأمريكية وبطولاتهم بفيتنام !!!
طبعا هاي الأفلام تنطي لويس استعداد نفسي كبير للقتال في العراق والمسألة مو عارف اشلون يوازنها لويس وية نفسه لأنه دا يعيش في صراع نفسي عميق فهو ما بين انه متردد وخايف من اللي دا ينتظره في العراق وما بين انه يصدق الكذبة اللي دا يكذبوها عليه في الأفلام الأمريكية انه الجندي الأمريكي مادام راسه يشم الهوا فما راح ياكل هوا حتى لو في العراق هوى !!!
ودع لويس أصدقاءه وحبايبه الحشاشين وقطاع الطرق والحرامية وآخر شخص ودعه لويس هو صديقته المخلصة مارغريتا اللي دموعها صارت تنزل بالجملة من عيونها و اللي لما دار لويس وجهه صوب البارجة الحربية صعدت مارغريتا وية مايكل غريم لويس اللي بنفس الوقت هو صديقها اللاخ وأول شي قالته مارغريتا لمايكل : خلصنا من المغفل لويس ها ها ها ها !!!
صعد لويس البارجة ودخل للغرفة المخصصة اله وأول شي سواه لويس هو انه علق صورة مارغريتا (المخلصة) على ظهر الخزانة علمود كل ما يشتاقلها يفتح باب الخزانة ويتذكر الأيام الحلوة اللي قضوها وية بعض بكل اخلاص ووفاء !!!
عبرت البارجة الأمريكية البحار والمحيطات ودخلت مضيق جبل طارق والحكومة المغربية أرسلت تحية للبارجة الأمريكية مع تمنياتها لها بالتوفيق .. ودخلت البارجة للبحر المتوسط والحكومة التونسية رفعت شعار كلش كبير مكتوب عليه : ترى احنا من زمان مانعين الحجاب ولا يوجد ارهاب في تونس !!!
أما الحكومة الليبية فسوت نفسها مو شايفة شي وما تدري عن أي شي وضربتها (طناش) .. و صارت البارجة تسبح براحتها ومحد يسترجي يقوللها ثلث الثلاثة اشكد حتى دخلت البارجة لقناة السويس والحكومة المصرية كانت مجهزة فرقة (حسب الله) علمود يعزفون سلام مربع للجدعان الأمريكان مع أغنية للمطرب المصري سعد الصغير (بحبك يا حمار) !!!
لما وصلت البارجة الأمريكية لمضيق باب المندب كان للحكومة اليمنية أشرف موقف وهو انها خلت كم واحد من شباب قبيلة بني الأحمر يتفلون على البارجة الأمريكية ببقايا القات المخزون بحلكهم حتى انه لويس لما شم ريحة القات المخدر قال : أوفيييييش .. ريحة أهلي !!!
عبرت البارجة بحر العرب ودخلت مضيق هرمز في الخليج العربي والحكومة الايرانية دزت بقوارب ايرانية تحوم حوالين البارجة كنوع من الاستفزاز !!!
أما الحكومات الخليجية فكان موقفها خاص جدا لأن الفرحة عمت بديارهم والذبايح انذبحت لعيون الأمريكان الأبطال المحررين ، وخادم الحرمين الشريفين صلى ركعتين شكر لله على وصول الأمريكان بسلامة وخير ، وتنافس حكام الخليج على استضافة البارجة الأمريكية ورادت تصير عركة بيناتهم بس الله ستر وقبطان البارجة قاللهم : خلو البارجة هي اللي تختار مسارها وبأي أرض تنزل .. دعوا حكمة الرب تقرر بأي بلد ننزل !!!
الحكام الخليجيين قالوا : نعم الرأي رأيك يا طويل العمر !!!
البارجة الأمريكية بقدرة قادر مشت بنفسها ومحد قادها الى أن رست في الكويت .. هناك فرحت الحكومة الكويتية بهاي المعجزة الربانية وأن الرب اختار الكويتيين كشعب الله المختار علمود يستضيفون البارجة الأمريكية المحررة للأراضي العربية من الأعداء (الشرفاء) !!!
الشيخ صباح حاكم الكويت بشحمه ولحمه وخشمه اجة علمود يستقبل أسياده المحررين وأول ما وصلت البارجة الأمريكية رفع الشيخ صباح ايده علمود يحيي
لويس وبقية المرتزقة وهناك اندار الشيخ ناحية الميناء علمود ينطي اشارة البدء وكانت للبنوتات الكويتيات علمود يرقصون رقصة (ثعلب الصحراء) لحبايبهم الأمريكان ، وطبعا مع الرقص كان الشيخ يصفق بايديه للبنوتات ويقول : عاشوا .. عاشوا .. وعلى عناد العراقيين .. أطفال العراق .. ماتوا .. ماتوا !!!
نزل لويس من البارجة الأمريكية واستقبلوه البنوتات بالورود والقبلات ، واستغرب لويس انه بس البنوتات همة اللي دا يستقبلوه وقال لصاحبه : شنو الكويت مابيها رجال ؟؟؟!!!
المصيبة انه واحد من الصحفيين الكويتيين سمع كلام لويس وثاني يوم الصحافة الكويتية نزلت على لويس نزلة محترمة ووصفته بالمعتوه لأن البنوتات اللي كانوا يرقصوله همة رجال الكويت الأفاضل من الجنس الثالث .. خرا ببليسك لويس شنو ما عندك تمييز ؟؟؟!!!
رست البارجة الأمريكية في الكويت كمحطة أولى قبل ما يدخلون العراق وشيء طبيعي ان تنفتح أراضي الكويت للحبايب الأمريكان (عيال بوش) على مصراعيها .. والشيخ صباح أمر بعدم التعرض لعيال بوش ومحد يحاسبهم على أي غلطة تبدر من عدهم ترى هذولة ولاد الحـ ... الحبايب يقصد الشيخ خوما تحسبون الشيخ يقول عنهم ولاد حرام .. مو يشكون حلكه الأمريكان ويخلوه فلس ما يسوى !!!
لويس ما شعر بالغربة أبدا لأنه دا يحس انه ببلده .. وليش ما تصير الكويت بلده ؟ مو همة اللي حرروها من العراقيين الاستعماريين وخلوها تصير ولاية أمريكية ؟ يعني لويس ما راح بعيد هو ببلده وبأرضه ومن حقه انه يشفط بنفط الكويت علمود يغذي الاقتصاد الأمريكي ومن حق لويس انه يتزوج من بنت الشيخ صباح حتى لو ما وافق أبوها ومن حق لويس انه يلبس القترة والعكال الكويتية ويسكن بيوتهم وياكل أكلهم لأنه صار هو واحد منهم وفيهم !!!
انتقل لويس للقاعدة اللي يسكن بيها الجنود الأمريكان قبل ما يروحون للعراق وهناك استقبلوه الضباط الكويتيين برتب مختلفة العميد فوفو والمقدم لولو والرائد توتو ولويس أخذ انطباع عن الأراضي العربية انها كلها نفس الشي وان العراق راح يكون فيه استقبال رائع ومميز مثل ما بنوتات الكويت استقبلوه وكاموا يبوسون بخدود واحد من عيال بوش !!!
هناك قال لويس قصيدة نبطية على الطريقة الكويتية :
يا رب يا اللي حميت الأمريكاني
وخليتنا نحتل بلاد العراكي والأفغاني
وقوضت لنا من الأنصاري كويتي وعماني
وخليت بناتهم ياكلون خدي مثل الرماني
وجعلت رجالهم يبوسون الأقدامي
جعل ربي يخليهم عبيد لنا طول الزماني
وسلامتكم
لويس بن خلف الهذال

لويس أخو لويسا (الحلقة الأولى)

لويس أخو لويسا
( الحلقة الأولى )

لويس هو شاب أمريكي مفتول العضلات نوعا ما , ضخم الجثة و صاحب وجه أحمراني اللون .. عنيف يميل الى العدوانية وهذا بأمريكا يقولوله أخو خيته ومثل ما احنا عدنا أخو هدلة فالأمريكان عدهم ( أخو لويسا ) والمقصود بيها طبعا لويس بس الفرق كبير بين أخو هدلة وأخو لويسا لأن أخو هدلة بطل وصاحب أخلاق بس أخو لويسا غدار وجبان وما له أمان مع وجود الفرق انه أخو لويسا ماخذ حقه بالدعاية السينمائية فتلاكيه مثل ( أرنولد شوارزنغر ) لو مثل ( سلفستر ستالون ) دائما هو في المقدمة وما تعصى عليه أي مهمة وممكن اذا دخل بمعركة وية جيش مثل الجيش الروسي لو الصيني لو حتى وية العرب أكيد راح يملخهم وينتصر عليهم , ومسكين يا أخو هدلة اللي السينما ما أنصفته واذا كلش كلش ممكن يطلعوه بمسلسل باب الحارة ويكون يا الزعيم لو العكيد لو الحلاق أبو عصام !!!
نرجع للحباب لويس ترى لويس ما اخذ شهرته بأنه أخو لويسا هيجي اعتباط .. لا .. المسألة الها خلفيات لأن أخته صدك اسمها لويسا وهي توأم لويس .. صحيح لويسا حشاشة وصاحبة ماضي أسود وضاربة الرقم القياسي بمصادقة الشباب بس هذا ما يمنع انها انسانة مؤمنة .. ايه ليش تستغربون ؟ هي انسانة مؤمنة بالطريقة الغربية بأن الحياةهي اغتنام فرص وانه المشاعر النبيلة ما الها مكان بهالزمان وانه الوقت هذا وقت الأقوياء اللي الضعيف ما اله مكان بينهم ولويسا همينة صاحبة مبدأ في الحياة اللي يؤمن بأن المادة هي كل شي يعني عندك فلس تسوى فلس .. ما عندك فلس ما تسوى فلس !!!

طبعا لويس مو أحسن من اخته لويسا نفس درجة الايمان وصاحب نفس المشاعر المعدومة من الأحاسيس الجميلة يعني بيني وبينكم نفس التربية سز .

لويس عنده برنامج يومي رائع جدا .. يصحى من النوم الساعة 2 بعدالظهر و يضرب الريوك ( كورن فليكس ) مع حليب .. شوية مربى علمود الطاقة .. مع قطعة خبز توست مدهونة بالزبدة .. يظل بالبيت بنفس الشعر المعفوش الى أن يجي وقت الطلعة .. يروح لديفيد ابو المخدرات علمود ياخذ حصته التموينية من الحشيشة .. يرجع للبيت قبل الليل علمود يضرب العشا وهو بأغلب الأحيان أكلته المفضلة لفة خشم خنزير مع قوطية بيرة علمود يهضم اللفة لأن خشم الخنزير صعب الهضم .. بعد العشا يخلي على شعره كيلوين جل علمود يصفط الشعر ويلبس ملابس السهرة تي شيرت مع بنطلون جنز مشكوك بأماكن حساسة من الجسم .. وبعد السهرة يرجع للبيت على وجه الفجر بعد ما يتعارك بالمرقص وية كم واحد من الهنود الحمر لو كم واحد من الزنوج السود وطبعا ما في داعي أقوللكم اشلون تصير العركات لأن لويس دائما يرجع مكفخ ومشبعيه ضرب وماكل خوش كتلة , ولا عبالكم انه تصير بوكسات ما بوكسات مثل ما يطلعولكم بالأفلام الأجنبية .. ترى كله جذب لأن الغرب من الجبن اللي بيهم دائما يستخدمون أسلحة وحدايد والضرب عامي شامي !!!

لويس من كد ما أمه ضايجة منه لأنه لا شغلة ولا مشغلة بس صرف فلوس عالفاضي قالتله : شوف انت يا تشوف لك شغلة وتشتغل بيها علمود تساعدنا بمصروف البيت لو تطلع من هذا البيت وتشوف لك مكان ثاني .. ترى كافي أصرف عليك انت صار عمرك فوق الـ 18 سنة .. شباب بعمرك هسة تجار مخدرات لو فتاحين قاصات لو مسلبجية والفلوس معبية جيوبهم وانت حضرة جنابك لا شغلة ولا مشغلة بس شاطر تبوك من أمك وتصرف على الكيف مالتك .. ما تقول هاي أمي مسكينة يالله يكفيها معاشها حشيشة وكوكاين .. ليش ما تصير مثل أختك الشاطرة بكل طلعة ديسكو تجيبلها خوش فلوس ؟؟؟!!!

المصروف انمنع عن لويس وأموره صارت داجة وتصعب على الكافر , ماكو فلوس يعني ماكو كيف وماكو حتى لفة خشم خنزير وراح يموت من الجوع لأنه بأمريكا كلمن اللهم نفسي ومحد يعطف على اللاخ الا اذا كانت عنده مصلحة وياه حتى أخته لويسا صارت تغلس عليه وما تديرله بال بعدما كان لويس يساعدها بروحة الديسكو على الماطور سكل مالته .. والله زمن هيجي الزلم يصير بحالها ترى مصيبة !!!

بفد يوم من الأيام لويس صحى من النوم على صوت أبو البريد .. خير ان شاالله شكو ماكو بهالبريد المسلفن اللي جاي باسم لويس قاهر الأسد ؟؟؟
فتح لويس الظرف وكان استدعاء لأداء .. لا .. مو أداء فريضة الحج .. أداء الخدمة العسكرية .. وييييييين ؟؟؟ في العراق !!!
في البداية خاف لويس وانرعب وراد يسويها على نفسه , لأنه سمعة العراق كلش مو زينة على العسكريين الأمريكان وهي مثل درب اللي يروح وما يرجع .. واللي أمه تحبه يرجع بتك ايد لو رجل وأحيانا بلا ايدين وبلا رجلين ولويس عاد هاي امه اشلون تحبه تشوف عزرائيل ولا تشوف ابنها !!!

لويس ناقش الأمر وية أخته لويسا بس لويسا طمنت لويس انه هاي الخدمة العسكرية في العراق فيها خوش فلوس تدفعها وزارة الدفاع الأمريكية للي يخدمون في العراق وهذا غير السلب والنهب اللي يكوم بيهاالعسكريين الأمريكان هناك لأن العراق يسموها بلد علي بابا اللي الفلوس تشيلها رزم رزم وما راح تلحك على البوك الغير طبيعي !!!

هنا لويس اطمئن وصار يفكر بطريقة ثانية لأنه لويسا فتحت عيونه على الغنى وعالم الفلوس اللي راح تغنيه طول عمره وأول شي صار يحلم بيه لويس انه بامكانه انه يتحول من شخص يتعاطى الكوكايين الى شخص مدمن هيروين وممكن يصير بعدين صدك تاجر مخدرات ويتحكم بالسوق .. واللي شجع لويس أكثر واكثر هو ايمان لويسا المطلق بأن الرب راح يساعد أخوها اذا راح العراق لتحقيق هدفه السامي .. علمود هيج لويسا دعت لأخوها لويس دعوة أخت لأخوها وقالتله :
لقد صليت لك ..فليساعدك الرب !!!

لويس : هذا ما كنت أحتاجه منك يا عزيزتي المؤمنة لويسا !!!
نشمي

الإعجاز في موقع مكة المكرمة

الإعجاز في موقع مكة المكرمة

دكتور مهندس يحيى حسن وزيرى
أستاذ العمارة المساعد ومحاضر بكلية الآثار جامعة القاهرة
بحث رائع يتناول موقع مكة المكرمة بالنسبة إلى الأرض يتم عرض البحث على شكل شرائح على برنامج البوربوينت
الملف 3.9ميغا بايت نوعه ملف بور بوينت شرائح
أضغط هنا للتحميل
يمكن التواصل مع المؤلف على الإيميل التالي:
y_wazeri@yahoo.com

تنزيل القرآن الكريم

وهذا موقع اسمه "تنزيل القرآن الكريم" وهو موقع رائع جدا حيث يمكن للفرد الاستماع لقراءة القرآن مع القراءة وبامكانك اختيار اسم المقريء والسورة ورقم الآية .. أرجو أن ينال اعجابكم أيضا

تنزيـــل

موقع القرآن الكريم

هذا موقع لترجمة معاني القرآن الكريم لعدة لغات أرجو أن ينال اعجابكم وتعم الفائدة عليكم

موقع القرآن الكريم

دعوة ضد المالكي

دعوة ضد المالكي

لما فكر المالكي انه يحضر للسويد لعقد مؤتمر ما يسمى بالعهد الدولي أخذ بعض العراقيين الوطنيين على عاتقهم مسألة العمل على اسقاط المالكي اعلاميا فكانوا يعملون على الاعداد لمظاهرة ضده أعدت خصيصا (لكسر راس) المالكي وعلمود يطيحون حظه فد مرة اتفقوا على انهم يرفعون قضية عليه عند الشرطة السويدية اللي بدورها تنقل القضية للجهات المختصة .
طبعا الجماعة اتصلوا بية وعرضوا علي ان يكون اسمي وياهم وآني لكيتها فرصة علمود أمسك بخوانيك المالكي وأطيح حظه أكثر من ما هو طايح وفعلا وافق أخوكم العبد الفقير على ان يتسجل اسمي وية الجماعة وكوني أسكن بمدينة بعيدة عن العاصمة ستوكهولم كان من الصعب علي اني أروح وياهم لمركز الشرطة لتقديم البلاغ واكتفوا انهم ياخذون اسمي ورقمي الشخصي ، ما أخفي عليكم ان المسألة كانت غريبة علي وفكرة كانت لا عالبال و لا عالخاطر بس الجماعة جزاهم الله عنا ألف خير انطوني شرف المشاركة بهيجي عمل من وجهة نظري أعتبره قمة الشجاعة والوطنية لأنهم دا يواجهون حكومة وما دا يخافون ، صحيح هي حكومة ظل وغير شرعية بس هي اسمها حكومة وايدها بالنجاسة طايلة والها طراطيرها اللي يطبلولها ويتلوكولها .
طبعا آني كنت أتمنى انه أكون وياهم لما راحوا لمركز الشرطة لتقديم البلاغ بس للأسف مثل ما قلتلكم انه آني ساكن بمدينة كلش بعيدة عنهم بس هذا ما منع خيالي انه يكون حاضر بهذيج اللحظات اللي آني أشوفها انها ممتعة ومشوقة مثل ما انك تلزم برقبة المالكي وتذبحه مثل الطلي !!!
آني وبعد اذن الجماعة راح أكتب فصل بس ترى هذا من خيالي الخاص وراح أوصفلكم انه اشلون الجماعة راحوا لمركز الشرطة وقدموا البلاغ ، وعلى فكرة ترى راح أستخدم أسامي مستعارة علمود ما يقولون اني زورت بالحقائق .
الشخص الاول هو (أبو الغيرة) وطبعا أسميه أبو الغيرة لأنه بوقت المظاهرة حسيت انه أكثر واحد بينا عنده غيرة على العراق وصوته كان يلعلع بترديد العبارات الوطنية وأغنية (جنة يا وطننا) كان يغنيها بصوت عالي بوسط العاصمة السويدية ، صحيح بوقت المظاهرة كان لابس أفندي .. بدلة ورباط على غير العادة وشكله طالع عبالك من الأمن بس ناقصة مسدس بس هذا ما يمنع انه كان كلش شجاع .. اخمط يا أبو الغيرة منو كدك ؟؟؟!!!
الشخص الثاني وراح أسميه أحمد مع زوجته وراح أسميها ابتسام وهي الشخص الثالث .
المشهد يبدأ من بيت أحمد وابتسام قبل ما يروحون لمركز الشرطة :
أحمد : ابتسام .. يالا ترى تأخرنا على أبو الغيرة ، الرجال صارله نص ساعة منتظرنا عند مركز الشرطة .
ابتسام : ايه شسويلك مو قميصك هذا ما جاي ينكوي القماشة مالته أشو عبالك جلد تمساح .
أحمد : هسة دعوفيه راح ألبس التي شيرت اللي جبتيلياه أيام الخطوبة من الهند .
ابتسام : حييييييل هذا لهسة عايش ؟
أحمد : لعد اشلون هذا من عندج وآني كلش أعتز بيه صحيح لهسة بيه ريحة بهارات مالت الهند بس ما دام من عندج فيصير عسل على قلبي ، وها أهه هذا التي شيرت ولبسته.
طلع أحمد وابتسام من البيت وركبوا السيارة مالتهم
أحمد يحاول يشغل السيارة : عاووووه ما دا تشتغل السيارة .
ابتسام : هسة اشلون ؟
أحمد : لازم دفعة .
ابتسام : ما تدفعها !
أحمد : وانت تسوقين ؟
ابتسام : تعرف كلش زين انه آني ما أعرف أسوق .
أحمد : لعد روحي دفعي السيارة .
ابتسام : عمرك شفت وحدة حامل وتدفع سيارة ؟
أحمد : لعد عمرج شفتي وحدة حامل رايحة لمركز شرطة تشتكي على رئيس وزراء ؟
ابتسام : زين أمري لله أروح أدفع .. صخام الصخمني .. حريم حوامل دا يدلعوهم زواجهم وآني زوجي يريدني أدفع سيارة !!!
وصل أحمد وابتسام لمركز الشرطة وأبو الغيرة جان معطب من الانتظار .
أبو الغيرة : ها .. ليش تأخرتوا ؟
أحمد : صوج التي شيرت .. ريحة البهارات مالته أثرت على السيارة وما خلتها تشتغل .
ابتسام : فاضطريت آني أدفعها .
أبو الغيرة : تي شيرت شنو بهارات شنو دفعة شنو آني مو فاهم شي !
أحمد : خلونا ندخل عالسريع ونقدم البلاغ على السيبندي المالكي .. يالا تعالوا !
دخلوا الجماعة لمركز الشرطة ورغم انه ابتسام كانت حامل الا انها سبقت أحمد وأبو الغيرة وصارت تمشي بخطوات كلش سريعة ، والشرطية اللي على مكتب الاستقبال عبالها ابتسام جاية غلط لمستشفى الولادة .
الشرطية : رجاءا مو من هنا !
ابتسام : لعد من وين العملية مستعجلة وماكو وقت .
الشرطية : أعرف بس انت جاية لمكان غلط .
أحمد يقول لأبو الغيرة : مو قلتلك انه القضية راح تاخذ شهرتها الاعلامية .. شوف هاي الشرطية عرفت علمود شنو احنا جايين وتقوللك انه مكاننا غلط لأن المكان الصحيح هو عند الضابط المسؤول ، أكيد دا ينتظرنا في مكتبه الخاص .
أبو الغيرة : والله تفسيراتك منطقية .
الشرطية : هنا مركز شرطة مو مركز ولادة .. مركز الولادة يصير في الدربونة اللخة على اليمين ورا الخباز .
ابتسام : ألا يا مضروبة الجلوة ، تحسبيننا جايين للمستشفى احنا جايين نقدم بلاغ .
الشرطية : ضد منو البلاغ ؟
أحمد : ضد نوري المالكي .
الشرطية : وين ساكن هذا النوري ؟
أبو الغيرة : في العراق .
الشرطية : في العراق وجايين تقدمون بلاغ بالسويد ؟
ابتسام : يظهر عليها هاي كلش مطفية .. ولج هذا رئيس وزراء العراق المحتل .
الشرطية باوعت باستغراب للجماعة وعبالك واحد ضاربها راشدي : انتو جايين تقدمون بلاغ ضد رئيس وزراءكم ؟
أحمد : هذا مو رئيس وزرائنا .. هذا واحد عميل مجرم خاين .. وبعدين شنو احنا مو عاجبينج ؟
ابتسام : ترى لا يغرج ملابسنا الكشخة ترى هاي من أكبر محل (ميرورنا) .
أحمد يقول لأبو الغيرة : ولك هاي فضحتنا ترى الميرورنا هذا اللي تحجي عليه محل مال لنكات ومستعمل .
أبو الغيرة يحجي وية نفسه : لعد لو يعرفون القاط مالتي من وين مشتريه ؟؟؟!!!
الشرطية : زين بشنو تتهمونه لهذا النوري ؟
أحمد : هذا المطي ..
الشرطية : لا لو سمحت لا تغلط .. المطي حيوان أليف وما نسمح انكم تهينوه بهاي الطريقة .
أبو الغيرة يقول لابتسام : أخاف أقول عنه كلب لا يعتبروها اهانة للكلاب ويسجنوني عليها !!!
ابتسام : والله احترنا بشنو نوصفه .. بابا .. هذا فد واحد مجرم سفاح مرتكب جرائم ضد الانسانية .. زين هيج ؟
الشرطية : ايه هسة افتهمت .. هذا كلام منطقي ويخش العقل وعلمود هيج راح نقبل القضية بشكل مبدئي .
أحمد وابتسام وأبو الغيرة طاروا من الفرحة والقضية انقبلت في الشرطة السويدية .. والمالكي أول ما نزل من الطيارة وقبل ما يسلمون عليه قالوله : ترى فيه قضية مرفوعة ضدك يا نوري واللي رفعها عليك همة أبناء العراق اللي ذبحتوه من الوريد للوريد وبعتوه للمحتل الأمريكي ، فما هي أقوالك يا نوري ؟
نوري المالكي تمنى ساعتها انه يكون زوج قنادر أستر من انه يصير بهالموقف البايخ حتى لو كلف الأمر انه ينباع بـ الميرورنا !!!
نشمي

جرب وبات الليل بالفلوجة

آهِ .. جَرِّب وبات الليل بالفلـوجة - واسمع هديـــر البحر يلطم روجـه

استمع اليها مغناة . . وتمتع بقراءتها استمع اليها في (صوتيات مرئيات) بعنوان (جرب وبات الليل في الفلوجة ) كما استمع الى مدائح اخرى من نفس المداح صباح الجنابي .

أما اذا كنت تريد السماع للعديد من الأغاني الوطنية فما عليك الا الضغط على هذا الرابط

أغاني وطنية

يا واسْعَ الجود يا عالي يا جبــّـار

يا مِنّك(1) التّدبيــر وبيـك الذِكِر بادي

بيد(2) الكُفُر إمّتَكْ يا أحمد المختــار

ضاگت(3) علينا وغِدَتْ ميْسورة(4) بغدادي

وِمْنِ الجِرى(5) يا سيّدي متوگِّد(6) إبْنار

يا ربّ أُبوابراهيــــم إدْرُكْنا بمدادي(7)

بغداد تِنْخى يا حيـدر الكـــرّار

و العَسْكري و جِدّي عَلي الهـــادي(8)

يا الله يا رحمن سترك يا ستّــــار

ألِّـف بِيْـنْ گلوب كُلَّ العبــــادِ(9)

ما ظَلْ أمان بين جارٍ و جــــار

ولو ظل خَلْ يِنْصِفَكْ لو صِرِتْ مِتْـرادي

واللّي تحسبه خيٍّ إلَكْ صاحب طِلَعْ منشار(10)

أحِسَّنَّه(11) وَسْطَ الضِلِعْ ياكُل بِـالكبادي(12)

يا خوي يلْـ حلَّلِتْ نهبِ البَشَر وِالدّار

اللّي جِنيته خِزي ويضَيْعَ الامجـــــادِ

وابنِ الحمولة(13) يا خيّ ما يحملِ العـار

ولا ينطي بالدينـار سـِــرَّ من الأجدادِ

صلّي وسَـلِّم تِجْلي الأكـــدار(14)

علـْ النبي العدنان هَل بـه الإســنادِ

نعميـن أهَلْنا سباع يوم الهوشة ..

شاش الكُفُر بديارهم مفروشة

نعميـن أهَلْنا سباع يابا الكوني(15)

خلّوا امريـكا وجيشـــهم مرهوني

بالدايرة اللُّخ(16) نصطُرَه(17) لشاروني(18)

وعلومنا(19) بأمّ الكتـب منقـوشــة

نعميـن أهَلْنا سباع ..

إعلومْنا بكلّ العرب معروفـــــة

ندعي الخصيـــم محنيّـّات چفوفه(20)

بنصّ(21) الولاية چتافهم(22) مرصـوفة

والّلا الشِـوارِع بالحُمُر مرشوشــة(23)

نعميـن أهَلْنا سباع ..

إحْنا رِجالِ الّلي نِحامي الدّيــــرة

نِذبــح العادي والـگِصيرَ نجيــره(24)

من صاحـت الفلّوجة يـَ هْل الغيـرة

هَبّــت صگور الحوم(25) عند الهوشـة

نعميـن أهَلْنا سباع ..

آهِ .. نِردَع العايل وَالكُفُرْ ما نخافي(26)

وحگوگنـا(27) يوم الطّلَبْ نِسْـــتافي

أمريــكا تِخسَـر والوفة بآلافِ

بِالفِشَــﮓ(28) كُلِّ دروبــنا مفروشة

نعميـن أهَلْنا سباع ..

بيوم الوغى تشــهد لِنــا الصلاةِ

إبديـرتنا جيْش امريكا أبَدْ(29) ما بــاقي

خلّيـــنا بوش يجَرجِر الحســراتِ

وفعال أهلْنا بساع(30) كِسْروا روشـــه

نعميـن أهَلْنا سباع ..

آهِ ..تشهد بحَگْنـا(31) ديرة الغربيـّـة

عند الجِسِــر والمزرعة الشرجيــّة(32)

جرِّب وشوف المعركة ليــليـّــة

كُلّ النواحــي طشـاشهم مَطشوشة(33)

نعميـن أهَلْنا سباع ..

آهِ ..حسبالهُم ذِلاّت(34) واحنــا(35) سباعي

عِدنـا(36) رِجـالِ اللّي تِشُگَّ الگاعي(37)

البــاز الاشهب والطِويــلَ البــاعِ

ومِشيْوِح النّاطور هدّ جيوشــــة(38)

نعميـن أهَلْنا سباع ..

بانت بعالي الغاب عند رجالــــة

وبديــــرة الفلّوجـة هَلِّ إهلالة

يوم الضرايـب(39) بوش شـاف بحالة

ردّت جيـــوشة خايفة ومدهوشة

نعميـن أهَلْنا سباع ..

آه .. رايـة محمد بالبــلد مرفوعة

امريكة ردَّت خايبـــة ومفجـوعة

فاوَض بمجلِس لَمِـن(40) هلِّ دموعـة

عَلْــهُمْ يِشِركونه بكُثر نعوشــة(41)

نعميـن أهَلْنا سباع ..

نهضَت ســباع الكون عند الصيـحة

هِمّت الباري والعَزِم تَسْـــليـحة

ضيم الوطن يا ناس منهو يزيــــحه

والعادي عند البلد منهو يحوشــــة

نعميـن أهَلْنا سباع ..

آهِ .. جَرِّب وبات الليل بالفلـوجة

واسمع هديـــر البحر يلطم روجـه(42)

شوف العِدا(43) مِثْلِ الگِطا(44) محروجـة(45)

تِتْـنَطَّر(46) الصيـّاد يَمْتَـة ينوشــة(47)

نعميـن أهَلْنا سباع ..

رجالَ الاسلام الّلي ينْحرونَ الطوبـي(48)

يخَلّون الامريــكي يرِد منكوبــــي

لمـّن تجي(49) وتعبُـر لذاكَ الصـوبِ(50)

شوف الاجسـاد مطشّـرة(51) ومنهوشـة

نعميـن أهَلْنا سباع ..

آه .. أهل المراجِـل(52) بالنَزِل(53) سِـرّاعة

وحرابـهم بالمعركـــة لمـّاعـــة(54)

امريكة صارت خايـــفة ومرتــاعة

يوم الملاگة(55) بوش جرَّوا بوشـــــة(56)

(1) من الله التدبير ويبدأ الذكر باسمه تعالى .

(2) أي بأيدي الكفار .

(3) ضاقت علينا .

(4) ميْسورة : أي مأسورة بغداد .

(5) الذي جرى .

(6) متّقد بنار ، من الغيظ أو من حرقة الألم .

(7) أدرِكنا بمدد من عندك . ملاحظة ؛ تم تغيير العبارة هنا ليكون المنادى الله عز وجل ولتصحيح تعبير فيه شطط حيث لا يجوز طلب المدد من عند غير الله ، كائناً من كان .

(8) تنخى ، أي تستثير وتنادي . الكرار المقصود به علي رضي الله عنه رابع الخلفاء الراشدين . والعسكري هو الحسن بن علي بن محمد من أحفاده توفي عام 260، وأبوه هو علي الهادي بن محمد الجواد من الآل رضي الله عنه توفي عام 254 ويقال انه مدفون في سامراء .

(9) ألِّف بين قلوب العباد .

(10) الذي تحسبه أخاً لك وصاحب ، إذا هو كالسكين المسنن في الاضلاع

(11) أُحسُّ بهِ .

(12) يأكل كبدي ؛ من شدة تعذيب الغادر .

(13) ابن الحمولة : في التعبير العراقي هو الكريم إبن الأكارم الذين يعينون الناس ويحملون همَّهم .

(14) تنجلي الأكدار .

(15) الكونة : المعركة وتطلق على المناوشة الصغيرة .

(16) المنطقة الأخرى .

(17) نصطره : نصفعه بشدة فندوّخه .

(18) شارون ، رئيس وزراء العدو الصهيوني .

(19) أخبارنا ومآثرنا .

(20) كفوف ، جمع كف .

(21) في وسط البلدة .

(22) أكتافهم ؛ دلالة على التوحد ورص الصفوف .

(23) مرشوشة بالدم ؛ دم الامريكان .

(24) الگصير نجيرة : نُجير ونعين الذي تقصر يده ويحتاج المساعدة .

(25) صگور الحوم : الصقور التي تحوم حول الفريسة .

(26) لا نخاف .

(27) حقوقنا . نستوفي حقوقنا يوم نطلبها .

(28) الفشگ : رصاص البنادق والاسلحة .

(29) بَدْ : أبداً ، لن يبقَ .

(30) بساع : بسرعة .

(31) حقّنا .

(32) الشرجية : : الناحية الشرقية من الفرات ، ولعلّ المراد مزرعة عامرية الفلوجة .

(33) جثثهم مبعثرة .

(34) ذلاّت : أذِلّة .

(35) نحن .

(36) عدنا : عندنا .

(37) تشق الأرض .

(38) مشيوح ؟

(39) الضرايب : المضاربة ، يوم الضرب والقتال .

(40) لمـّن : حينما .

(41) لعلّهم يشتركون معه بقتلاهم والاشارة لمجلس الحكم والموالين للمحتل .

(42) يتلاطم موجُهُ .

(43) العدا : الاعداء .

(44) القطا ؛ نوع من الطير .

(45) محروجة : ملجئة .

(46) تنتظر وتتربص آيسة .

(47) ينوشة الصياد : يصيب الهدف .

(48) الطوب : الحجر

(49) لمّن تجي : عندما تأتي .

(50) ذاك الصوب : الجانب الآخر من النهر .

(51) مبعثرة .

(52) أهل المراجل : أصحاب أفعال الرجال الابطال .

(53) يوم المنازلة .

(54) حرابهم تلمع من البريق .

(55) يوم اللقاء في ساحة المعركة .

(56) جرّ بوشه : تعبير بالعامية يعني أرهب المقابل الى الحد الذي لم يعد له خيار للتصرف أو الرد .